Wannan waƙar mai suna “Taya Murna” an tsara ta ne domin taya murna ga Dr. Abu-Ubaida Sani game da kammala karatunsa na digirin digirgir. Da fatan Allah ya sanya wa wannan karatu albarka. Amin.
TAYA MURNA
Ta
Aminu Sani Uba Ringim (Abu Isah Asshanqedy)
Bismillahir rahmanir rahima
1. Tafiya a sannu a sannu in kai haƙkuri,
Sannan ka yo aiki da gake kana zuwa-
2. Can inda ke da wuyar zuwa a wajen wasu,
Tuni zaka je burinka kai yi cikawa.
3. Ni tawa murnar na saka ta a waƙe ne,
Kui haƙƙuri in nai kure ya 'yan uwa.
4. Haƙkuri da kai yau gashi ya zo muntaha,
Ka kammala yau ga shi ka yi gamawa.
5. Mai son ganin Dakta ya zo to gaka nan,
Ph da
D sunanka za a gamawa.
6. Digirin digirgir ka riga ka zarce nan,
Dirinka cif uku ce ku zam ganewa.
7. Dakta a al'ada a yau sabo fifil,
Tabbas a yau harshemu ya yo ƙaruwa.
8. Allah nake roko ya amfanar damu,
A cikin abinda ya baka mui yo ƙaruwa.
9. Haka nan ya zam kare ka sharrin ɗan
Mutum,
Har ma da aljan kar su yo cutarwa.
10. Murna na zo yi ba yabon ka ba gaskiya,
Amma yabonka ina shirin tsarawa.
11. In har na ce zan yo yabonka a nan
wurin,
Baiti dubu nan take zan saƙawa.
12. Amma a gaske iya sanin da na yo a yau,
Kan intanet Hausarmu kai yaɗawa.
13. Ka zam gudu a wurinmu mai tamkar dubu,
Aikin da kai Allahu yai sakawa.
14. Kafin na sanka a fuska can kan intanet,
Na gano ka aiki mai yawa ka azawa.
15. Wallahi tun sannan nake kaunarka ni,
Domin kwa ka yi abinda ba'a iyawa.
16. In har kuna son gane aiki ja da yai,
Tafi intanet sunansa kai yi sanyawa.
17. Koko ka je shafi na amsoshi ka ga,
Dubban takardun Hausa yai tarawa.
18. Fata nake Allah ya baka tsayi na rai,
Aikin da kaffara ka yo idawa.
19. Na nufin ka kai Hausarmu kan ƙololowa,
Domin ta bunƙasa a zam nunawa.
20. Ta biyo sahun manya na yaren duniya,
Wannan da kowa ya ji zai ganewa.
21. Waƙen ga ni ne nai shi ɗan almajiri,
Alaramma yaro mai jinin Hausawa.
✍✍
Daga Alƙalamin
Aminu Sani Uba Ringim
Abu Isah Asshanqedy.
Phone: 08162293321
Email: aminusaniuba229@gmail.com
Daren Laraba
08/Rabi'ul II /1447h
30/Satumba/2025.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.