Citation: Maikwari, H.U. & Sani, A. (2020). Tahamisin Waƙaƙƙen Ƙa’idojin Rubutun Hausa. Zaria: Ahmadu Bello University Press Ltd.
Wasula
20. An karkasa sautuka iri biyu kowanne,
An yi baƙi, akwai wasulla sauti ne,
Masu biyan baƙi ga aiki wasula ne,
Su wasula a zan kula ‘yan
rakiya ne,
Matuƙar babu su baƙi bai motsawa.
21. Su ka shiga su ba baƙi ‘yancin motsi,
In ka ga baƙi akwai wasal komai
rintsi,
Baƙaƙe warwatse su suke
musu kimtsi,
Shi wasali ka ba baƙi sautin motsi,
Gun furucinsa nan
amonsu ka ƙarewa.
22. Duk wasula biyar
ga Hausa ga tsarinta,
/a/, /i/, /o/ da /u/ da /e/
sautukkanta,
Su suka sauƙaƙa ma kowa ya karanta,
Zanka kula a ko’ina za a rubuta,
Su ka shiga baƙin da duk aka zanawa.
23. Gyara zama guda biyar zan zana su,
/A/, /i/, /o/,
guda ukun nan ka riƙe su,
“Ado” da “abinci” duk da
/a/ aka fara su,
Inna da Ojo duba farkon
zana su,
Ga /u/
ƙarasa
da /e/
babu daɗawa.
24. Su wasula suna da aiki
ga baƙaƙe
Bai mai motsi ku san baƙi ko an shaƙe,
Ko an wangale shi ga baki yaƙe,
Su ke jewaɗin jidali da baƙaƙe,
In aka so a zana zancen furtawa.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.