Burkitantan na burkitato!
Nai lakwab-kwab nai sakato
Na yi jangwam nai lakwato
Yau na yi tsinkin ragi, kaito!
‘Yar ɗiya na zo na rawaito
Tuni ta laɓaɓo tai kwanto
Iwa hawainiya ta marabto
Ta shige ta zuciya ta ƙarato
Tai kane-kane ga kokwanto
Mamakin dirinta na hankalto
Kyawunta ya wuce na hakaito
Mai kyan diri har da daidaito
Ko ba kamar ta, nace Eh to
In har akwai to ta zo ta fito
Ba tsatsuba ko ƙulumboto
Kin fanshi zuciya kin ceto
Mun daddale mun yi sasanto
Ruhi da kece ya cancanto
Ɗan muzguɗo gareni kusato
Fakuwarki na saka na ɓakalto
Na dabalbale har na ragaito
Maƙiyanmu
sun bar kwaroroto
Sun sangarce da bulunbito
Caɓ! Duk ƙalata ta wani ƙato
Mai ɗaure ƙugu da ɗan gyauto
Sam ban bari har ya min rinto
Sai na faɗa yau
na maimaito
Sungumi ko ba ya jure kufurto
Mai min habaicin ya habaito
Ko in kula ko na waiwaito
Sai ku dangane ku haƙurto
Ingare ga Allah nace da'uto
10 ga Maris, 2023.
USMAN IBRAHIM BULANGU
09064862386
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.