6.58 A CikinWannan Rana
Wannan wasa ne da ke da zubi da tsari iri guda da wasan Gamuna da aka tattauna ƙarƙashin 6.40. Sai dai waƙar da ake yi ciki ta bambanta kwata-kwata da waƙar wasan Gamuna.Waƙar da yara ke yi a wasan a cikin wannan rana ita ce:
Masu Ɗauka: Assalamu alaikum a cikin wannan rana,
Masu Bayarwa: Wa alaikumussalam a cikin wannan rana.
Masu Ɗauka: Ga mu mun zo gare ku a cikin wannan rana,
Masu Bayarwa: Meye dalilin zuwanku a cikin wannan rana?
Masu Ɗauka: Akwai dalilin zuwanmu a cikin wannan rana,
Masu Bayarwa: Sai ku faɗa mana dalili.
Masu Ɗauka: Ɗiyarku ce muke so a cikin wannan rana,
Masu Bayarwa: Sai ku faɗa mana sunanta a cikin wannan rana.
Masu Ɗauka: Sunanta Khadija,
Masu Bayarwa: Sai ku ɗauko mun ba ku,
Kar ku bar ta da yunwa,
Mu gidanmu ba yunwa,
Mu gidanmu ba dauɗa,
A cikin wannan rana.
Masu Ɗauka: Mun gode mun gode,
A cikin wannan rana.
Kamar yadda aka ambata a sama, wasan yana da zubi da tsari irin na wasan Gamuna. Saboda haka, ba ya buƙatar wani dogon bayani.
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.