Ni Take So, Sai Ku Yi Haƙuri

1.

Bugun zuciya

mai tura so da ƙauna

kowanne sashe.

2.

Budurwata ce

ta ce sai da ta tace 

sannan ta d'au ni.

3.

Kun ga mak'iyi

na cike da 6acin rai

don ya sha kaye.

4.

To ba ta sonka.

Ya za ka yi da k'auna

ta yi fiffike.

5.

Duk jan idonka

ko bak'in cikinka ni

ne dai za6inta.

6.

An ce ka fito

ka kasa. Turo Su'Ab

nan ma ka gaza.

7.

Kullum sai k'arya!

Kai fes da kayan aro

da ba sa ado.

8.

Wai kai nan wane.

Alhali duk an gane

Hankaka kake.

9.

To ta k'i wayon

Jeka ka yi ta zambon

duk fa a banza.

10.

In tunaninka

mata du wawaye ne

to banda ita.

11.

Je nemi wata

Afiruwa daidai kai

K'warya bi k'warya.

12.

Kid'an tambura

da algaitu sai Sar'ki

ba na kowa ba.

13.

Tai mini Bai'a

Ta d'oran kambina Tajh

Mai Sarautarta.

14.

Ka gatsi laya

har da tauna su hanta

Jikon ya kife.

15.

Yashin jidali

Yara ba sa wasa kai

Sai dai a kwashe.

16.

Mai tada gari

Ya hadarin duwatsu

Mai kar zuciya.

17.

Ka kira bara'

Ta ja maka "Lahaula..."

Yaro da 'Kili.

18.

Mu kuwa bajau

Shimfid'a har matasu

kore ga taushi.

19.

Ni'imatulLaah

'Yan biyu su goma sha

Kowanne Khalid.

20.

Sannu Dutsen Gwal

Ka wuce awon wargi

A da da yanzu.

21.

Mace ta gari

alJannah ce a dunya

Balle a Akhir'.

From the Archive of:

Malam Muhammad Tajajjini Tijjani
Imel: mmtijjani@gmail.com
Lambar Waya: +2348067062960

©2023 Tijjani M. M.