Shin Mace Mai Ciki Za Ta Iya Yin Jinin Al'ada?

𝐓𝐀𝐌𝐁𝐀𝐘𝐀❓

Shin Mace Mai-Ciki za ta iya yin Jinin-Al'ada ko batayi? Sannan a Shari'ance meye hukuncin wannan jinin in taga ya zo mata??

𝐀𝐌𝐒𝐀❗

Alal-Haƙiƙa Malamai sun yi Saɓani tun adacan harkuma zuwa wannan zamani damuke cikinsa, dangane da hukuncin jinin da Mace Mai-Ciki za ta gani, ansamu maganganun Malamai kamar Ƙauli-2 dangane da wannan Mas'ala.

1. Ƙauli nafarko shi ne, Malaman da ke Mazhabin MALIKIYYA da SHAFI'IYYA, da kuma irin su Shaykhul-Islam-Ibn-Taimiyya tareda Shaykh-Salihul-Usaimin, Sunaganin cewa Mace Mai-Ciki tana iya yin Jinin-Al'ada, daga cikin Dalilansu sunkafa Hujja dacewa antambayi A'isha-Matar-Mαиzoи Aʟʟαн( Sallallahu Alaihi Wasallam) cewa idan Mace Mai-Ciki taga jini ya za ta yi? Sai tace za ta dena Sallah harsai taga jinin yaɗauke, kuma suka ce a Babin-Al'ada Mace tafi Namiji ƙwarewa aharkar domin ita daga jikinta jinin yake fita Saɓanin Namiji, Sannan kuma suka ce A'isha tafaɗi wannan maganane agaban wasu daga cikin Sahabbai kuma babu wanda ya yimata Inkari (musu) akan hakan, danhaka suka ce idan Mace Mai-Ciki taga jini to in dai har jinin ya zo matane adaidai lokacin da tasaba Jinin-Al'ada yana zuwa mata Sannan kuma ya yi adadin kwanakin da tasaba yana yi yaɗauke suka ce to Jinin-Hailane, ko kuma ya kasance jinin ya zone da irin Siffar Jinin-Haila kamar yadda Aηηαвι( Sallallahu Alaihi Wasallam) yake cewa:

" ﺇﻥ ﺩﻡَ ﺍﻟﺤﻴﺾ ﺃﺳﻮﺩ ﻳﻌﺮَﻑ "

MA'ANA: Lallai Jinin-Haila baƙine kamar yadda akasanshi.

Danhaka Jinin-Haila yakanzo da Siffofi kamar haka: Launin-Baƙi-Baƙi, Mai-Kauri, Mai-Ƙarni, sannan kuma galibi Mace takanji wasu alamu kafin jinin ya fita, danhaka ke nan in dai Mace taga waɗanna Siffofi to Jinin-Hailane ya zo mata ko da kuwa tana da ciki.

2. Ƙauli nabiyu kuma shi ne, Malaman da ke Mazhabobin HANAFIYYA da kuma HANABILA da mafi yawa daga cikin Malamai Ahlul-Ilmi, suna ganin cewa babu yadda za'ayi a ce Mace Mai-Ciki ta yi Jinin-Haila, daga cikin Dalilansu sunkafa Hujja da wata ruwayar da'aka sake samu daga wajen ita A'isha ɗindai tana cewa idan Mace Mai-Ciki taga jini to kawai za taci gaba dayin Sallartane, Sai wannan yanuna cewa ashe Sahabbai ba su yi Ijma'i akan wannan Mas'alarba kamar yadda wasu suka faɗa, Sannan suka sake kafa Hujja da Hadisin da Mαиzoи Aʟʟαн ( Sallallahu Alaihi Wasallam) ya ce da Umar-Ɗan-Kaɗɗab lokacin da ɗansa Abdullahi-Ɗan-Umar yasaki Matarsa tana cikin Jinin-Haila, sai Aηηαвι( Sallallahu Alaihi Wasallam) ya ce da Umar-Ɗan-Kaɗɗab:

" ﻣﺮﻩ ﻓﻠﻴﺮﺍﺟﻌﻬﺎ ﺛﻢ ﻟﻴﻄﻠﻘﻬﺎ ﻃﺎﻫﺮﺍ ﺃﻭ ﺣﺎﻣﻼ ، "

MA'ANA: (Ya kai Umar) ka umarceshi (Abdullahi-Ɗan-Umar) dacewa yadawo da'ita (harsai ta yi tsarki) Sannan daga baya inyaso sai yaketa (amatsayin) mai tsarki ko kuma mai ciki.

