Ire-Iren Aure

Abubuwan Da Ke Ciki

• Auren Ku ɗ i
• Auren Sadaka
• Auren Zumunci
• Auren Dole
• Auren Ɗ auki Sandarka
• Auren Je Ka Da Kwarinka
• Auren Ɗ aukar Buta
• Auren Kashe/Kisan Wuta
• Auren Huce Takaici
•  Auren Ɓ oyon Wata
• Auren Kangara
• Auren Jari

Aure dai guda ɗ aya ne, sai dai wasu samaye da Bahaushe ya kirashi da su, gwargwadon dalilin yinsa ko wasu abubuwa da suka biyo bayan yin sa. Manfar yinsa ɗ aya ce, sai dai kuma yana da rabe-rabe kamar kashi goma sha biyu. Duk da rabe-raben za ka samu ƙ udurin su ɗ aya ne, ko da za a samu bambanci, sai dai ɗ an abin da ba a rasa ba, Don kuwa za ka sami mata da miji suna ƙ aunar juna da girmama juna ko da haihuwa ko babu. Muna da aurarraki kamar haka:

1. Auren Ku ɗ i. (wanda aka biya sadaki, da sauran ɗ awainiya)

 2 Auren Sadaka. (wanda aka sadaukar da sadakin)

3. Auren Zumunci. (aure na 'yan uwa, dangin uwa ko na uba.)

4. Auren Dole/ Ƙ i. (an yi bisa tilas, ko ango ko amarya wani bai so.)

5. Auren ɗ auki sandarka/takalmi. (auren mace tana zaune a gidanta daban.)

6. Auren je ka da kwarinka. (a auri mace tana wani gari daban.)

7. Auren daukar buta. (auren tsoho da tsohuwa don ta zuba mai ruwa.)

8. Auren kashe wuta. (auren da akan yi don a koma gun tsohon miji.)

9. Auren huce takaici. (auren da akan yi don a share hawaye.)

10. Auren ɓ oyon wata. (aure kafin azumi, in ya wuce sai a fita.)

11. Auren kangara. (auren da masu arziki kan yi a tayar baikon wasu.)

12. Auren Jari. (a auri mace saboda ku ɗ inta ko na iyayenta.)

Auren Ku ɗ i

Shi ne dai auren da aka saba da shi a inda za a yi duk wani abu da aka saba yi a kowane lokaci, misali kayan toshi da kayan sa rana da gaisuwar uwa da uba da ku ɗ in aure da kuma sadaki, kuma yakan zo cikin shiri da kuma sani.

Auren Sadaka

Ya ɗ an sha bamban da auren ku ɗ i, don kuwa sau da yawa ba a yin wasu abubuwa da ake yi a cikin auren ku ɗ i, a wannan lokacin ma akan yi shi babu sanannen ciki, amma a wasu wuraren akan sanar da iyaye, kamar misali iyayen yarinya kan aika gidan iyayen yaro a wani lokacin kuma iyayen yaro sukan ro ƙ a domin a bai wa yaronsu, wasu kuma su iyayen yarinya kan bari sai an gama wahalhalu na aure kamar na ku ɗ i, to a ƙ arshe sai an zo ɗ aurin aure ne sukan bayyana cewa sun sadaukar ma shi sadakin. Shi dama dai sadaukar da sadakin shi ne muhimmi a sha'anin auren. Sadaka a wani lokacin akan shawaraci yarinya ko tana da wanda take so ko babu, don gudun rikici, a wurare da yawa iyayen yarinya su ne suke yin kome da ya shafi kayan aure.

Auren Zumunci

Shi kuwa yana da ala ƙ a da zumunta, yakan zama na ku ɗ i ko na sadaka, wani lokacin iyayen kan ha ɗ a da wannan auren a inda ɗ ayan ɓ angaren kan shawarci ɗ aya, kamar misali wa na da yarinya to sai ya shawarci ƙ aninsa da yake da yaro don a ha ɗ a auren zumunci ko kuma ɗ an mace, watau ya ya auri 'yar namiji watau wani amma a wani lokacin su kansu yaran kan shirya tsakaninsu sai daga baya su sanar da iyayensu.

