Wakar Yau Nijeriya Riko Sai Mai Gaskiya Ta Ibrahim Yala Hayin Banki

YAU NIGERIYA RIƘO SAI MAI GASKIYA
BABA BUHARI KAI MUKE SO NAJERIYA
ANPP 2003 WADDA YA JUYA TA ZUWA CPC.
Ibrahim Yala Hayin Banki
Bakandamiyar Buhari 2003
2011 CPC

Turke/

Amshi: Yau Najeriya Riƙo sai mai gaskiya

 Baba Buhari Kai Muke So Najeriya.

 

Amshi: Yau Najeriya Riƙo sai mai gaskiya

 Baba Buhari Kai Muke So Najeriya.

 

Amshi: Yau Najeriya Riƙo sai mai gaskiya

 Baba Buhari Kai Muke So Najeriya.

 

Jagora: Allah Khaliƙu da yay yo duka duniya

 Mu riƙon da za mu yi mu duka bai ɗaya

 Bai wa Buhari mulkinmu duk Najeriya

CPC ta zo ta rungumi Najeriya

Amshi: Yau Najeriya Riƙo sai mai gaskiya

 Baba Buhari Kai Muke So Najeriya.

 

Jagora: Salli ala Muhammadu Annabi Shugaba

 Mai cetonmu ran da kowa ke fargaba

 Annabi ran ƙiyama ka samu sahun gaba

Mun bi rasulu ɗan Amina mai gaskiya

Amshi: Yau Najeriya Riƙo sai mai gaskiya

 Baba Buhari Kai Muke So Najeriya.

 

Jagora: Ka zo ka fitar da mu a ƙunchin da muke ciki

 Yau mun sha wuya a kullum sai farmaki

 Ana satar kuɗinmu a yau ba shamaki

Kaji halin da mu muke ciki Najeriya

Amshi: Yau Najeriya Riƙo sai mai gaskiya

 Baba Buhari Kai Muke So Najeriya.

 

Jagora: Su Tanko da Babalola sun tabka abin tsiya

 Sun gama kwashe dukiyar ‘yan Najeriya

 Shi yasa muke biɗar yau mai gaskiya

Wanda idan ya zo za ya gyara Najeriya

Amshi: Yau Najeriya Riƙo sai mai gaskiya

 Baba Buhari Kai Muke So Najeriya.

Jagora: Allah wadan ku tun dai kun cucemu mu

 Kun kashe rayuwar mutane kun sai damu

 Don Allah Buhari mu zo ka fitar da mu

CPC ta zo ta rungumi Najeriya

Amshi: Yau Najeriya Riƙo sai mai gaskiya

 Baba Buhari Kai Muke So Najeriya.

 

Jagora: Na tuna sanda ka yi mulkin Najeriya

 Sanda ka kau da dogowar hula mai danniya

 Don gyaran ƙasa da kishin Najeriya

Dawo Buhari kai muke so Najeriya

Amshi: Yau Najeriya Riƙo sai mai gaskiya

 Baba Buhari Kai Muke So Najeriya.

 

Jagora: Randa ka karɓi mulki Buhari a nan ƙasar

 Duk ka ta da hancin ya komai nan ƙasar

 Sai ka gyara komai da ke a cikin ƙasar

Yau me zai hana mu so ka a Najeriya

Amshi: Yau Najeriya Riƙo sai mai gaskiya

 Baba Buhari Kai Muke So Najeriya.

 

Jagora: Buhari a lokacin yaƙƙi bashin Ingila

 Da su da Amerika masu halin basila

 I.M.F ya ce ba ya so don matsala

Mun gode Buhari mai kishin gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Duk ya kama yan Jihar can da suke ƙasa

 Masu kuɗin da ba su zakka sun bar ƙasa

 Kaji a lokacin tattali ya bunƙasa

Kowa ya taso a faɗin Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Na rantse a lokacin ba ma yin tsiya

 Tun da akwai Buhari mai aiki da gaskiya

 Mun ci abinci har da nama basua wuya

Zamanin Buhari mai kishin gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

Jagora: A wancan lokacin farar hula sun gudu

 Domin sun yi ɓarna dole su zan gudu

 Yanzu idan ka hau dole wancan na gudu

Zai tsere ya bar ƙasar don bai gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Ke Lema baƙar daga kin mana yau tsiya

