Daga
Shafa'atu Salihu Labbo
Abu-Ubaida Sani
Kishiya ita ce ɗaya daga cikin matan da suke auren mutum guda. “Kishiya ba haushi ta goje” mace ce wadda ta auri miji mai mata fiye da ɗaya a ƙarƙashin maigidansu bisa kulawarsa da umurninsa na zamantakewar aure.
Wasu daga cikin karin maganar da
suka shafi kishiya sun haɗa
da:
1. Aiki inda kishiya ba ya gudu.
2. Allah suturu buƙui,
inji kishiyar mai doro.
3. Azarangaɗi, muguwar kishiya.
4. Ba zafi, barkonon taro a idon
kishiya.
5. Ban ce a mutu ba, ban ce a
warke ba, ciwon kishiya a yi ta lalacewa kan gado.
6. Cin tuwon kishiya, ranko.
7. Da alheri, kishiya ta hau kura
da dare.
8. Da alheri, kishiya ta taɓi kishiya da bakin wuta.
9. Da me zan ji, ga mutuwar uwa,
an yo min kishiya.
10. Da zaman banza gara aikin
kishiya.
11. Dabara ƙafa,
inji kishiyar gurguwa.
12. Haka ratata, inji kishiyar
mai ‘ya’ya tara.
13. Haka tara, inji kishiyar mai
mageduwa.
14. Ikon gwatse, kishiya hana
kishiya amsa waƙar miji.
15. Kishin kishiya ba ya hana
namiji aure.
16. Kishiya mai ban haushi, ana
ganin ki akan zagi miji.
17. Kishiya sai naki, mai gida
duba min.
18. Komai daɗinki da kishiya, inji
babbar ƙawar
amarya
19. Kowa da kiwon da ya karɓe shi, kishiyar mai akuya
ta sayi kura.
20. Magana ba mai ƙarewa
ba, an sai da akuyar kishiya an sai wa amarya zane.
21. Mai kishiya ba ta mutuwar
Allah.
22. Me na iya da abin da ya
gagari wuta? inji kishiyar ƙonanniya.
23. Mulkin mallaka, biyan bashi
da ɗakin kishiya
24. Na ga abin da ya ishe ni,
kishiya tara rana ɗaya
25. Rashin aiki, ta da kishiya
daga barci
26. Tallar kai, sata ɗakin kishiya
27. Wada da wadaƙa, ta
da kai da kishiya
28. Zama da kishiya tilas ne, ba
don dukan su sun so ba
29. Zama da kishiya tilas ne, ba
don uwar gida na so ba
30. Zuƙui, doron kishiya
Waɗannan
karin magana guda 30, suna magana a kan irin yadda Hausawa suke kallon kishi da
kishiya a cikin al’umma.
Manazarta
Labbo, S.S. & Sani, A-U. (2025). Aure a ƙunshiyar karin magana. Amsoshi Academic Publishers. ISBN: 978-1-257-07209-5. DOI: https://doi.org/10.5281/zenodo.19513449
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.