Citation: Maikwari, H.U. & Sani, A. (2020). Tahamisin Waƙaƙƙen Ƙa’idojin Rubutun Hausa. Zaria: Ahmadu Bello University Press Ltd.
643. Harafin t
yana cikin wannan doka,
Malam lura sai ka
nuna basirarka,
Can ƙarshen gaɓa, ka duba rubutunka,
In t
ta biyo ga tsarin kalmominka,
Masu hawainiya ga
dokar zanawa.
644. Mota in
kana buƙatar jam’inta,
Wannan da take
gudu a saman kwalta,
In Allah ya ban kuɗi sai na sai ta,
Ita mota idan fa ta kai har ta yawaita,
Motoci ka bayyana babu musawa.
645. Tuta
kowace ƙasa na launinta,
‘Yan Nijeriyarmu
duk mun ɗaga tuta,
‘Yan makarantarmu
kowane ya riƙa tuta,
Su manyan
garuruwanmu an kai masu tuta,
Tutocin Mujaddadi na burgewa.
646. Sata mai yawa gari taka ruɗewa,
Kowa hankalinsa
sai ƙara ɗagawa,
Shi mai dukiya ko
ba ya da hutawa,
Kayan tanadinsu
sai ƙara fakewa
Domin sace-sace
na hana walawa.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.