Hukuncin Karɓar Kuɗin Jinga

𝐓𝐀𝐌𝐁𝐀𝐘𝐀❓

Assalamu Alaikum, Malam yakake ya gida ya ijtihaadi? Allah ya albarkaci rayuwarka Ameen. Malam ni madunki ne wato tela inason insan mene ne hukuncin amsar kuɗin jinga ko wani kaso daga cikin jinga wato (advance) tun kafin in kammala ɗinkin da aka kawo mini?

𝐀𝐌𝐒𝐀❗️

Wa alaikumus salam wa rahmatullah.

Bisa Ƙa'idah ba za ka karɓi kuɗin jinga gaba ɗayansa ko wani sashe daga cikinsa ba, har sai ka kammala aikin da aka baka, kuma bisa siffar yadda kuka Ƙulla yarjejeniyar aikin akansa.

 Idan ma baka da kuɗin sayen zare ne, to sai dai ka karɓi aron kuɗin da zai isheka. Shi kuma wanda ya baka aikin yana da damar karɓar aikin bisa lokacin da kuka alkawarta da shi idan har aikin ya yi daidai da yadda kukayi yarjejeniya. Amma idan aikin bai yi daidai da siffar da ya ce ayi masa ba, yana da damar ya umurceka ka gyara masa.

To kaga duk wannan ba zai yiwu ba, idan har ka riga ka karɓe kuɗinka tun farko. Wajibi ne masu sana'ar hannu su rika kula da ka'idodin addini acikin sana'arsu tare da cika alkawuran da suka ɗaukar wa jama'a.

WALLAHU A'ALAM.

Zauren Fatawoyi Bisa Alkur'ani Da Sunnah. Ku kasance Damu...

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.