Misali;

a. Kakanni Ɗ aya.

b. Ɗ an wa da 'yar ƙ ani.

c. Ɗ an mace da 'yar namiji.

d. 'Ya'yan abokan wasa.

e. 'Ya'yan aminai.

Auren Dole

Yadda yake faruwa shi ne, sau da yawa daga nuna iko ne wajen rashin shawartar yarinya ko uwar yarinya, watau a nan a samun sa ɓ abi tsakanin yarinya da ubanta, don kuwa za ka samu cewa shi uban akwai wanda take so zai ba shi aurenta, to sai ta kasance ita kuma ba ta son shi, to idan ya matsa aka yi auren ba tare da yardarta ba, to sai ka tarar ta fara gudu, watau dai ta ƙ i zama, a wani lokacin laifin daga wurin kakanni yake don kuwa sukan tilasta a yi auren da wanda suke so, to daga nan fa sai yarinya ta fara guje-guje.

Auren Ɗ auki Sandarka

A kan yi shi ne lokacin da mutum ya auri mace tana gidanta, shi kuma yana gidan shi amma in lokacin kwananta ya zo, to sai ya tafi, sau da yawa wa ɗ anda suka manyanta, watau suka tsufa don gudun zama kawai da kare mutunci, ko kuma idan mutum ma'abocin safara ne, watau matafiyi.

Auren Je Ka Da Kwarinka

Auren je ka da kwarinka shi ne auren da zai auri wata mata tana wani gari daban. Idan zai tafi wurinta ranar da take da girki, to sai ya ɗ auki kwari ya ri ƙ e, saboda ha ɗ ari ko hari. A wani lokaci kuma irin wannan aure akan kira shi da auren takalmi. Mafi yawa an fi samun fatake da direbobi da jakadu su ne suka fi yin irin wannan aure, sannan manyan mutane su suke yin sa, ba'a cika samun saman da 'yan mata sababbin aure na yin sa ba, sai dai dattawa da zaurawa.

Auren Ɗ aukar Buta

Shi kuma akan yi sa ne musamman tsakanin sofaffi watau lokacin da mutum ya tsufa musamman ya kasance kuma ba shi da mata, to sai ya nemi wata tsohuwa mai ɗ an ƙ arfi su yi aure amina na daukar buta, watau babu maganar saduwa a tsakanin su kamar yadda yake faruwa a tsakanin ma'aurata, sai dai wasu ayyuka na yau da kullum.

Auren Kashe/Kisan Wuta

Wani aure ne da mace kan yi bayan mijinta ya yi mata saki uku, watau babu halin ta sake komawa sai dai ta yi wani auren. Ma'ana ta auri wani namijin daban kamar dai yadda shari'ar Musulunci ta shimfi ɗ a.

Auren kashe wuta kan faru ne ta fuska biyu, na farko shi ne in mace na kwa ɗ ayin komawa wurin mijinta na da, to sai ta samu ɗ aya daga cikin zawarawanta, watau ta za ɓ i bazawari ɗ aya ta aure shi, amma ita akwai abin da ta ƙ ulla a zuciya, watau ba zama za ta yi ba, koda yake shi ba za ta nuna masa ba. Sai dai bayan an ɗ aura aure an yi tarewa na ɗ an kwana biyu, sai kawai ta tayar da hankali babu gaira babu dalili don ka ɗ ai ta cika burinta har sai mijinta ya gaji ya sake ta. Da haka ta faru sai ta koma gidansu ta yi idda sannan ta nemo tsohan mijin, watau mijinta na da ta yi kome.

Dangane da fuska ta biyu kuwa da auren kashe wuta kan faru shi ne, idan shi mijin ne yake son matarsa ta dawo, to a nan ma dai sukan shirya da matar cewar ta tafi ta yi auren kashe wuta. Koda yake shari'a ba ta yarda da irin wannan ba, amma dai akwai masu yin shi.

