Hukuncin Yin Alkunuti A Sallar Asuba

𝐓𝐀𝐌𝐁𝐀𝐘𝐀❓

Assalamu alaikum malam. Da fatan ka tashi lafiya. Shin alƙunuti da'akeyi asallar asuba wajibine sai mutum ya yi ko liman yana daukewa mamu?

HUKUNCIN YIN ALƘUNUTI A SALLAR ASUBA

𝐀𝐌𝐒𝐀❗️

Wa alaikumussalam warahmatullahi wabarakatuh.

Alƙunuti sunane na addu'a da'akeyi awani bigire kebantacce na tsayuwa wanda aka shar'anta asallar wutiri bayan dagowa daka ruku'u abisa zance ingantacce cikin zantukan Malamai. Ana yin Alƙunutu idan wata masifa ko bala'i ya aukawa musulmai sai su dunga addu'a bayan dagowa daka ruku'u akowacce raka'ar karshe ta sallar farillah guda biyar, Har Allah ya yaye musu wannan bala'i da ya auka musu yadauke musu shi. Duba littafin (Tas-heehi du'ãã'i na Shaik Bakar Abu Zaid shafi na 460).

Amma yin Alƙunutu koda yaushe Asallar asuba bai inganta daka Annabi sallallahu Alaihi wasallam yakebance sallar asuba yana alƙunuti a cikinta koda yaushe ba, Abun da yatabbata daka gareshi shi ne yana yin Alƙunutu idan wata masifa tasauka, ya yi alƙunutu asallar asuba dasauran salloli yana yi wa zakwaan da Usayyah mummunar addu'a saboda kashe mahaddata Alƙur'ani dasukai wadanda Annabi yaturasu zuwa garesu dansu sanarda dasu addinin musulunci.

Ya tabbata ya yi ƙunuti asallar asuba yana rokawa raunana daka cikin muminai dabasu samu damar yin hijiraba saboda rauninsu Allah yakubutar dasu daka Abokan gabarsu, bai dawwama a kan hakan ba, halifofi shiryayyu suka tafi a kan haka a bayansa, Abun da yake alheri ga limamai shi ne su takaita dayin Alƙunutu asallar asuba dama sauran salloli sai dai idan wata masiface ta aukawa musulumi, anan yahalatta aita Alƙunuti har Allah yayawa musulmi wannan masifar. Kamar yanda hadisinda Asha-bul Sunan suka ruwaito banda Abu dauda daka Abu malik Al'Ashja'iy Allah ya kara masa yarda. Albani ya Ingantashi a cikin Irwa'u (435).

Mafificiyar shiriya ita ce shiriyar manzan Allah sallallahu Alaihi wasallam. fatawa lajnatul da'imah (7/47)

Sannan ba a iyakance wata addu'a damutum zai yi A'alƙunuti na wata masifa data samu musulmai ba, liman zai yi addu'a wacce tadace dahalin da'ake ciki dakuma masifar kamar yanda aka ruwaito Annabi sallallahu Alaihi wasallam ya tsinewa wasu kabilun dasuka bijirewa sahabbansa suka kashesu, dakuma rokawa raunana da suke makkah Allah yakubutar dasu. Amma Akwai wasu sigogi da'aka ruwaito Annabi sallallahu Alaihi wasallam da shabbansa sun yi a addu'ar ƙunuti a cikin sallah kamar yanda baihaiƙi yaruwaito (2/210) Albani ya ingantashi a cikin Irwa'u (2/170).

Ya halatta kayi alƙunuti da addu'a takashin kanka kamar yanda Imamun Nawawi yabayyana a cikin Almajmu'u dinsa (3/497).

Dan samun karin bayani a kan za ka iyayin wacce aka ruwaito sannan kakara dataka duba (ƙiyamu ramazhan na shaik Albani (31)

Hadisai da'aka ruwaito a kan alƙunuti dakuma ingantaccen zance na malamai shi ne ana yinsa bayan dagowa daka ruku'u idan kayi kafin tafiya ruku'u babu komai kanada zabin idan kagama karatun sallah kayishi kafin tafiya ruku'u sannan za ka iyayin ruku'u idan kadago saikayi alƙunutin. Kamar yanda shaik Usaimeen yabayyana a cikin Sharhin Mumti'i Alã zhadul mustaƙni'i (4/64)

Dan haka yin Alƙunuti asallah baya kan mamu, liman ne ke haƙƙin yinsa, shi mamu zaidunga Ameen ne lokacinda liman yake addu'ar Alƙunutin.

Alƙunuti wanda muka tashi mukaga ana yi akasar nan kowacce sallar asuba dakuma siga daya da sunan mazhabar malikiyyah bidi'ane bai tabbata daka Annabi sallallahu Alaihi wasallam ba.

WALLAHU A'ALAMU.

Zauren Fatawoyi Bisa Alkur'ani Da Sunnah.

  ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.