Hukuncin Mace Ta Bi Sallar Jam'i Daga Dakinta

𝐓𝐀𝐌𝐁𝐀𝐘𝐀❓

Assalamu alaikum malam, barka da warahaka. Allah ya ƙara maka lafiya, ameen. Tambayata ita ce: Malam, shin ya halatta in bi sallar jama'a a masallacin da ke maƙale da ɗakina a matsayina na mace? Ina jin kiran salla ko ba abun magana (iƙama). Sannan ina bin su sallolin farilla guda biyar (5). Idan Ramadan ya zo, shi ma ina bin su sallar tara rawih (qiymul layl) da tahajjud. Malam, ya matsayin sallata yake? Malam, na ci gaba da bin su ne ko kuma in riƙa yin tawa daban? Na gode malam, Allah ya ƙara lafiya da basira, ameen.

HUKUNCIN MACE TA BI SALLAR JAM'I DAGA ƊAKINTA

𝐀𝐌𝐒𝐀❗️

Wa alaikumussalam warahmatullahi wabarakatuh.

Ya hallata mace ta bi sallah tare da liman a masallaci tana a cikin ɗakinta da ke manne da masallacin. amma mafifici da mafi aiki ga mace shi ne ta yi sallah a cikin ɗakinta kawai ba tare da ta bi mai sallah a masallaci ba.

Akwai saɓanin Malamai game da wannan. Mafiya rinjayen maluma suna ganin cewa bai halatta ba, saboda yin hakan ya saɓa wa sunnar Ma'aiki (Sallallahu Alaihi Wasallam) wacce ta wajabta wa mazaje halartar jam'in sallah a masallaci.

Wasu malaman suna ganin karhancin yin haka. Wasu kuma sun ce za a iya yi idan akwai larurar jinya wacce ta hana namiji halartar jam'in sallar a Masallaci.

Amma ita mace abinda ya rataya da hakkinta shi ne ta yi sallarta ita kaɗai adakin mijinta shi ne yafi daidai kuma yafi lada gareta fiye da yin sallah akowanne masallaci. Komai kusancinta da masallaci kuwa. Wannan shi ne umurnin da Manzon Allah (Sallallahu Alaihi Wasallam) ya ba wa mata.

Bin sallar jam'i daga ɗaki ko gida yayin da liman ke sallah a masallaci (ko ta hanyar lasifika) wannan masalar ta kasu kashi biyu:

1. ldan ya zama ɗakinki yana like da masallacin, to tabbas wannan ya Halatta Saboda NANA AISHA tabi sallar kisfewar Rana daga ɗakinta. Azamanin ANNABI (Sallallahu alaihi Wasallam) Kamar yadda BUKHARI ya ruwaito hakan A hadisi mai lamba ta 184. Sannan ABDURRAZAK ya ruwaito cewa ta kanbi ragowar salloli daga ɗakinta Kamar yadda ya zo a littafinsa na MUSANNAFA a hadisi mai lamba ta 4883. Saboda ɗakinta ajikin masallacin ANNABI (Sallallahu Alaihi Wasallam) yake.

2. ldan ya zama ɗakin baya haɗe da masallacin, to zance mafi lnganci shi ne Bai halattaba. Saboda azamanin ANNABI (Sallallahu Alaihi Wasallam) Sahabbai suna haɗuwa ne a wuri ɗaya ne idan za su yi sallar jam'i. ba sa rarrabuwa, Wannan sai yake nuni cewa hakan shi ne siffar sallar jam'i, Sannan jera sawu a sallah, wani na bin wani, dole ne a sallar jam'i.

Saboda haka Idan kina jin kiran sallah ko karatun liman kuma kina da niya yiar bin sa, jam'in ki ya tabbata. Amma Dole ki yi niya yiar bin liman a lokacin sallah. Kodayake akwai saɓani a tsakanin malamai kan cikar sallar idan bango ya raba gaba ɗaya, amma idan dakinki na like da masallacin kuma babu wani babban katanga da ya hana ki jin motsi ko sanin halin da ake ciki, to sallarki ta yi, kuma za ki samu ladan jam'i.

WALLAHU A ALAM

Zauren Fatawoyi Bisa Alkur'ani Da Sunnah. Ku kasance Damu...

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.