Yakasai, S. A. & Sani, A-U. (2021). Diwanin Waƙoƙin Aminu Ladan Abubakar (ALA). Kaduna: Amal Printing & Publishing Nigerian LTD. ISBN: 978-978-57624-9-0.
Amshi
Inuwar marubuta jihar Kanawa da Hausa,
Masu burin karaɗe cikin ƙasashe da Hausa.
Rabbu sarki guda ɗaya,
Wanda ya yi mu gari ɗaya,
Ya ba mu niyya iri ɗaya,
Muke rubutu da Hausa.
Na yi salati a cure,
Inda matsayi ya tare,
Wanda shi ne ya jure,
Fagen kira babu wasa.
Asalin salsalar masana sani sai rubutu,
Sansanin sada soyayya salima rubutu,
Sashen so da sallaɗuwar sani sai rubutu,
Sassaucin sanar da sani a sauƙi da Hausa.
Ƙungiyar marubuta,
Da maza har da mata,
Masu saitin zukata,
Na mai karatu da Hausa.
Mu muke faɗakarwa,
Da nishaɗi na baiwa,
Mai isarwa da annashuwa,
Da ta zarci gasa.
Soyayya da tarbiyya ta sa wa a hanya,
Hanyar yaye jahilci ga yara da manya,
Yiwuwar yane yanga yayyafin soyayya,
Hanyar yaɗa wayewa da yaɗo na Hausa.
Darajar marubuci,
Masani mai azanci,
Ta fa zarci,
Ta duk wani mai sanarwa da Hausa.
Gaisuwa ta da jinga,
A gurin Paul mai ganga,
Ka biya ni da ganga,
Ina ta waƙa da Hausa.
.jpeg "Daga Diwanin Waƙoƙin Aminu Ladan Abubakar (ALA)")
%20Nigeria.png)
.jpeg&description=Inuwar Marubuta){kind=link}
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.