Daga
Shafa'atu Salihu Labbo
Abu-Ubaida Sani
Aure yana da babban matsayi a wurin Hausawa. Hasali ma, al’adar Hausawa ba ta lamunci mu’amalar saduwa tsakanin namiji da mace ba sai ta dalilin aure. Dalili kuwa shi ne ta hanyarsa ne ake samar da al’umma halastacciya bisa mizanin al’ada. Bugu da ƙari, wani ma’auni ne da ake auna kamalar mutum da shi a wasu lokutan. Rashin aure abun ƙyama ne a idon Bahaushe. Dalilin haka ne ma ya haifar da al’adar nan ta tsangwamar gwauro/gwabro da gauruwa/gwabruwa a wasannin tashe da ake gudanarwa a cikin watan azumi.
Alhassan da wasu (1982 sh. 9) sun jajjada matsayin aure ga Hausawa yayin da suka bayyana ɗaya daga cikin amfaninsa da cewa: “Ana yin sa ne saboda abin da aka haifa ya sami asali, da mutunci, da kiwon iyaye.” Aure shi ne tushen samuwar iyali wanda hakan yakan haifar da zuri’a ko dangi tsarkakakka. Daga nan ne akan samu iyaye da yayye da ƙanne da sauran ‘yan’uwa kamar yadda Malumfashi da wasu (2000 sh. 65) suka bayyana.
Manazarta
Labbo, S.S. & Sani, A-U. (2025). Aure a ƙunshiyar karin magana. Amsoshi Academic Publishers. ISBN: 978-1-257-07209-5. DOI: https://doi.org/10.5281/zenodo.19513449
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.