 Ba kya maganin ruwa duk mun sha wuya

 Kun haɗa kai da masara bakwa gaskiya

CPC taho ki rungumi Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Wanda ya ja da kai Buhari zai sha wuya

 Domin ka fi wancan mai halin ‘yan giya

 Mai fuska kamar ana mutsika taliya

Kai hanga su cima zaunen Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Lalle Daura ta yi ɗa wanda yake da kyau

 Wanda idan na gan shi ni bana zudda yau

 Ku zo jama’ar ƙasa ku rungumi wai gaskiya

Shi ne za ya fidda mu ƙuncin Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Tarkon mutuwar da PDP tai mana

 Halin ha’ula’i da ta jejjefa mana

 Bala’in shawa da tak kokoya mana

Baba Buhari ne za ya fidda Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Dubi halinsu yasa mu mun koma baraa

Maula mutuwar zuci da halin kaugora

Rashin aiki ya sa ɓarayi sun gagara

Kowa na abin da ya so najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Na sama basu tausayin na ƙasa Najeriya

 Sun danne mu sun koma ba sua waiwaya

 Allah shugabannin ga ba su da gaskiya

Sun gutsura mana a faɗin Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

Jagora: Don haka zo ka ja mu Buhari Shige gaba

 Mu duk a za mu bika don ba ma fargaba

 Mu a ƙasarmu kai muke so yau shugaba

Zo ka riƙe my kar mu kauce ta da gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Ga zakaran da Rabbana Sarki yannufa

 Dole a ƙyale mai gida koko a ragwama

 Don haka ka da ku ja da shi balle ku zurfafa

 Yau Allah yana a bayan mai gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh, zan yi kiran ku dukkanin yan Najeriya

 Kar mu bari a sake cutar mai gaskiya

 Ku zo mu tsaya muna da ƙarfin Allah ɗaya

 Kar da mu sake ƙyale PDP tai murɗiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh Bana kowa ya ƙwace zaɓenmu ya tabbata

 Zai rashin uwa, uba yaya har mata

 Har shi kan shi har da mai sashi ya yo cuta

 Za mu gama da jahili bama kauciya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh mun gaji mu da ku a mulkin Najeriya

 Zaluncinku ya ƙure mu a Najeriya

 Cin zarafi da cin amanarku gaba ɗaya

 Ya sa ba mu tsoron ku yau Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh bana ƙarya kuke ku sake rubuta mana

 Kuma kun daina sanya kowa musgun a mana

 Kun rantse da wanda yai ka’aba Rabbana

 Kun gama murɗiya yau a duk Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

 

Jagora: Ina kuke rundunar matsan Najeriya

 Mu tashi mu ƙwaci ‘yanci cikin Najeriya

 Mata kar ku yarda yau a yi muku murɗiya

 Sai mu zage mu kai Buhari mai gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Ba mai ƙara ba mu ƙwaya ko shalisho

 Wiwi benalin roti mun daina sha

 Sai dai ku baiwa ‘ya’yanku duka su je su sha

 Mu yanci muke biɗa faɗin Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Mun gano ku masu mulkin Najeriya

 Kun mai she mu jahilai ba mu da tarbiya

 Ku kun tura ‘ya’yanku Turai gaba ɗaya

 Ku kun ba mu gariyo mui muku kariya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Mutun ɗaya na da dukiya ta wuce hankali

 Ya tara ta babuu zakka ko jangali

 Ya hana ‘yanuwansa don renin hankali

 Sai ‘ya’yansu ke bushesha cikin duniya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Su ke yanka ‘ya’yanmu ba wani tausayi

 Ga neman matan aure sun yi dabaibayi

 Sai bidi’a da asharanci suke ta yi

 Wai su ne fa shugabannin Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Duk wani wanda ba ya jin tsoron Rabbana

 To mun daina girmamashi ya cuta mana

 Mai rawani da jiniya Allah isar mana

Za mu buga daku dana faɗin Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Sai ƙarya kuke da addini mayaudara

 Da kun shiga jama’a ku rinƙa faɗin kabbara

 Bayan zukciyarku kun sa ta ta wut tsira/guttsura

 Ba kwa tausayin talakka Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Wasu ma sun yi mulki a baya Najeriya

