Samar Da Sunayen Kanuri (Barebari) Ta Amfani Da Sunayen Sahabban Annabi S.A.W.

Alummar Kanuri sun shahara wajen raɗa wa ‘ya’yansu sunayen Sahabban Annabi S. A. W., musamman ma na khalifofi shiryayyu. Wato, Abubakar, Umar, Usmanu da Aliyu. Waɗannan sunayen suna ƙunshe da ma’anoni na musamman a harshen Larabci. Al’umma sun fi mayar da hankali ga kwarjinin masu sunayen na asali, saboda gudummawar da suka bayar wajen haɓaka addinin Musulunci. Irin waɗannan sunayen al’ummar Kanuri ta yi musu laƙabi na musamman da take kiran waɗanda suke amsa su. Misali:

Jad. na 30: Sunayen da Kanuri Suka Samo Daga Sahabbai

	Suna	Laƙabi
1.	Abubakar	Aboorand, Garwa, Garbai, Kawai
2.	Umar	Bunu (taƙaita “Ibn Khatab), Sanda, Gasau, Yarema
3.	Usman	Ngari
4.	Aliyu	Garga
5.	Abu-Talib	Butali
6.	Ƙassim	Kashim

Ta fuskar sunayen mata kuwa, akwai matan Annabawa da suka yi imani kuma suka taka muhimmiyar rawa wajen yaɗa addinin Allah a doron ƙasa. Waɗannan mata al’ummar Kanuri sukan yi amfani da sunayensu wajen raɗa wa ‘ya’yansu. Hasali ma sun yi wa irin waɗannan sunaye laƙubba kamar yadda za a gani ɗaya bayan ɗaya:

Jad. na 31: Sunayen Mata a Kanuri Daga Sunayen Muhimman Mata a Tarihin Musulunci

	Suna	Laƙabi/Laƙubba
1.	Aminatu	Sato
2.	Khadijatu	Banna
3.	A’ishatu	a.   Boli b.   Maida c.    Mali
4.	Halimatu	a.    Kula b.   Kodo c.    Kawudi
5.	Hafsatu	a.   Mara b.   Kawul c.    Kawule d.  Kalu
6.	Fatima	a.    Batul b.   Botula c.    Busam d.   Fusam e.    Fandau f.     Koshi g.   Kului h.   Lefa i.     Lewa j.      Dungule
7.	Hauwa’u	a.    Mada b.   Madari
8.	Ruƙayyatu	a.  Ruwaya b. Arkwaya

Manazarta

Bakura, A.R. & Sani, A-U. (2024). Sunayen Hausawa (Bunƙasar Sunayen Hausawa da Maƙwabtansu). WT Press. ISBN: 978-978-782-932-5. DOI: https://doi.org/10.5281/zenodo.19512083