Citation: Maikwari, H.U. & Sani, A. (2020). Tahamisin Waƙaƙƙen Ƙa’idojin Rubutun Hausa. Zaria: Ahmadu Bello University Press Ltd.
Ɗaurin Harafin ‘n’ a Rubutu
135. ‘M’ an kammala ta komai
ya saitu,
Ita ko ‘n’ tana da tsari na
rubutu,
Sai fa a lura kar a ruɗe ga
karatu,
Ɗaurin na da ƙa’ida tai ta rubutu,
Sai a biyo ni sannu domin ganewa.
136. Zanka tunawa ko
da yaushe kiyaye,
In aka ɗauri ‘n’ ga kalma a kiyaye,
Matuƙar bai karo da dokar ‘m’
saye,
To ita za a sa a huta kai waye,
Harafin duk da zai
biyo ta ga zanawa.
137. Duk na biye a yanzu kam to ya kyautu-
A ce mun gane ƙa’idar ‘n’ ga rubutu,
In harafin yana cikin leɓantattu,
To dole a sauya ɗaurin ga rubutu,
Ba a rubuta ‘n’ a nan ‘m’ aka sawa.
138. Waiwayi baya can a ɗaurin ‘m’ kanta,
An yo sharaɗi da zai daɗa an inganta,
Duk yanayi na ƙa’idar don ka rubuta,
Bayan su a ko’ina aka ɗaure ta,
Za a rubuta ‘n’ kwatancin furtawa.
139. Dangana sanda ba shi yi sai mai sanda,
‘N’ nan ta gabata kafin
sautin da,
‘n’ ita yak kamata kalmar ɗansanda,
Kalmar gangami, kwatanci, ɗansanda,
Randa, runduna da rance,
runtsawa.
140. Malam dakata a nan ga wani zance,
Don mun bayyana a can dai a rubuce,
Ba duka ko’ina ba ‘m’
za ta kasance,
In kuma ta fito tsakanin saɓi-zarce,
Sun ka zamo kamar
guda gun zantawa.
141. Ga misali kamar
ka ce ‘Wandon baba’,
Ko kuma dai a gun faɗin ‘Gandun Buba’,
Tandun Balki babu kwalli na duba,
Dandin Mahe[1] za ni ba
sai kun ce ba,
Ko ‘gonan
Bashar’ haki na
tasowa.
142. Duk nan ba ka
zana ‘m’ ƙarshen wando,
Haka Gandu gabansa ‘n’ bari kirdado,
Ko tandu na Balki ‘n’ ce ko Indo,
Dandin Mahe ba a sa ‘m’ haba dodo,
Ko gona, a cana duk bai dacewa.
143. Kalmomin
daban-daban ne ga rubutu,
Ba a haɗe su ko kaɗan nan ga rubutu,
Sa su daban-daban a hutar da karatu,
Kowace na da nata ‘yanci don hutu,
Ba a haɗe su ko ga harshen furtawa.
144. Don bakinka na
faɗin “wandom baba”,
Ba a rubuta ‘m’ gurin ba ka gane ba,
Ko da ka ji an faɗa, “Gandum Buba,
Nan
ma ba a sanya ‘m’ in ka duba,
“Wandon baba” mai rubutu
ke sawa.
145. Ba kuma za ka sanya “Dandim” ba jaye,
“Dandin Mahe” za ka sa kan ka a
waye,
Haka “Tandu” da ‘n’ kawai zai tai
raye,
Ba “Gonam Bashar” ba, kai dai ka kiyaye,
Sa “Gonan Bashar” ka zan mai ganewa.
146. Lura da kyau a
ko’ina aka ɗaure ‘n’,
Ba a cire ta, ba a sa ‘m’, sai dai
‘n’,
Ita ce ƙa’ida a kauce a yi ɓarna,
Naso ɗai ka sa a kore
sautin ‘n’
Za ta fito da kanta ba ta nashewa.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.