Wannan wata tsohuwar waƙa ce fiye da shekara ashirin tun muna islamiyya ake yi wa ƴan makaranta ita, musamman ɗaliban da suka yi Malja'is Sunnah Islamiyya Sabon Gari Jega (Makarantar Ɗan'sule).
1. Ya Rabbana ya Rabbana ya Rabbana
Ya Rabbi ka taimaki mai hijabin gaskiya.
2. Bismil Ilahi Rahimi Sarkin nan guda
Na gode Allah mai dare mai sahiya.
3. Na roƙi Rabbi ya ban fusaha kamila
Zan tsara waƙa kan hijabin gaskiya.
4. Babban mayafi ne a kan riga ya zo
Ya dire a kan ƙasa babu siffar kwalliya.
5. Ba shafa jambaki turare tozali
Kayan ƙawa kaf ba a bayyana ko ɗaya.
6. Shi dai hijabi wajibi ne Rabbana
Ya aza shi a kan mata masoya gaskiya.
7. Sannan hijabin gaskiya in kula
Shi ne cikakke ba alamar kwalliya.
8. Najimin da bai wa mace hijab sai mu ce
Ya saɓa sunnah sai ya zo ya bi gaskiya.
9. Matar da ba ta son hijabi sai mu ce
Wannan khabisar ba ta layin gaskiya.
10. Ya ba ta shadda har atamfa ta haɗa
Leshi da kamfala wai don ta yi kwalliya.
11. Amma hijabi ko guda bai ba ta ba
Don ɗai rashin ilimi na kishin gaskiya.
12. Matar Duyusi ta yo ƙawa ta yo waje
Kai bar su ma haka kaiconsu kaico shi ya.
13. Mutabarrija mutazayyina mai ɗan gyale
Kaicon ki tuba ki sa hijabin gaskiya.
14. Babban abin sha'awa a ce ga ɗaliba
Ta tsara kanta cikin hijabin gaskiya.
15. Babban abin ƙyama a ce ga ɗaliba
Ta cokale kuma za ta ilimin gaskiya.
16. Ilimi na kirki Rabbana bai ba da shi
Gun wanda ke saɓa hanyar gaskiya.
17. La'ana ta Allah ta diro ka jahilai
Har malamai maƙiya hijabin gaskiya.
18. Sukar hijabi inda matan Muminai
Kufurun ku bar su kawai ku zo ku bi gaskiya.
19. Wata tai hijabi sai ta ɗebe tagguwa
Ta sa mayafi can ƙasan tai kwalliya.
20. Ibilis ya ja ta ya ce ta sanya rabin hijabi
Don ɗai a ce ta tara kayan kwalliya.
21. Ni dai wasiyyata ga matan Muminai
Su tsare hijabi don a san su da gaskiya.
22. Ahzabu sura ta azo dokar hijab
Ta ce Rasulu ya kai mu hanyar gaskiya.
23. Ƴaƴansa, matayensa, matan Muminai
Su tsare hijabi don a san su da gaskiya.
24. Mata ku tuna da Maryamu har Asiya
Aljanna za su shiga dalilin gaskiya.
25.bSannan ku lura da Wa'ila har Wahila
Wuta za su je don ƙin ɗabi'ar gaskiya.
26. Ƙat tamma nazmi hahuna ya ƴan'uwa
Na roƙi Allah gafararsa gaba ɗaya.
27. Ya Rabbana ya Rabbana ya Rabbana
Ya Rabbi ka taimaki mai hijabin gaskiya.
Ɗaukowar:
abbasmusajega750@gmail.com.
Ɗalibi A Sashen Harsunan Nijeriya Jami'ar Usmanu Ɗanfodiyo Sakkwato.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.