A ranar Litanin 25/12/2023 ce Alhaji Amadu Na Funtua (Sain Katsina) ya cika shekara Hamsin chif da nadinshi wanda Marigayi Sarkin Katsina Sir Usman Nagogo Mai Turawa yayi mashi.
Makada, Maroka, Mawaka babu shakka sun sheda wannan nadin amma Tabbas babu Kamar Na Ali Hukumar Waka.
Tsakanin Baba Sa'i da Dillalin Duniya Kanen Sasana Allah
kadai ya san tsammaninsu domin tarensu ta amana ce tun tali-tali.
A wata hira da nayi da Baba Sa'i a cikin shekarar 2019 ya
sheda mani cewa lamarinsu Allah ne kawai ba wani mahaluki. Domin a zaman da
yayi a Sierra Leon, Shata ya so ya je har Chan Amma Allah ne bai yi ba. Shatan
ya ambaci wani baiti makamancin haka a Wakarshi ta Yawon Duniya Mafarki ne
Alhaji Shata.
Baba Sa'in ya sheda mani yana daga cikin mutane Ukku da ke
sa Shata yayi abu ko da ba ya son yayi shi. Sauran biyun sun hada da Ummaru
Yaro Funtua da Yusuf Musa Yar'adua (Dan London Na Mairo)
Tsanin da tsabagin jituwa, yadda da Amana da ke tsakaninsu
Shata ya na da daki a Nasara Club wanda ko da ya rasu sai da aka zo aka kwashe
kayanshi a wannan daki. Sannan Nasara Club na daya daga cikin manyan wuraren da
Shata ke wasa a Katsina Idan ya zo.
Duna na Bilkin Sambo ya yi ma Baba Sa'i wakokin da suka hada
da:
Sasau Na Korau Dan Abdu,
Amadu Sain Katsinarmu,
Na Funtua Amadu Na Abba.
Ya kuma ambace shi a wakoki da dama, ga kadan daga cikinsu:
Allah raya Jihar Katsina
Zakari Magajin Zakari (Yau Magajin Yau)
Salele Alhaji Dakwari
Hajji Armayau na Yar Salau (Saliyo)
Jamiyyar SDP.
Mai karatu a daidai nan akwai wakoki da dama, ka zamo cikin
masu karo wasu domin lissafinmu ya daidaita.
Ya taka muhimmiyar rawa wajen sa Shata yayi ma mutane da
dama wakoki wasu a gidanshi, wasu a hilin Kofar Gidan Marigayi Alhaji Sani Mai
Sanda, wasu a Nasara Club wasu a gidan wasan Marigayi Shema DanDoka.
Duk da kyakkyawar alaka da ke tsakaninsu bai hana Dodo ya
nuna ma Baba Sa'i shi Na Yelwa Mai Ban Shaawa ne kuma mai ban haushi ne. Wata
rana an sanarwar wasan Shata aka taru a
Nasara Club Dodon sai ya gudu ya tafi garin Muduru ya boye ma Baba Sa'i da
sauran masu son ganin wasan shi amma duk da haka sai da ya je ya taho da shi.
Tarihin Shata ba ya cika ba Baba Sa'i haka zalika na Baba
Sa'i ba ya cika ba Shata.
Da wannan Dan takaitaccen bayani muke kara yi ma Baba Sa'i
fatan Alkhairi a daidai lokacin da ya cika shekaru 50 da wannan sarautar.
Allah ya kara lafiya da nisan Kwana Baba.
Kabir Umar Saulawa (PRO)
07034610481
24/12/2023
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.