Hukuncin Shan Maganin Kara Girman Nono Ko Duwawu

𝐓𝐀𝐌𝐁𝐀𝐘𝐀❓

Shin ya halatta mace ta sha magani don Nonuwanta ko kuma Ɗuwawunta su ƙara girma ko ta kara kiba idan ta kasance ramamme ne?

HUKUNCIN SHAN MAGANIN KARA GIRMAN NONUWA KO ƊUWAWU

𝐀𝐌𝐒𝐀❗️

Dangane da hukuncin shan magani domin neman ƙara ƙiba ajiki ko kuma dan saboda wani sashe na jikin Mutum ya ƙara girma kamar misali Mace tasha magani danufin Nonuwanta ko kuma Ɗuwawunta su ƙara girma, bayanin da Malamai sukayi akan haka shi ne, akwai wanda ya halatta a gareshi yasha maganin ƙara ƙiba, akwai kuma wanda haramunne a gareshi yasha wannan magani, wato ya dangantane da niyya ko sababin da ya sa za a yi amfani da wannan magani.

Idan ya kasance Mutum yana da wani aibu ko naƙasa ajikinsa wanda yawuce irin wanda akasaba ganin Mutane da shi a bisa al'ada, kamar misalin Mutumin da ya yi asari (Accident) wani sashe na jikinsa ya lalace ko wanda haƙoransa suka fito waje da yawa zaƙo-zaƙo, ko ya kasance Mutum arame yake sosai irin ramewar da tawuce wadda akasaba gani a al'ada, kuma ko da yanacin abinci maigina jiki haka yake baya ƙaruwa to ayana yi irin wannan Malamai suka ce idan masana kiwon lafiya (Likitoci) suka bashi shawarar cewa yasha maganin ƙara ƙiba to ya halatta yasha, ko kuma ayiwa Mutum aiki dan akawar da wannan aibu ko naƙasar da ke tare da shi, domin anyimasa haka ne danufin akawar da wannan naƙasa da ke tare da shi ne kawai danhaka babu laifi.

Amma idan ya kasance babu wata naƙasa ajikin Mutum irin naƙasar da tawuce wadda akasaba gani a bisa al'ada, Sai dai kawai Mutum zaisha maganin ƙara ƙiba ne danufin ya ƙara masa kyau, ko kuma Mace tasha magani danufin Ɗuwawunta su ƙara girma ko danufin Nonuwanta su ƙara girma idan ya kasance ƙananane, ko kuma arage musu girma idan sun kasance Nonuwanta manyane sosai, domin taƙara kyau dan tariƙa burge Mutane:, ko kuma saboda kasancewar Mutum bashi da jiki sosai a cikin abokansa sai yakeso yasha magani danufin jikinsa yakoma irin nasu, da dukkan wani wanda zeyi amfani da wani magani danufin ya ƙara kyau bawai wata larura bace mai tsanani tasa yabuƙatu da dole sai ya yi hakanba, to dukkan waɗannan abubuwa da makamantansu haramunne aikatasu, domin yashiga ƙarƙashin hukuncin masu jirkita halittar Aʟʟαн (ﷻ) domin dama Shaiɗan yafaɗa cewa sai ya umarci Mutane suna jirkita halittar Aʟʟαн (ﷻ) kamar yadda Aʟʟαн (ﷻ) Yafaɗa a cikin wannan aya:

وَلَآمُرَنَّهُمْ فَلَيُغَيِّرُنَّ خَلْقَ اللَّهِ ۚ

Sai na umarcesu da suriƙa jirkita halittar Aʟʟαн (ﷻ) (sūratun Nisa'i: 119)

Danhaka abune mai matukar haɗari haka kawai Mutum ya ce zaisha maganin kara kiba danufin ya kara kyau, ya kamata asani cewa, duk yadda Mutum yakaiga rena kansa to a hakan shi abin sha'awane a wajen wasu Mutanen, hakanan kuma duk yadda Mutum yakaiga jirkita halittarsa danufin ya kara kyau, to ko rabin-rabin kyaun wani bazai taɓa kaiwa ba, danhaka garama Mutum ya hakura da yadda Mahaliccinsa ya halicceshi sai yazauna lafiya.

Don neman karin bayani sai aduba wannan littafi kamar haka:

" فتاوى إسلامية" (4/412)

WALLAHU A'ALAM

AMSAWA:

Mυѕтαρнα Uѕмαи 08032531505

Zauren Fatawoyi Bisa Alkur'ani Da Sunnah. Ku kasance damu cikin wannan group domin Fadakarwa...

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.