Ƙawalwainiya

(01) Na gode Allah Sarki mai zamani,

 Alƙahharu gwani na mai mulki

 

 (02) A yau Samari ku lura da kyan gani,

 Don ku gane da birgimar-hankaki

 

 (03) ‘Yan mata masu siffa ta Hawainiya,

 Yau su suke sauya launi na jiki

 

 (04) Sai ta shafo mai tana kwarkwasa kuma,

 Tana ta tafiya kamar ma Gwanki

 

 (05) Kai duk ta jeme fuska ta koɗe sarai,

 Kash! me zai saka ki sauya sifarki?

 

 (06) Kin jeme kuiɓi gami da kaya-kayai,

 Har magyaftanki har da haɓarki

 

 (07) Ƙwabrinki ba maraba da na Jimina,

 Duk kin yi mai rini shin wa zai so ki?

 

 (08) Kin gawurta ke ba ki ji ba kya gani,

 Ke cimakar ki a kullum mugun aiki

 

 (09) Bursinsina mai shafe-shafen mayika,

 Wai burin ki dai ki ɓadda kamar ki

 

 (10) Domin ki samu Miji ki yi auruwa,

 Kin manta Tabara shi ne zai baki

 

 (11) Ke dai kawai ki yi fari ya Baturiya,

 Kin mance baiwa Zuljalali yai miki

 

 (12) Kasantuwar ki baƙa ba aibu bane,

 Tunda dai haka Allah ya aje ki

 

 (13) To ma nace wai hasken me kike biɗa?

 Bayan Musulma Jallah ya iyo ki

 

 (14) Sai ki fake da juyin fuskar zamani,

 Ki shantake babu ragin ɗan ɗaki

 

 (15) Ukubirtini ma gurratki ha kaza,

 Ya ayyatuhan nafsu ma baluki?

 

 (16) Iz kanatid duniya sijnun lana,

 Wa kaifa jahadti an tabki?

 

 (17) Ma tara fi kalƙir Rahmanu min tafa,

 Wutin, ga tambayar Mahaliccin ki?

 

 (18) Farji'il basari hal tara min fuɗur,

 Sai ki duba ki ganta bata da miki?

 

 (19) Kin ji ko a kan sama Allah yai gwaji,

 Na irin misalin nan na sifarki

 

 (20) Ya kamata ki yi yo karatun-ta-nutsu,

 Don ki samu tsira nan ga tafarki

 

 (21) Alhamdu lillahi ni zan gimtse a nan,

 Usman Bulangu na maida Ƙoƙo Masaki

USMAN IBRAHIM BULANGU

09064862386