Babu yadda za a yi mutum mai Imani, mai Tauhidi, mai bin Sunna, amma kuma ka same shi ba ya son Annabi (saw), ba ya girmama shi.
Ba zai taɓa yiwuwa a samu wannan mutumin, mai waɗannan siffofi, amma kuma ya
kasance maƙiyin
Annabi (saw)!
Kawai inda matsalar take shi ne;
-wai- yadda Sufaye suke guluwwi a haƙƙin Annabi (saw), to hakan shi ne son
Annabi (saw)!
Idan ba ka yi yadda Sufaye suke
so ba, to kai maƙiyin Annabi (saw) ne!
Duk abin da za ka faɗa game da Annabi (saw) sai
dai ka faɗa yadda suke
so su ji, in ba haka ba duk abin da ka faɗa
sai su ce ka yi ɓatanci
wa Annabi (saw)!
Alhali suna raya son Annabi (saw)
amma sun fi kowa saɓa
wa Annabi (saw), saboda sun saɓa
Sunnarsa, sun kishiyanci Addinin da ya zo da shi, saboda aikata shirka a ƙabarburan
waliyyansu.
Wallahi son Annabin da kake
rayawa aikin banza ne idan ba ka da Tauhidi.
Saboda Tauhidi shi ne tushen
Addini.
Shi ne manufar halittar dukkan
halittu.
Shi ne gaya a Addini da halitta
da rayuwa, da wajen Allah gaba ɗaya.
Don haka Sufaye da suke ƙaryar
son Annabi (saw), alhali ba su da Tauhidi, suna shirka ma Allah, aikin banza
suke yi.
Amma ba zai taɓa yiwuwa a samu mai Tauhidi
kuma maƙiyin
Annabi (saw) ba. Wannan abu ne "mustahili" .
Amma ana samun masu nuna son
Annabi (saw) amma ba su da Tauhidi, suna shirka, don haka son Annabinsu ya zama
a banza.
Allah ya mana tsari.
Dr. Aliyu Muh'd Sani (H)
Daga zauren Dr. Aliyu Muhammad Sani
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.