Mijina Sai Ya Saka Condom Yake Saduwa Da Ni

𝐓𝐀𝐌𝐁𝐀𝐘𝐀❓

Salamu alaikum waramatullah malam don Allah ka taimaka min, mlm mijina shi baya saduwa dani haka kawai sai ya saka condum shin idan na hana shi kaina na yi laifi ne? Na gode

MIJINA BA YA SADUWA DA NI SAI YA SAKA CONDUM

𝐀𝐌𝐒𝐀❗️

Wa Alaikis Salaam Wa Ramatullahi:

Toh Wannan Magana ta ki Akwai Maganganu akai sosai, shin meyasa yake son sa Condom idan zai yi Jima'i da ke? Haihuwar ne baya so ko Kuma mene ne? sa'annan idan haihuwar ce baya so shin kema ba ki son Haihuwar ne? idan dukkan ku ba ku son haihuwar ne sai yake sa Condom, toh sai mu ce babu komai wannan, idan Kuma shi ne baya son haihuwar ke kuma kina so, toh a nan akwai bayani sosai, za mu yi a gaba. sa'annan idan yana Jima'i da ke ba ki gamsuwa ne ya sa kike son hana shi domin ba ki gamsuwa? dole ne a samu Amsosin nan daga gurin ki, Amma kafin nan ga bayanin kamar haka;

1. Abu na Farko Shi ne Matukar Ke Kina gamsuwa da Mijin ki a Haka, shi ma yana Gamsuwa da ke a Hakan wato idan ya Saka Kororon Roban (condom) dukkanku Kuna samun Gamsuwa. toh Wannan Hurumin Mijin ki ne ya Sadu da ke ta yadda yake Son Yin Jima'i da ke Wannan Hakkkin Sa ne, Domin inda Allahu Subhanahu Wata'ala Yana Cewa, Matayen Ku Gonakin ne ku je Musu ta inda Kuke so, amma banda ta Duburar ta.

Amma idan Shi ne Kaɗai yake Gamsuwa Buƙatar sa ta biya, Amma ke ba ki Gamsuwa ba ki Jin komai idan ya Saka Wannan Kororon Roban (condom), amma idan bai Saka ba ya Sadu da ke Kin fi Gamsuwa da shi, toh nan Kuma Wajibi ne gare shi ya Chanja Lalalel, domin Kamar yadda kike Gamsar da shi yake gujewa neman Matan banza a waje, toh Shi ma yakamata tsaya ya miki Haka, babu Cuta babu Cutarwa a Ciki.

Amma indai ba Zai rika Gamsar da ke ba, Sannan ya Ƙi Chanja Lalalel, kuma Hakan yana Cutar da ke ba ki Gamsuwa dalilin haka kada ki faɗa Cikin halaka na zina ko Madigo, toh ki nema Magabatan ku wato Waliyyan ku sai ki kai Maganar gaban su a Kira sa. Kafin ki fara Ɗaukar Salon rabuwa da shi Domin kada ya cutar da ke, ki koma Saɓawa Ubangijin ki ta wajen Aikata abun zai gamsar da ke ko Zina ko Madigo.

Hakazalika, Idan Har hakan da yake yi ba ki Gamsuwa kuma Kinyi-Kinyi ya gyara ya Ƙi Gyarawa, toh za a iya Raba Wannan Auren domin Kada Ke ki Faɗa Cikin Saɓawa Ubangijin ki Wajen yin zina ko Madigo dole ne a raba Auren, Mafi Yawanci a yanzu abun da wasu Matan Aure suke yi kenan wallahi idan Mijin su baya gamsar su sai su shiga group na batsa da Namiji ko Mace sun yi musu magana shikenan sai su yarda su ba da kansu ko Zina ko Madigo sabida haka irin wannan gara an raba Auren yafi.

