Maigidan Nasara (Ta biyu)

Citation: Bunguɗu, U.H. (2022). Waƙoƙin Amali  Sububu. Ahmadu Bello University Press Limited.

Domin samun cikakken littafi, a tuntuɓi:

Dr. Haruna Umar Bunguɗu
(Sarkin Gobir Na Bunguɗu)
Email: harunaumarbungudu@gmail.com
Phone: 08065429369

Maigidan Nasara (Ta biyu)

Noma Autan Yaya shi ne sunan Maigidan Nasara, taubashin Amali ne (abokin wasansa), mutumen  garin Kuzi ne na mazaɓar Faru da ke cikin ƙaramar hukumar Maradun a jihar Zamfara. Shi ma manomi ne wanda yake noma amfanin gona, hakan ya sa Amali ya yi masa waƙa. Na sami wannan waƙar ne bayan na taɓa samun wata wadda na kawo a sama, sai na ga akwai wasu ‘yan bambance-bambance, bayan na yi shawara da malamina sai muka ga cewa a sa su duka su biyun.

 

 G/Waƙa : Ya yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

 

    Jagora: A jinjina a aje,

: Ba shi Komi da hwata, x2

: Tunkuɗay yaro,

: Ba ta Komi da dutci,

: Noma jan zaki ,

    ‘Y/Amshi: Mai wa yaro kujera[1].

: Ka yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

 

    Jagora: Mijin Rahammu,

: Na ‘Ya’inna,

: Baban Habibu,

: Ina gida wani bi,

: Hankalina ka tashi,

: Ga ni can wani bi,

: Zuciyata ta yo nan,

: In biyo hanya,

: In taho inda Mamman,

    ‘Y/Amshi: Ko da nig ga ka sai,

: Hankalina ya kwanta.

: Ya yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

 

    Jagora: Duk inda nig gaka sai,

: Hankalina ya kwanta,

   ‘Y/Amshi: Sai hankalina ya kwanta,

: Ya yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

 

    Jagora: Yanzu kau Mamman,

: Sai ka hausan[2] ga doki,

: Wanda  za ni gwada,

: Wa gida can ga dangi,

: In yi mai turke,

: Masu sona su diba,

: Ga shi dai nau ne,

: Ba biri babu mashi,

   ‘Y/Amshi: Ko na hwan huɗu ne,

: Noma na so ka ba ni,

: Ya yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

     

          Jagora: Kuma in akwai halin,

: Ba matcewa ga dokin,

: Ko jiranka nikai,

: Hak ka dibo Talata, 

       ‘Y/Amshi: Kasuwam Mahwara,

: Mai dawaki da shawa.

: Ka yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

 

    Jagora: Noma wana ne,

: Don mu ɗauko ta tushe,

: Ɗan’uwana ne,

: Wanda yak kai jimilla,

: Lissafin da nikai,

: Tamu kaka Halima,

: Mai biɗaj jikan,

: Gona Buda ya bini,

    ‘Y/Amshi: Jikan gona Buda ya bini.

: Ya yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

 

    Jagora: Wanga kau wajjen,

: Noma jikan Salau ne,

: Irin gidan Abdu,

: Jan kada dama gurbi,

: Taƙamar da nikai,

: Taka ce Ɗan Tahida.

    ‘Y/Amshi: Ya yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

 

    Jagora: Duniya da yawa,

: Ba ni roƙun Bahili,

: Ina ganin zaure,

: Ba ni kwana ga hanya,

: Na gano shigihwa[3],

: Ba ni kwana ga bukka,

: Na gano ɗaki,

: Ba ni kwana ga zaure.

    ‘Y/Amshi: Ya yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

 

    Jagora: Yawan hwarauta mai,

: Tsunke gyado ga daji,

: Shi da ba rame,

: Ba wurin molaƙewa,

: Sai ya dunga gudu,

: Har a cimmai a kame,

: Yana iyakay yi,

: Nai a ci mai mutunci.

    ‘Y/Amshi: Ya yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

 

    Jagora: Mai kwaɗan nama,

: Ce ya dawo ga tuji,

: Don ganin suturar,

: Mujiya kay ya ja ka,

: Ina ganin gashin,

: Mujiya manya-manya,

: Ko da nit tona,

: Mujiya ‘yak kaɗan ce.

    ‘Y/Amshi: Mujiya ‘yak kaɗan ce,

 

    Jagora: Amali na gane,

: Mujiya yak kaɗan ce,

    ‘Y/Amshi: Mujiya yak kaɗan ce,

: Ya yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

 

    Jagora: Ya yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

     ‘Y/Amshi: Ya yi sunan noma,

   : Mu gaisai da aiki,

   : Mai gidan Nasara,

: Ɗan da yat tara damma.

---

[1]  A zaunar da mutum saboda ya kasa ko an tsare masa.

[2]  Saya man.

[3]  Shigifa