A bara mun tattauna sosai a kan ra'ayin haramta yin Azumin Nafila a ranar Asabat, tare da dalilai mun tabbatar da cewa; ƙauli ne ƙirƙirarre, bayan magabata sun yi saɓani zuwa ƙauli biyu, wato karhanci da halasci. Sai ya zama Ijma'i a kan haka.
Hujjar masu ra'ayin haramta Azumin wani Hadisi ne
"shazzi". Kai, har wasu Malaman ma sun ƙaryata shi.
Bayan nan suna da wata shubuha, cewa; an hakaito
daga wasu Tabi'ai, cewa: sun karhanta.
Don haka -wai- karhantawa a yaren magabata shi ne
haramtawa.
To amma sai dai, shi Imam al-Ɗahawiy da ya hakaito karhancin daga gare su, bai
naƙalto mana ainihin
lafuzansu ba, shi dai kawai cewa ya yi: "فكرهوا".
Don haka wannan lafazi daga gare shi ne, ibararsa
ce ba tasu ba.
To abin da za a yi a nan shi ne, sai a koma a ga:
idan Imam al-Ɗahawiy ya ambaci
"karhanci" me yake nufi?
Shin karhanci ne na haramci, ko karhanci ne na
makruhi, wanda bai kai haramci ba?
Ni dai da na bibiyi wuraren da al-Ɗahawiy ya yi amfani da
lafazin "karhanci", sai na samu cewa: idan ya ce: "Makruhi, ko
an karhanta", ba karhanci na haramtawa yake nufi ba. Makruhi ƙanin haramun, kishiyar
mustahabbi yake nufi. Wato "كراهة تنزيه".
Saboda haka maganar haramta Azumin Nafila a ranar
Asabat ra'ayi ne ƙirƙirarre, ya zo ne bayan
Salaf sun yi saɓani zuwa ƙauli biyu. A bisa ƙa'ida ya zama sun yi
Ijma'i a kan waɗannan ƙauli biyun, ƙirƙiran ƙauli na uku keta Ijma'i ne, bai halasta ba.
Saboda haka gobe Asabat kowa ya yi Azuminsa na
ranar Ashura, masu haramtawa ba su da hujja. Shubuhar tasu ma mai matuƙar rauni ce.
✍️ Dr. Aliyu Muhd Sani Misau (Hafizahullah)
Daga zauren Dr. Aliyu Muhammad Sani
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.