Hukuncin Wasa Da Al'aura (Istimna'i)

𝐓𝐀𝐌𝐁𝐀𝐘𝐀❓

​Shin ko ya halatta idan Mutum yaji ​Sha'awa​ ta kamashi ya biya wa kansa bukata ta hanyar ​wasa da al'aura (Istimna'i)?​​

𝐀𝐌𝐒𝐀❗️

​​Alal-Haƙiƙa​ wannan wata Mas'alac e da ana iya cewa ta yawaita sosai a wannan zamanin, musamman tsakanin ​Samari da 'Yammata,​ ha rma da ​Matan-Aure​ da kuma ​Mazan-Aure,​ to amma dangane da abinda da ya shafi hukunci akan ​Istimna'i' (Masturbation)​  ​Malamai sunyi Saɓani​ akai tareda maganganu kamar guda uku:

​

1. Ƙauli na farko Shine,​

​Mazhabin ​Malikiyya da Hanabila​ dakuma mafi yawa daga cikin Malamai duk sun tafine akan cewa haramunne bai halattaba ga ​Mace​ ko ​Namiji​ su aikata hakan, domin kuwa yin hakan ​Ta'addancine da ƙetare iyakar Ubangiji,​ waɗannan ​Malamai​ dai sun kafa ​Hujjarsune​ da faɗin ​Aʟʟaн(ﷻ)​ acikin wannan aya inda yake cewa:​

​وَالَّذِينَ هُمْ لِفُرُوجِهِمْ حَافِظُونَ.......... إلَخ​

​​MA'ANA:​​

​​(Muminai) sune waɗanda suke kiyaye farjinsu (basayin zina kuma basa yarda kowa yaga tsiraicinsu)…………har zuwa ƙarshen ayõyin:​​

2. Ƙauli na biyu Shine,​​

​Mazhabin ​Hanafiyya​ da wani sashe na ​Hanabila​ suntafi akan cewa asali dai yin ​Istimna'i​ haramunne, to amma yana iya zama halal tareda wasu ​Sharuɗɗa kamar haka;

① ya kasance ​Mutum bashi da aure.

② ya kasance in baiyi hakanba to ba makawa dole sai yaje yayi ​Zina.

③ kada yayi nufin jindaɗi kawai, saidai yayi nufin yana sone yakarya ​ƙarfin-Sha'awarne,​ kokuma ya kasance idan Mutum bai yi ba hakan na iya haifar masa da wata cuta a jikinsa, suka ce idan akwai irin waɗannan ​Sharuɗɗa​ to ya halatta Mutum yayi ​Istimna'i,​ saboda ​Ƙa'idar nan ta Usūl​ da take cewa:​

         ​(إرتكاب أخف الضررين)​

3. Ƙauli na uku kuma Shine,​​ Akwaii wasu daga cikin ​Malamai​ dasuke ganin cewa kai tsaye yin ​Istimna'i​ ya halatta, ​Dalilinsu​ kuwa suka ce babu wani ​Nassi​ daga ​Alƙur'ani ko Hadisi​ da yafito afili ƙarara abayyane yanuna haramcin Mutum yayi wasa da ​al'aurarsa​ har yafitar da Maniyyi, musamman kuma idan ya kasance Mutum yayi hakanne sakamakon yasamu kansa cikin tsanani, kamar irin ​Matan da Mazajensu​ sukanyi dõguwar tafiya basu dawõba, ko ​Matar da aka saketa,​ ko wacce ma batayi aurenba, ko Namijin da bashida Mace kuma ​Sha'awa tana damunsa,​ kokuma yanada ​Matar​ amma wani dalili yasa bazai iya kusan tartaba, dadai sauran abubuwa makamantansu, sukace irin waɗancan babu laifi suyi, Saidai duk dahaka sukace yinsa ɗin abin ​ƙyamane​ ga wanda Sha'awar bata tsananta agareshiba. Sannan sukace ai dukkan ​Malamai sunyi Ittifaƙi​ akan cewa ya halatta Mace tayi wasa da ​Azzakarin-Mijinta​ haryakai ga fitar da Maniyyi, hakanan shima ya halatta yayi wasa da ​Farjin-Matarsa​ harta gamsu, sukace to inda ace akwai wata cuta da zata samu Mutum adalilin hakan kamar yadda ake faɗa, to da Shari'a bata halatta yin hakan ga ​Ma'aurata bab.

