Jini Ya Zo Min Bayan Cikina Ya Kai Wata Biyu

𝐓𝐀𝐌𝐁𝐀𝐘𝐀❓

Assalamu alaikum, malam ya kokari, tambayace gare ni, na yi wata biyu ban ga al'ada ba, sai yanzu ta rinka zuwa tana Daukewa, na zo asibiti sun ce juna biyu ne, to in ya zo min da safe shikenan sai ya Ɗauke sai kuma gobe da safe, sai in ya Ɗauke inyi wanka in cigaba da sallah, malam ko ya halatta hakan?

𝐀𝐌𝐒𝐀❗️

Wa alaikumussalam warahmatullahi wabarakatuh.

To yar'uwa wannan jinin da kika gani mutukar yana kama da jinin hailar da kaki saba gani, to zai hana sallah, kuma zai Ɗauki dukkan hukunce-hukuncen jinin haila, saboda asali duk jinin da ya zowa mace ana Ɗaukarsa a jinin haila, in dai ba akwai wani sababi da zai hana shi ya zama haila ba, kuma babu wani dalili a Alƙur’ani ko a sunna da zai hana shi ya zama haila.

A zance mafi inganci mai ciki tana iya yin haila, don haka duk yinin da ki ga jini to yana Ɗaukar hukuncin jinin haila ne, haka ma tsarki yana Ɗaukar hukunce-hukuncen tsarki, ta yadda za ki yi wanka duk yinin da ba ki ga jini ba, Saidai idan yana yayyankewa kusa-kusa, to kina iya jinkirta wankan, sai ki haɗa sallolin da ba ki ga jini ba a lokutansu kamar azahar da la’asar ko magrib da isha, saboda yin wanka a kowanne lokaci akwai wahala a ciki, kuma Allah yana cewa:

وَمَا جَعَلَ عَلَيۡكُمۡ فِى الدِّيۡنِ

"Bai sanya muku Kunci a cikin addini ba" (Suratu Hajj 78).

Don neman Karin bayani duba: Almugni na Ibnu Khudaamah 1\214 da Dima’uddabi’iyya shafi na 11.

WALLAHU A'ALAM

Zauren Fatawoyi Bisa Alkur'ani Da Sunnah. Zaku iya samun shafinmu ta wannan hanyar...

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.