Idan kana so ka rabauta a mu'amalarka da mutane, to ka mu'amalance su saboda Allah ta hanyoyi kamar haka
1- Duk wata Ibada ta kyautatawa ga mutane - kamar sadaka ko ihsani da yi musu alheri - ka yi ta don neman yardar Allah, kar ka yi don su mutanen, don su yaba maka, ko don tsoron kar su zarge ka.
2- Ka ji tsoron Allah game da mutane, amma kar ka
ji tsoronsu a hanyar Allah.
3- Ka kyautata musu don neman lada da yardar
Allah, ba don su mutanen su saka maka ba.
4- Ka kame hanunka da harshenka daga cutar da su
da zaluntarsu saboda tsoron Allah ba don tsoronsu ba.
Imam Ibnu Rajab ya ce
((والإحسان الواجب في معاملة الخلق ومعاشرتهم: القيام بما أوجب
الله من حقوق ذلك كله، والإحسان الواجب في ولاية الخلق وسياستهم، القيام بواجبات الولاية
كلها)).
جامع العلوم والحكم ت ماهر الفحل (1/ 428)
((Kyatatawa na wajabi wajen mu'amalantar mutane da
zamantakewa da su shi ne ka yi abin da Allah ya wajabta maka game da su, na ba
su hakkokinsu gaba daya. Kyautatawa na wajibi wajen mulkan mutane da
jagorantarsu a siyasa shi ne tsayuwa wajen sauke abubuwan da Allah ya wajabta a
kan shugaba na hakkokin talakawa)).
Annabi (saw) ya ce
«أكمل المؤمنين إيمانا أحسنهم خلقا»
سنن أبي داود ت الأرنؤوط (7/ 70)، سنن الترمذي ت شاكر (3/
458)
((Wanda ya fi cikan Imani cikin Muminai shi ne
wanda ya fi su kyawawan halaye)).
Dr.
Aliyu Muh'd Sani
11
June, 2022
Daga zauren Dr. Aliyu Muhammad Sani
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.