 Sun kashe wanda bas u so sun cirri dukiya

 Sun raba kammu sun yi mulki ba waiwaya

 Kaji su baba dan gajere maras gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Su suka rusa ilimi yau Najeriya

 Su usuka ɓata tattalin ‘yan Najeriya

 Lantarki ƙasarmu yau yaz zama najiya

 Allah ya isa macutan Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Su suka sanya rasshawa yau tay yo yawa

 Su suka tsaida arzikin ‘yan Najeriya

 Su ke kulle kamfani don har sun saya

 Sun raba tallaka da aiki ‘ya’yan tsiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Su ne gamji Sardauna yai wa sutura

 Shi ya tsaya sukai ficce ba wata takura

 Wani ma ba tsawo na Sardauna aka gutsura

 Don kishin arewa shi yai masu kariya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: To amma su tsawonmu yau duk sun rarrage

 Sun koma da mu da su sai ga mu yo hange

 Da Sardauna za ya dawo ya ga ɗan mage

 Wanda suka ta cin amanar Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

Jagora: Su ne suke ta sukan Buhari Uban ƙasa

 Su ne sun ka ƙwace Petur da kuɗin ƙasa

 Don tsabar rashin mutunci a cikin ƙasa

 Har ma dukiyar marayu sun murɗiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh Allah jiƙan Abacha mai kishin gaskiya

 Kaji maza na Maryam Sani mai gaskiya

 Ka bar baya ta yi kyau ba wani tautsiya

Muhammadu Abacha ya biyo layin gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Buhari fiya fiya da ba ya yin murɗiya

 Zo ka kawar da saibat mai fuskar saniya

 Har da na Joɗa tanki da shi aka yi murɗiya

Duk sun cuci rayuwar ‘yan Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh da a ƙasarmu babu yunwa in kuntuna

 Sai ku tuna abinci da ga shi a ko’ina

 Ba mu faɗa a lokacin kowace fitina

 Yanzu idan ka gammu kau duk mun sha wuya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Ch Allah wadan ku masu halin na Baturiya

 Wannan ɗan baƙin da ƙira ta yan giya

 Can gona yake yana halin murɗiya

 Ko ko in ka bishi lalle ka sha wuya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Ya cuce ni da da yanzu na hankale

 Kar ka sake ka zo wuri na ba ma tare

 Kai da na yamma yaronka mai halin kare

 Na riƙe ni Buhari don shi ne mai gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Allah jiƙan wada Nas mai kishin gaskiya

 Okadibo ya wuce yana kishin gaskiya

 Sun kashe har mashal mai kishin gaskiya

 Kaji waɗanda su suke son mai gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Sannu Rufa’i an ga mai kishin gaskiya

 Kai ne shugaba na jam’iyya Najeriya

 Yau CPC ta game duk Najeriya

Dole a jinjina muku an ga mai gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Buba galadima a gaishe ka da ƙoƙari

 Kai ne Jarumin da ke sa mu yi hanzari

 Sannu Sulaiman Hamma gaishe ka da ƙoƙari

 Kun riƙe dai Buhari mai kishin gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Ga wani jarumi a yaƙi bai fargaba

 Hadi Sirika yaƙinmu ban ga kamarsa ba

 Sannu Uban Mujahid da Fatima ja gaba

 Hadi Sirika ya riƙe na kan gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Sha’aban Sani Nawa mai kishin gaskiya

 Jagoran rundunar talakka ga baki ɗaya

 Wasu sun ce CPC ya ƙi ki zo jiya

 Sai ga Sani Sha’aban ya zo gaba ɗaya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Ga wani Malamin jami’a mara danniya

 Doctor Bashir na Kurfi mai kishin gaskiya

 Sannu Air Vice mashal Mukhtari mai juriya

 Yusha’u Armaya’u ma ya riƙe gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Yau a Kaduna an sami babban shugaba

 Amadu Yaro Koka-Kola bai fargaba

 An yo zaɓen CPC an san cigaba

 Ya buge ɗan agwagwa yau mai faɗin tsiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Kabiru Tanimu ya shigo ba fargaba