​Sannan sukace babu wani ​Hadīsi​ da ya tabbata daga bakin ​Mαnzon AAʟʟah Sallallahu alaihi Wasallam da yayi magana akan wannan Mas'ala, balle harkaji ana cewa wai duk wanda yamutu yanayi to ranar ​Alƙiyama​ za a tasheshi yayiwa hannunsa ciki, babu ​Hadīsin​ da ya inganta akanhaka,​

​Saidai kuma agaskiya maganar da mafi yawan ​Malamai​ suka tafi akanta na cewa haramunne, ko shakka babu cewa maganarsu tana da ƙarfi sosai, danhaka dai zaman lafiya anan shine, barin aikata ​Istimna'i​ shi yafi zama alkhari, musamman dan Mutum ya kuɓutar da kansa daga cikin ​Saɓanin-Malamai,​

​​шαʟʟαнυ-тα'αʟα α'α'αʟαм

              ​​AMSAWA

           ​Mυѕтαρнα Uѕмαn​

              ​08032531505​

​​Doмυп пεмαп ƙaяıп вαчaпı sαı αdυвα шαɗαппαп ʟıтαттαғαı καмαя нακα:​​

                 ​​↓↓↓​​

​"اَلْـمُـصَـنَّـف" (7/392)​

​"أَضْـوَاءُ الْـبَـيَـانِ" (5/525)​

​"اَلْـمـُحَلَّـىٰ بِـالْآثَـارِ" (6/175)​

Zauren Fatawoyi Bisa Alkur'ani Da Sunnah. Ku kasance Damu...

Hukuncin Masu Masturbation Ta Waya

TAMBAYA (117)❓

Assalamu alaikum warahmatullah. Tamabayata shine me hukuncin saurayi da budurwa wanda suke Masturbating kansu in suna waya kuma bayan basuyi aure bah. Bissalam

AMSA❗

Waalaikumussalam, Warahmatullahi, Wabarakatuhu

✍️AMSA A TAQAICE

(Kamata yayi idan har da gaske suna son auren to suyi haquri tun da idan sunyi aure ya halatta suyi abinda yafi masturbating din la'akari da yin masturbation yana kawo illa ga masu yi don haka haramun ne duk da cewar wasu malaman sun ce mubah ne tun da bai kai matsayin babbar zina ba)

Bismillaahir Rahmaanir Raheem

Ijmain malamai sun tafi akan cewar haramun ne mutum ya dinga wasa da gabansa har ya fitar da maniyyi duk da dai wasu sunce mubah ne tun da bai kai matsayin aikata babbar zina ba

Idan har aikata hakan haramun ne ko abin kyama ne to ina kuma ace mace da namiji baligai da basuyi aure ba su dinga masturbating ta waya har su biyawa kansu buqata?

Kamata yayi idan har da gaske suna son aure to suyi haquri tun da idan sunyi aure ya halatta suyi abinda yafi masturbating din

Wannan masturbating da suke zai iya haifar musu da fadawa tarkon shaidan idan sun hadu a zahiri wato zasu iya aikata zina. Wannan idan ma an ajiye maganar cutarwar da masturbation yake haifarwa ga lafiyar mutum kenan

A shawarce, su dinga azumin litinin da alhamis ko azumin 13,14 da 15 na kowanne wata ko kuma irin azumin Annabi Dawud (Alaihis Salam) wanda yake azumi yau gobe ya sha, kamar yanda Annabi (Sallallahu alaihi wasallam) ya koyar domin kuwa azumi yana katange mutum daga aikata alfasha kamar yanda ya tabbata a cikin Qur'ani

Amsawa

Usman Danliti Mato (Usmannoor_Assalafy)

Zauren Fatawoyi Bisa Alkur'ani Da Sunnah. Ku kasance Damu...

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

 https://t.me/TambayaDaAnsa

 ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.