Wakar Yari Danbangi: Amali Sabubu (Daga Ratayen Littafin Cimakar Hausawa)

 Gindin Waƙa: Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

 

Jagora: Yari Danbaggi,

            Rana ba ta sa ka rama,

            Ku yi noma da gaskiya.

Yara: Don Allah ku hwanshi kanku,

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

Jagora: Yaro irin Amina Ɗan Maigujiya na sha ɗari,

Yara: Gyaɗo mai kashin marake,

Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

 

Yaro: Don Ɗanbagge nit taho,

Yara: Don Ɗanbagge za ni wasa.

 

Jagora: Baicin ke Ɗanbagge,

Yara: Raggo ba ya shan duman ga,

Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

 

Jagora: Batun yau da nuj ji labarin ka arme maza,

Yara: Ka tcere ma shaci tcimbo,

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

 

Jagora: Ku yi noma da gaskiya,

Yara: Don Allah ku hwanshi kanku,

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

 

Jagora: In dai ‘yab Buhari ta,

Yara: Kowa ba bari takai ba.

 

Jagora: In dai ‘yab Buhari ce,

Yara: Kowa ba bari takai ba.

 

Jagora: Yunwa ta taho da gorori ta iske maza,

            Duk ƙaton da taƙƙuma ga wuya sai a shantale,

Yara: Shi ya hurce Kwantagora.

 

Jagora: Sannan ta waiwayo,

Yara: Ta ga ƙaton da bai ɗaga ba.

 

Jagora: In taƙƙumai bugu,

Yara: Wajjen yamma za ya sauka,

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

 

Jagora: Sannan ta jirkito,

Yara: Ta ga ƙaton da bai ɗaga ba,

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama. ×2

 

Jagora: Sannan ta waiwayo,

Yara: Ta ga ƙaton da bai ɗaga ba.

 

Jagora: In taƙƙumai bugu,

Yara: Wajjen yamma za ya sauka.

 

Jagora: Ga hwa kudun ana tayi,

Yara: Amma ba a yin arewa. ×2

 

Jagora: Han na arwa sun biyo hanya sun ɓata ƙasam

Yara: Sai shayi sukai na gaske.

 

Jagora: Na arewa sun biyo hanya sun ɓata ƙasa,

Yara: Sai shayi sukai na gaske,

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

 

Jagora: Ni dai ban san na gaske ba,

Yara: Sai na sa dawo ga baki. ×2

 

Jagora: Kowac ce na gaske ne,

Yara: In dai ba dawo ba ƙyale. ×2

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

Jagora: Ko Guguwa a ad da ƙuli na ga ta sayas,

Yara: Ta bam mai na gaske zamne. ×2

Jagora: Ko Hadiza Amali na ga ta bugo hwanke,

            Na ga ta sayas,

Yara: Ta bam mai na gaske zamne,

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

 

Jagora: Hashimu ya taho da rogo na iske ya sayas,

Yara: Ya bam mai na gaske na nan.

 

Jagora: Malam Abdu ya sayas,

Yara: Ya bam mai na gaske zamne,

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

 

Jagora: Kuma Mairamu ta sayas,

Yara: Ta bam mai na gaske zamne.

 

Jagora: To ƙarya ba na gaske na ba,

Yara: To ƙarya ba na gaske ne ba.

 

Jagora: Shi ya ce na gaske ne,

Yara: Kuma dai ya ƙi sha ya ƙoshi,

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

 

Jagora: Rani wanga ya yi rani,

            Ya sa maza lage,

            Tahiwa wagga ta yi nisa,

            Ta sa maza gaba,

            Yunwa wagga ta yi yunwa,

            Ta ba mu arkane,

            Ga mata da ‘yan ɗoya,

            Ka ji ƙatonta,

            Ya yi lalata ya ɓata wuri,

Yara: Ya tcere yana ta kainai,

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama.

 

Jagora: In dai macce hat tana ɗiya,

Yara: Ta hi maigida sai in ranta bai gashe ba.

 

Jagora: In ranta yai baƙi,

Yara: Ko yaƙi tana iyawa.

 

Jagora: In ranta yai baƙi,

Yara: Ko yaƙi tana iyawa,

            Riƙa da gaskiya,

            Rana ba ƙoshi takai ba,

            Yari Ɗanbagge,

            Noma ba ya saka rama. 

Citation (Manazartar Littafin): Sani, A-U. & Umar, H.A. (2022). Cimakar Hausawa. Kano: WT Press. ISBN: 978-978-984-562-9.

Get a copy:

To obtain a copy of this book, kindly send a WhatsApp message to:

+2348133529736

You can also write an email to:

abuubaidasani5@gmail.com