Da kuma Hadisin da Aηηαвι( Sallallahu Alaihi Wasallam) Yake cewa:

" ﻻ ﺗُﻮﻃَﺄُ ﺣَﺎﻣِﻞٌ ﺣَﺘَّﻰ ﺗَﻀَﻊَ ، ﻭَﻻ ﻏَﻴْﺮُ ﺫَﺍﺕِ ﺣَﻤْﻞٍ ﺣَﺘَّﻰ ﺗَﺤِﻴﺾَ ﺣَﻴْﻀَﺔً، "

MA'ANA: ba a saduwa da (baiwar da aka ribaceta awajen yaƙi) idan tana da ciki harsai in ta haife abin da ke cikinta, hakanan ba a saduwa da (baiwar da akasayeta) wacce ba ta da ciki harsai anjira ta yi (istibra'i) da zuwan jinin haila sau ɗaya.

Sannan kuma suka ce Shari'a ta sanya a yi Istibra'ine ta hanyar yin jini ɗaya, ita kuma Idda ta hanyar yin tsarki-3, amma sai aka ce ita Mace Mai-Ciki Iddarta shi ne tahaife abin da ke cikintane kawai kamar yadda Aʟʟαн( ﷻ) Yake cewa:

" ﻭَﺃُﻭﻟَﺎﺕُ ﺍﻟْﺄَﺣْﻤَﺎﻝِ ﺃَﺟَﻠُﻬُﻦَّ ﺃَﻥ ﻳَﻀَﻌْﻦَ ﺣَﻤْﻠَﻬُﻦَّ "

MA'ANA: (Matan) dasuke da ciki sukuma Iddarsu shi ne lokacin dasuka haife abin da ke cikinsu.

Sannan kuma Malamai suka ce ai Mace tana iya gane cewa tasamu cikine tahanyar yankewar Jinin-Hailarta, kuma da a ce Mai-Ciki tana Jinin-Haila, to da itama sai yazama hukuncinta ya zo daidai da waɗanda basu da ciki ya yin da aka sakesu, kuma kowa yasani cewa idan akasaki Mace da ciki ko da ta yi Jini-3 ba zai yiwu a ce shi ke nan taƙare iddartaba, dole sai in ta haihaife abin da ke cikinta sannan taƙare Iddarta.

Bayagahaka kuma suka ce asali dama jini yana fitowane daga mahaifar Mace a sakamakon cewa bakomai a cikin mahaifar, to amma daga lokacin da Mace tasamu ciki gaba ɗaya wannan jinin antoshe masa wurin zamansa a mahaifar, kuma har ilayau wannan jinin shi ne za'amayar yazama abincin shi wannan Ɗan-Tayin da ke cikin mahaifar ita wannan Mata.

Wannan shi ne bayani aɓangaren abin da yashafi Shari'a ke nan, amma aɓangaren abin da yashafi kiwon lafiya abisaga bincike na Likitanci gaba ɗayan Likitoci sun yi Ijma'i akancewa abu ne dayake mai matuƙar wahala aga Mai-Ciki ta yi Jinin-Haila, danhaka Malamai suka ce idan Mai-Ciki taga jini ya zo mata, to idan jinin ya zone kafin ta haihu da kwana-2 ko 3, to wannan Jinin-Haihuwane, amma idan Mai-Ciki taga jini kuma ba daf da haihuwa ya zoba to kawai na cutane, amma ba Jinin-Haila ba ne, danhaka za taci gaba ne dayin dukkan wata Ibadabarta.

Ko Shakka babu cewa wannan maganar tafi inganci kamar yadda mafi yawa daga cikin Malamai suka rinjayar da Ƙaulin cewa Mace-Mai-Ciki ba ta Jinin-Al'ada.

шαʟʟαнυ-тα'αʟα α'αʟαмυ

Doмυп пεмαп ƙαяıп вαчαпı sαı αdυвα шαɗαппαп ʟıтαттαғαı καмαя нακα:

" ﺍﻹﺧﺘﺒﺎﺭﺍﺕ " ‏( ﺹ 30 ‏)

" ﺷﺮﺡ ﺍﻟﻤﻤﺘﻊ " ‏( 1/469 ‏)

" ﺗﻨﻘﻴﺢ ﺍﻟﺘﺤﻘﻴﻖ " ‏( 1/414 ‏)

" ﺍَﻟْﻤُﻐْﻨِﻰ ﻟِﺈِﺑْﻦِ ﻗُﺪَﺍﻣَﺔ " ‏( 1/262 ‏)

AMSAWA

Mυѕтαρнα Uѕмαи

08032531505

Zauren Fatawoyi Bisa Alkur'ani Da Sunnah. Ku kasance damu cikin wannan group domin Fadakarwa...

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.