 Shi ɗan takara na gwamna mara fargaba

 Eh Dan masani na Gwandu mason a ga cigaba

 Kabiru Tanimu ya shigo ba ya Kauciya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Akwai wasu jaruman matasa na gaida su

 Musa, Hore, Jauro su ma na san da su

 Suleiman Dauda Daura shi ma na sa da su

 Abdullahi Lema nawa mai gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Tanko dattijo mai son gaskiya

 Haruna Sa’idu ya taho ba ya kauciya

 Janaral Sale sannu mai kishin gaskiya

 Shehu Namiji ma ya riƙe gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh Garba Attahiru yana kishin gaskiya

 Sannu na mairo nawa mai aiki da gaskiya

 Ih cewa ya ga ya kyale ‘yan murɗiya

 Nasan kai a yi haka da ka cika dauriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Akwai wani jarumin matashi mai juriya

 Shi ne Yusuf Jelani mai kishin gaskiya

 Wanda ya Sami duniya ya riƙe al’uma

 Nasa garkuwar rigasa mai gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh Malam Shitu nawa mai kishin gaskiya

 Wahala bata ka kauce wa mai gaskiya

 Kullum in nazo Katsina ban shan wuya

 Malam Shitu ke riƙe ni mai gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Ga Abdulmunaf na Daura na sa da kai

 Mai aiki a kan Buhari na gaida kai

 Sannu mijin Walima yalal na gaida kai

 Ina magana a wadda ka je nai dubiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Dacta Muhammad Dan Tanko mai son gaskiya

 GA mai lore shi Kaduna mara danniya

 Dacta Mustapha na Zariya na gaida kai

 Har Dact Modibbo ma ya riƙe gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Mannir Yakubu a gaishe ka da ƙoƙari

 Ga Nuhu Dan Magaji ma ya cika ƙoƙari

 Sanata Audu Yandoma ya zo da wuri-wui

 Mu gaida Lawal ma ya cika gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Shehu Barau na Ningi yau dole na sa da kai

 Akwai wani baba mai alƙalami na gaida kai

 Fatiri yala ma yau na sa da kai

 Mustapha Kwaliti a Borno yau juriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh sannu Aminu Adamu ba ka kauciya

 Kaji magayaƙi Gusau baya danniya

 Shi ne Shugaba na CPC Zamfara

 Aminu Dankwangila yana kishin gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Na tuna sanda ka yi mulkin Najeriya

 Sanda ka kauda doguwar hula mai danniya

 Dan gyaran ƙasa da kishin Najeriya

 Dawo Buhari kai muke so Najeriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Dan zago can Kano kana kishin gaskiya

 Kai ne shugaba na CPC gaba ɗaya

 Jafari Isah Sannu mai kishin gaskiya

 Danbalki Kwamanda ma ya riƙe gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Har injiniya magaji na sa da kai

 In ƙaunar Buhari ne dole a sa da kai

 Awwal A ya Laɓe ke gai da kai

 Allah taimaka ku kauda mara gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Faruku Adamu Jigawa an sallama

 Kai ne maganin wanda ya rena al’uma

 CPC Jigawa kai ne ke hikima

 Ukashatu Shugaba a gaishe ka da juriya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh Yakubu Lado Sanata ma na sa da kai

 Tuntuwa in kayo shiri dole a tai da kai

 Aminu Masari Dan Bello ma na gaida kai

 MT Liman yau sun da wo ma gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh Dan Chaina na Bauchi kai ma ban barka ba

 Alƙawarin da ka yi Daura ban gan shi ba

 Naga rabi amma rabin ni ba a ba ni ba

 Gara ka bincika in gano mara gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

Jagora: Akwai wata juruma a mata ban barta ba

 Altini yar Haruna Potaskum mu je gaba

 Ki je ki gaya wa mata su bar yin fargaba

 Altine yan gari tana kishin gaskiya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Eh Yala zan tsaya a nan sai kuma nan gaba

 Hali babu yau kiɗan ba wata fargaba

 Wacce ka rera amshin gare ni Maryam baba

 Ni ne ɗan hayin banki kawo gaba ɗaya

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Jagora: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.

 

Amshi: Yau Najeriya Riƙo sai mai gaskiya

 Sannu Buhari Kai Muke So Najeriya.