A ƙ arshe dai kuma a ta ƙ aice, auren kashe wuta dai shi ne mace ta yi wani aure na wucin gadi da nufin ta halasta ga tsohon minta wato ta kashe auren don ta yi kome

Auren Huce Takaici

Wani aure ne da akan yi don kawar da ɓ acin rai sakamakon wasu abubuwa da yawa, kamar rasa wani aure, sa ɓ a al ƙ awari daga iyayen yarinya, ko kuma ita kanta yarinyar. Wannan kuwa kan faru ne bisa wasu dalilai da suka ha ɗ a da nuna ku ɗ i daga wani saurayi don ya saye iyayen yarinya ko kuma ya kangare yarinyar a sanadin haka, sai maganar da aka sani da farko ta tashi, sai a koma kan wannan mai ku ɗ i ko kuma ana iya samun, sa ɓ ani tsakanin saurayi da budurwa, wannan shi ma yakan kawo lalacewar maganar aure, koda kuwa an yi sa-rana (Baiko).

Bugu da k ƙ ari neman auren da aka fi samun irin wannan ala'amari su ne kamar auren sadaka, auren zumunci ko auren kamu. Auren sadaka shi ne wanda koda mutum ya aiko iyayensa zuwa gidan iyayen yarinya akan ce to sai dai a sauarara idan rabonsa ce, to sau da yawa na wasu ba ya yiwuwa sai kawai a ba wani. Haka shi ma auren zumunci sai a samu a dangin uwa na so na uba basa so ko dangin uba na so na uwa ba sa so, to idan ɓ angaren da ba sa so suka yi rinjaye, sai kawai magana ta lalace a yi auren da wani. Game da auren kamu, shi kuma iyaye ko kakanni ne suke kama wa ɗ ansu ko jika yarinya tun tana ƙ arama cewa sun ri ƙ ar masa in ta girma za a ha ɗ a su aure, to shi ma akan samu 'yan rigingimu in yarinyar ta girma, sai ta ce ba ta so, don haka sai a yi auren da wani.

Bisa ga yadda wa ɗ annan abubuwa suka faru kamar yadda aka saba a ɗ abi'a irin ta ɗ anAdam, in har ya nemi abu ya rasa, to dole ne ransa ya ɓ aci, to wannan shi ke haifar da auren huce takaici. Dangane da yadda ake yin auren huce takaici shi ne kamar haka; da zarar an hana mutum aure ta sanadiyyar wa ɗ annan dalilai ko makamantan su, sai kawai mutum ya ba da cigiyar budurwar da ta isa aure wadda za a yi cikin gaggawa, a gajeren lokaci ka ɗ an. Kuma sau da yawa akan yi wasu abubuwa cikin gadara ko nuna isa. A wani lokaci kuma, abokai (na

uba ko ƙ awaye na uwa) ko 'yan uwan wanda aka yi wa wannan, sukan bayar da auren 'yarsu in suna da ita don su share masa hawaye. Wannan she ake cewa auren huce takaici.

 Auren Ɓ oyon Wata

Auren ɓ oyon wata wani aure ne da mafi yawa ake yin sa in watan Azumi ya kusa tsayawa, sai ka ga mata zawarawa ko kuma mata masu zaman kansu suna ƙ o ƙ arin samun mijin da za su aura don su samu su yi azumi da aurensu.

Babban abin da ya sa aka kira wannan aure da ɓ oyo shi ne, na farko dai sau da yawa kuma mafi rinjaye auren ba ya ƙ arko, da zaran watan Azumi ya wuce watau bayan Sallah da kwanaki ka ɗ an sai ka ji auren ya mutu, don haka ne sai Bahaushe ya ce daman an yi ne don ɓ oyewa watan azumi, saboda an yi aure kafin ya tsaya an kuma kashe bayan ya ƙ are.

