Ita soshal midiyan nan,
Su Fesbuk har Tiwita,
Ba abin da suke tuna min,
Sai hisabi ran ƙiyama.
Fesbuk na bani tsoro,
In ka yi yabo da zagi,
Tun bara a naka shafi,
Da kansa ya ke tuna ma.
Bai jin kunyarka shi sam,
Ko ko tsoro aboki,
Ranar na ke wayo wa,
Sai yai saurin tuna ma.
Ko ka mutu bai kula wa,
Ko kai mata da 'ya'ya,
Alheri ko tsiyarka,
Wallahi yana tuna ma.
Amma a hakan wasunmu,
Su ke ta saki na baki,
Hassadarsu ga ɗan uwansu,
Ba sa ɓoye ta Fesbuk.
Tabbas Fesbuk Tiwita,
Su Instagiram da Wasof,
Alƙalai ne gare ka,
Tun kafin ran ƙiyama.
Malam Khalid Imam
08027796140
khalidimam2002@gmail.com
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.