Mijina dan Caca Ne - Bet9ja

Mijina Ɗan Caca Ne (Bet9ja)

𝐓𝐀𝐌𝐁𝐀𝐘𝐀❓

Assalamu alaikum. Dan Allah mijina yana yin bet9ja wato chacha, ko za aban shawara?

𝐀𝐌𝐒𝐀❗️

wa alaikumussalam... Bet9ja wata caca ce Wadda Yahudawa suka kirkira Don cin dukiyar al'umma ta hanyar barna. Ana yin Wannan wasa ta hanyar Kowa ya zuba kuɗi ya tura sa'annan ya canki sa'a ga Dukkan kungiyar kwallon kafan da yake ganin za ta yi nasara a Wannan wasa. Saboda Haka Bet9ja ya ɗauki Hukuncin "CACA"

Yahudawa sun yi alkawarin cewa ba su Taɓa yarda da musulmi ba har Sai ya bi aqeedar su Kamar yadda Nassi ya nuna a Cikin Suratul Baqara... Kuma shaiɗan ya jefa mummunar aqeeda ta waɗannan Yahudawa a Cikin zukatan wasu masu raunin Imani Daga Cikin musulmai.

ALLAH ya Haramta caca da shan giya da bautan gumaka da Neman sa'a ta jahiliyya a Cikin Aya guda. Allah ya ce:

‏ﻳَﺎ ﺃَﻳُّﻬَﺎ ﺍﻟَّﺬِﻳﻦَ ﺁﻣَﻨُﻮﺍ ﺇِﻧَّﻤَﺎ ﺍﻟْﺨَﻤْﺮُ ﻭَﺍﻟْﻤَﻴْﺴِﺮُ ﻭَﺍﻟْﺄَﻧﺼَﺎﺏُ ﻭَﺍﻟْﺄَﺯْﻟَﺎﻡُ ﺭِﺟْﺲٌ ﻣِّﻦْ ﻋَﻤَﻞِ ﺍﻟﺸَّﻴْﻄَﺎﻥِ ﻓَﺎﺟْﺘَﻨِﺒُﻮﻩُ ﻟَﻌَﻠَّﻜُﻢْ ﺗُﻔْﻠِﺤُﻮﻥَ

Ya ku waɗanda suka yi ĩmani! Abin sani kawai, giya da caca da bautan gumaka da kiban ƙuri'a, ƙazanta ne daga aikin shaiɗan, sai ku nĩsance shi, wa la'alla ku Rabauta a gobe Alqiyama. (Suratul Maaida Aya ta 90)

‏ﺇِﻧَّﻤَﺎ ﻳُﺮِﻳﺪُ ﺍﻟﺸَّﻴْﻄَﺎﻥُ ﺃَﻥ ﻳُﻮﻗِﻊَ ﺑَﻴْﻨَﻜُﻢُ ﺍﻟْﻌَﺪَﺍﻭَﺓَ ﻭَﺍﻟْﺒَﻐْﻀَﺎﺀَ ﻓِﻲ ﺍﻟْﺨَﻤْﺮِ ﻭَﺍﻟْﻤَﻴْﺴِﺮِ ﻭَﻳَﺼُﺪَّﻛُﻢْ ﻋَﻦ ﺫِﻛْﺮِ ﺍﻟﻠَّﻪِ ﻭَﻋَﻦِ ﺍﻟﺼَّﻠَﺎﺓِ ۖ ﻓَﻬَﻞْ ﺃَﻧﺘُﻢ ﻣُّﻨﺘَﻬُﻮﻥ

Abin sani kawaĩ Shaiɗan yana nufin ya aukar da adawa da ƙeta a tsakaninku, a cikin giya da caca, kuma ya kange ku daga ambaton Allah, kuma daga sallah. To, shin, kun Yarda cewa Zaku daina? (Suratul Maaida Aya ta 91)

Kafin wannan Ayan ta sauka, Yawanci sahabbai ba su daina shan giya ba, Amma da Allah ya saukar da wannan Ayan sayyidina Umar (R.A) ya ce: Mun daina! Mun daina!! Mun daina!!

Kuma faɗin Ayan na Kara nuna muna cewa: Lallai giya da caca Babu abunda suke haifarwa a Cikin mutane face kiyayya da gaba. Saboda Dukkan Wanda ya zuba kuɗin sa kuma bai ci ba Toh lallai akwai wani Kunci tattare dashi. Lallai caca Tana Hana mutum ambaton Allah da Sallah. Saboda a Cikin caca akwai zaman banza Wanda Babu alkhairi a tattare dashi, shaiɗan yana Gurata ma mutum ya zauna Kada ya damu da duk wani ibada.

Caca Tana haifar da masifa da zaman banza a Cikin Al'umma ta yanda mutum yana zaune kawai yaji kuɗi sun shigo masa ba tare da yayi aikin komai ba. hakan zai iya haifarwa masa da yin sata ko fashi da makami.

WALLAHU A'ALAM

Zauren Fatawoyi Bisa Alkur'ani Da Sunnah. Ku kasance Damu...

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.