Fuska ta biyu kuma ita ce kaucewa wata al'adar Hausawa da suke gudanarwa a cikin watan azumi. Shi ne kuwa kamu gwauro ko kiran gwauro, koda yake wannan al'adar ba ta bar mace ko namiji ba, a nan mazan su ma sukan samu su yi auren ko da kuwa na ɓ oyon wata ne don su kaucewa kamun da kiran gwauro. Sannan kuma sun samu mai yi musu abinci da asuba da kuma lokacin Sahur.

Baya ga wannan kuma, akwai wata al'adar ita ce yi wa mata zanin tashin asuba, watau dai zanin sallah da maza kan yi wa matansu. A wani lokaci wasu matan kwa ɗ ayin samun kayan sallah/zanin tashin asuba yakan sanya su su yi wannan aure. Haka kuma wasu mazan koda auren ya mutu ba sa ƙ wace kayan da suka yi wa mace lokacin aureta. Don haka sai kawai mace ta tashi da kaya masu yawa, wannan a wani lokaci ke kwa ɗ aitar da yin auren ɓ oyon wata ga wasu matan.

Auren Kangara

Auren kangara wani aure ne da akan yi shi don nuna isa ko wadata, amma kuma ya bambanta da auren huce takaici. Wannan irin aure yakan faru ne a tsakanin ha ɗ uwar saurayi ko wani attajiri da wata budurwa da aka riga aka yi wa baiko da sa-rana, koda kuwa aurensu ya kusa. Matu ƙ ar soyayya ta shiga tsakaninsu, to da zarar rabon saurayin nan ya yi amfani da ku ɗ i ya ciwo kan ita yarinyar da kuma iyayenta, to sai ya tambayi ko nawa wancan tsohon saurayin nata ya kashe don ya biya shi a soke maganar aurensu a kafa tashi sabuwa. Kuma an fi yin irin wannan ne idan wanda yake nema da farko ba shi da hali ma'ana (ku ɗ i), shi kuwa wanda ya zo daga baya mai hannu da shuni ne, ko kuma iyayensa ne masu hannu da shuni.

Dangane da abin da auren Kangara kan ha ɗ a da zubar da mutunci, yankewar zumunci. A wani lokaci kuma bai cika yin ƙ arko ba. Duk inda aka samu auren Kangara, dole ne mutuncin iyayen yarinya ya zube ga ɓ a ɗ aya, tun daga ɓ angaren iyayen saurayin da aka hana auren har ya zuwa sauran al'umma, a wani lokacin ma yakan kai har a dangin yarinya a samu sa ɓ ani. Wanda daga wannan ne ba za a ƙ ara ɗ aukar su a matsayin dattijai ba, don kwa ɗ ayinsu ya rinjaye su sun yi ƙ aranta.

Bayan wannan kuma, akan samu yankewar zumunci, kamar misalin idan manemin auren na farko ɗ an uwa ne wato da dagantaka a tsakani, mafi yawa zumunci kan yi rauni ko kuma ya yanke ya kasance ba sauran wata hul ɗ a a tsakani. Dangane da wani aibu da auren Kangara kan haifar kuwa shi ne, a mafi yawan lokuta ba ya yin ƙ arko, an yi ne don son abin duniya ne. Bisa ga wannan dalili ne sai ka iske ana nuna wula ƙ anci tun daga kan yarinya har ga zuwa iyayenta, Wanda idan ba sa'a aka yi ba sai ka ji auren ya mutu tun ba a je ko'ina ba.

Auren Jari

Auren  jari wani aure ne da akan yi shi don nuna kwa ɗ ayi, wato son abin duniya ku ɗ i ko kuma mu ƙ ami. A inda za a auri mace saboda ku ɗ inta ko na iyayenta, isa ko wadata amma kuma ya bambanta da auren huce takaici. Wannan irin aure yakan faru ne a tsakanin saurayi da budurwa ko bazawari da bazawara. Kamar wani attajiri ya rasu sai ka ga ana ruguguwar auren matarsa, a dalilin ku ɗ in da ta gada.