2. Na Biyu Shi ne, Idan Har Ke Kina Son Haihuwa, Shi Kuma Mijin ki baya Son Haihuwa wata Kila Shiyasa yake Saka Kororon Roban (condom) don kada ki Samu Ciki ki Haihu, kin ga Ra'ayin ki da nashi ya Banbanta, toh tunda Ke Kina Son Haihuwa Shi Kuma baya Son Haihuwar Shiyasa ya Saka Wannan robar domin kada Ki Samu Ciki ki Haihu, toh nan ma Za ki iya Hana shi Kanki, Sa'annan Ki Nemi Magabatan ku ki Sanar da su Cewa ga Abun da yake tafiya a Tsakanin ku, idan an kira shi ya dawo ya gyara yana Son Haihuwar ya dena Saka Wannan Kororon Roban (condom), Shikenan haka ake buƙata, idan Kuma ya ƙi ya dena kuma ke kina Son Haihuwa. Toh kina da Zaɓin ki idan Kin ga Za ki iya Zama da shi a Haka ba ki Gamsuwa da shi, Sa'annan babu Haihuwa da shi, toh sai ki Ci Gaba da Zama da shi a Hakan ba tare da yin korafi ba, idan Kuma kina Son Haihuwa, kuma Kina Son ki Rika Gamsuwa da shi idan yana Jima'i da ke, sai ga shi bayan Son Haihuwar, kuma ba ya Gamsar da ke, toh Wajibi ne a Raba Wannan Auren domin gudun faɗawa cikin halaka na zina ko na Madigo.

Haihuwa na Allah ce idan Allah ya ga dama, sai ya gama Saka Kororon Roban sa ya Sadu da ke, Sai Ciki ya shige Miki kuma Ki Haihu, don haka babu Abun da ya gagari Allah. sa'annan ki sani cewa ke Mace ce kina buƙatar taimako nan gaba idan kin karar da Karfin ki gaba ɗayan sa gurin Jima'i babu Yara wallahi za ki dawo ki yi Allah Wa dai da rayuwar ki, domin Mazajen yanzu ba irin na da bane yanzu sai ki ji ya sake ki, Karfin ki ya kare ba ki da Yaro ko ɗaya Kuma kin zo Matakin da lallai kina buƙatar Yaro a kusa da ke amma babu, don haka Mata a Rika yin nazari sosai kafin ayi abu musamman Yan Mata da a yanzu kuke son yin Family planning, ke ko haihuwa 1 ba ki yi ba wai kin je kin yi Family planning idan Allah ya tashi kama ku sai Allah ya rike haihuwar ki ko kun dawo kuna son haihuwar wallahi ba za ku samu ba.

Ko kuma ki haifi Yara 2 ku ce ayi Family planning don a samu Tazarar Yaran ku, toh idan Allah ya tashi kama ku wallahi sai Allah ya ɗauke Yaran kab duk su Mutu ku dawo yanzu kuna son haihuwar amma wallahi ba za ki taɓa haihuwa ba ke da haihuwa sai dai a Lahira idan ana Yi, Hakan ya taɓa faruwa da wata Mijin ta ya ce ta yi Planning ta ce Wallahi ba za ta yi ba ya buga ya Rawa ta ki, ta yi tambaya aka bata shawara kada ta yi wallahi haka ta ƙi yin Family planning nan, sauran Ƙishiyoyin suka yi, Kun San me ya faru?

Wata Rana suka shirya Yaran su za su kai ziyara zuwa wani garin, sai suka yi Hatsari Yaran kab suka mutu babu wadda ya tsira a motar, waɗannan matan da suka yi Family planning suka dawo suna Buƙatar Yara ko da 1 ne babu Allah ya rike haihuwar, ita wadda ta ƙi yin Family planning ɗin sai haihuwa ta ke Yi ta kira tana godiya ta ce lallai ta ga illar family planning da Kuma iKon Allah, ta ce da ita ma ta yi Family planning nan yaya zatayi? toh kun ga irin abubuwan dole ne fa a matsayin ki na Mace ki tsaya ki yi nazari akai sosai kafin ki aikata shi, Mazan wannan Zamanin ba Yan Amana bane su ce ki yi ki dena haihuwar su je su Auro me haihuwa kina ji kina gani tana haihuwa ke kuma babu.

3. Na uku, idan Kuma wata Kila Kina da Ciwo ne a tare da ke, ko Kuma Shi yanada Ciwo a tare da shi ba'a son a ɗauki ciwon, toh nan ma idan Shi ne mai Ciwon Za ki iya Hana shi Kanki, Domin kada ya Raɓa miki Cuta, Sa'annan rabuwa da shi shi ne ya fi Alkhairi fiye miki akan Zama da shi yana ɗauke da Ciwo, toh sai dai idan Zai tashi ya nemi Magani. Idan ma kene mai Ciwon, toh Gaskiya rashin Gamsuwar ki a Wajen sa hakan zai iya sa Ki raba Aure Domin Gujewa Sheɗan na Zina. Dafatan Kin Fahimta Koh?

WALLAHU A'ALAMU.

Zauren Fatawoyi Bisa Alkur'ani Da Sunnah. Ku kasance damu cikin wannan group domin Fadakarwa...

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.