Masamman
wannan lokaci na 'social media', wasu matan dalilan da suke sanya su su riƙa hira da wasu mazan kenan. Kuma in suka saki jiki da
su to tabbas za su riƙa
gaya musu duk matsalolinsu na gida don samun kawar da damuwar da take ƙirazansu. Ba wai suna neman mazan su
taimaka musu da wani abu ba ne, kawai so suke a...
Kundin
Ma'aurata - 7: Ka San Matsalarka?
Baban Manar Alƙasim
Zauren
Markazus Sunnah
Kana
ganin duk abin da ya wuce ya riga ya wuce, dawowa da shi kuma naci ne, tunda an
riga an tattauna shi, har ka kawo mafita, kamata kuma ya yi a kalli gaba, to a
daidai wannan lokacin da ba ka son a yi maganar abubuwan da suka gabata, da
wahala ka kawo batun da za ku tattauna kai da iyalin a cikin gida, kana jira ne
ita ta kawo da kanta, ƙila
ma ba ka son magana a lokacin, alhali ita kuma ba mai fita ba ce, kullum tana
cikin gida, zai yi wahala ta samo wani batu, in ma akwai shi to za ka taras
ma'aikaciya ce ko mai fita kasuwanci, ita ma'aikaciya ba za ta so ta riƙa zuwa da zantuttukan wurin
aikinta gida ba saboda sanin dabi'ummu na kishi, kar wata rana ta fado abin da
zai raba ta da aikin gaba daya, ita kuma 'yar kasuwa a tsakanin mata duk abin
da za ta dauko za ka riƙa
ganin gulmammakin mata ne, in ma ta fara za ka ce kai ba ka son ƙananan maganganu, kai kuma
ba za ka kawo manyan ba.
.
Da
za ka bar ta ta fi son ta dauko abubuwan da suka gabata a baya, in ta gama ta
fara dauko wadanda take ganin za su iya faruwa, in dai kana sauraronta, kana
dan jefa magana daya biyu shi kenan, za ka ga ƙaunarka a zuciyarta ta ƙaru, tana yawan son zama da
kai, da yin hira a kowani lokaci, matsalar da za ka iya samu ita ce, in fa ba
ka gyara lamuranka ba, to za ta zauna da wani ta kuma yi waɗannan
maganganun da shi.
.
Masamman
wannan lokaci na 'social media', wasu matan dalilan da suke sanya su su riƙa hira da wasu mazan kenan. Kuma in suka saki jiki da
su to tabbas za su riƙa
gaya musu duk matsalolinsu na gida don samun kawar da damuwar da take ƙirazansu. Ba wai suna neman mazan su
taimaka musu da wani abu ba ne, kawai so suke a saurare su, in dai aka yi
rashin sa'a ne sai mazan su fara zaton ko ƙaunarsu matan suke yi, da
wannan shedan zai sami wuri, kodai soyayya ta shiga tsakaninsu, ko ta saye
zuciyarsa ta fara yi masa kallon mutumin banza yana son ya nemi matar aure.
.
Ko
shi ya same ta ya yi ta mamakin yadda matar aure da mutuncinta tana soyayya da
wasu a waje, duk dai maigidan ya ba da ƙofa, a irin wannan lokacin
in ya nemi sanya mata takunkumin yin amfani da kafofin sadarwar, ya sake dauko
hanyar bude wata barakar babba, ba wata hanyar gyara kamar ka sami lokaci kai
da iyalinka ku riƙa
zama kuna musayar hira, in ba za ka iya surutu ba ka saurare ta, in tana
magana, shi ya sa wayar salula ta zama musu kishiya, in dai kana kula su, sai
ku dauki dogon lokacin kuna fahimtar juna, in ma shawara ka ba ta za ta dauka,
in kuwa ba ka sauraronta da wahala ta yi aiki da maganarka komai amfaninta, a
banza wani can zai ba ta kuma ta yi amfani da shi dari bisa dari.
.
A
taƙaice
bayan dogon lakacin da muka dauka kan wannan matsalar ya kamata duk mu dawo kan
wasu 'yan kalmomi guda 2.
1)
Namiji ko bai iya ba ya koyi yadda zai riƙa zama da iyalinsa yana jin
matsalolinsu, ya dena yanke su in suna magana don ya ba su shawarwarin da yake
ganin su suka fi dacewa da su, ya gane cewa shurun da yake yi musu yakan gina
matsalar da kudi ko ababan alatu samsam ba za su iya magancewa ba, wannan ga
mai zaman gida kenan, bare wanda ba a ganinsa sai da daddare inda zai zo ya
nemi buƙatar
shimfida, ko wanda yake debe kwanaki yana waje in ya dawo kuma ya shiga wata
saugar ta daban.
.
2)
Ke kuma Hajia ki yarda ki riƙa
yi masa hanzari, wani malami ne, aikinsa kenan surutu, wani wa'azi, in ya dawo
gida hutu yake buƙata,
to bare mai aikin ƙarfi,
wani sana'arsa tare da mata yake, ya saba da waɗannan
surutan a waje, ke ma mace ce zai ga matsala daya dai za ki kawo masa, ki koyi
yadda za ki tafiyar da gidanki, kar ki yarda wani ya bata miki, ko ya zama shi
ne ma maigidan, ba zai iya ba ki farin cikin da kike zato ba sai dai ya bata
miki gida, namiji kuma a duk inda yake sunansa kenan, in ma kin rabu da wannan
wani namijin kuma za ki aura, da irin fahimtar ake iya magance matsalolimmu,
kawo duk abubuwan da gida yake buƙata
ba ya sayen zuciyar mace, yin biris da namiji da tayar da rigingimu ba sa karya
zuciyar namiji, sai ma ya fara tunanin ƙaro wata matar.
.
Ko
Ka Tuna Wannan?
Kalmar
ba ka taba yin kaza ba a wurin mace abu ne mai sauƙin fadi, amma fa ba shi ɗin
take nufi ba, za ka ji wani sa'in ta ce "Ba ka taba kawo kaza ba" ko
"Ba ka taba gaya min kaza ba" galibi takan yi wannan furucin ne don
sanya ka ka aikata tunda ba shi a cikin tarihinka, amma har cikin zuciyarta ta
san ka yi din, mai yuwuwa ka ji ta ce "Mu dai a gidannan ba mu taba cin
dambun kifi ba, kullum sai alƙawari
amma ka kasa cikawa" shi kuma sai ya ce "Ka ji zancen banza, ina ce
nan na kawo muku nama na ce a yi dambu lokaci kaza..." A ƙarshe ta tsaya kai da fata
ba a yi haka ba, don ta sami hanyar da za ta yi hira da shi, shi kuma gogan
zuciya ta kai masa maƙogwaro,
in mai naci ne ya dunga fada kenan, ita kuma ƙila ta tashi ta ba shi wuri.
.
Masamman
ma wasu matan da mutunci ya yi musu yawa, sai sun fadi cewa za su kunna
maigidan, sun san hanyar da za su bullo masa ya yi ta fada, amma in za ka tuna
takan fadi cewa "Kai sam ba ka zama a yi hira da kai" a maimakon ka
fahimce ta sai ka ce "Ka ji wai 'sam!' Yanzu me muke yi?" Ko ta ce
"Wai kai yaushe za ka sami lokacin kanka ne ka zauna da iyalinka a gida ku
dan yi hira?" Gogan naka sai ya ce "Ka ji maganar banza! So kike ni
ma na zama kamarki hala? Duk 'yan kwanakinnan ina nake zuwa? A taƙaice dai ba wata fahimtar
juna.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.