Shehu Na Bunguɗu

Citation: Bungudu, H. U. (2023). Zaɓaɓɓun waƙoƙin mawaƙan baka na noma. Ahmadu Bello University Press Ltd.

Domin samun cikakken littafi, a tuntuɓi:

Dr. Haruna Umar Bunguɗu
(Sarkin Gobir Na Bunguɗu)
Email: harunaumarbungudu@gmail.com
Phone: 08065429369

1.1.1 Shehu Na Bunguɗu

 

G/Waƙa: Koma gona ka biɗo hatci

: Mai kalme Shehu na Bunguɗu.

 

  Jagora: Za ni ga malan Shehu na Bunguɗu.

‘Y/ Amshi: Komi kac ce Daudu yi ma akai.

 

Jagora: Tahi daji banda zaman gida

‘Y/Amshi: Kowa aje damma shi ka zama kurun

 

Jagora: Ya tahi daji banda zaman gida

‘Y/ Amshi: Kowar rasa damma baya zama kurun.

: Koma gona ka biɗo hatci

: Mai kalme Shehu na Bunguɗu.

 

Jagora: Ga Dauran Garba na Amadu

‘Y/ Amshi: Rani mai bushe irin haki.

: Koma gona ka biɗo hatci

: Mai kalme Shehu na Bunguɗu.

 

 Jagora: Kowai yi muna rowa mun sani,

: Kowai yi muna kyauta mun sani.

‘Y/ Amshi: Kowa nab bamu sani mukai.

 

Jagora: Kowa yai niyyar bamu hwaɗi mukai

‘Y/ Amshi: Kowai niyyab bamu hwaɗi mukai.

: Koma gona ka biɗo hatci

: Mai kalme Shehu na Bunguɗu.

.

Jagora: Za ni ga malan Shehu na Bunguɗu.x2

‘Y/ Amshi: Komi kac ce Daudu yi ma yakai.x2

: Koma gona ka biɗo hatci

: Mai kalme Shehu na Bunguɗu.

 

Jagora: Sani Mahwara ban rena ma ba,

‘Y/ Amshi: Ga alheri wanda yakai muna,

: Albarkas Shehu na Bunguɗu.

 

Jagora: Sani Mahwara na halin girma,

‘Y/ Amshi: Ga alheri wanda yakai mana,

: Albarkas Shehu na Bunguɗu.

 

Jagora: Tahi gona banda zaman gida,

‘Y/ Amshi: Yanzu ga aiki dole saki sukai.

Jagora: Ya tahi daji baya zaman gida,

‘Y/ Amshi: Yanzu ga aiki dole saki sukai.

: Koma gona ka biɗo hatci

: Mai kalme Shehu na Bunguɗu.

 

Jagora: Ko ana hwari bamu bak ka zama ba.x2

 ‘Y/ Amshi: Ko hwari akai duƙa ka ta noma,x2

: Yanzu ga aiki dole saki sukai,

 

  Jagora: Zani ga malan Shehu na Bunguɗu.x2

‘Y/ Amshi: Komi kac ce Daudu yi ma yakai.x2

: Koma gona ka biɗo hatci

: Mai kalme Shehu na Bunguɗu.

 

Jagora: Yara ku ja kaya mu yi Bunguɗu.x2

‘Y/ Amshi: Am ce malan Shehu yana kira.x2

: Koma gona ka biɗo hatci

: Mai kalme Shehu na Bunguɗu.

 

Jagora: Ya aje dawa ya aje gero.x2

‘Y/ Amshi: Ya aje naira Shehu na Bunguɗu.x2

 

Jagora: Gaya da kuɗɗi gaya da kyawo.x2

‘Y/ Amshi: Gaya da ilmi Shehu na Bunguɗu.x2

: Koma gona ka biɗo hatci

: Mai kalme Shehu na Bunguɗu.

 

Jagora: Waɗan Maru su da waɗan Gusau.x2

‘Y/ Amshi: Lokacin yunwa ta ƙuma, 

: Kowar rasa damma,

: Sai ya yi Bunguɗu.x2

 

Jagora: Kowar rasa damma,

: Sai ya yi Bunguɗu,

‘Y/ Amshi: Kowar rasa damma,

: Sai ya yi Bunguɗu,

: Koma gona ka biɗo hatci

: Mai kalme Shehu na Bunguɗu.

 

Jagora: Aminu Mai injin na gode.

‘Y/ Amshi: Alheri wanda yakai mana,

: Albarkar Shehu na Bunguɗu.

 

Jagora: Malan Aminu Mai injin na gode.

‘Y/ Amshi: Alheri wanda yakai mana,

: Albarkar Shehu na Bunguɗu.

: Koma gona ka biɗo hatci

: Mai kalme Shehu na Bunguɗu.

 

  Jagora: Tahi gona Shehu na Bunguɗu.

‘Y/ Amshi: Ka aje damma Shehu na Bunguɗu,

: Koma gona ka biɗo hatci

: Mai kalme Shehu na Bunguɗu.

 

Jagora: Malan Aminu Mai injin na gode.

‘Y/ Amshi: Don alheri wanda yakai mani,

: Albarkar[1] Shehu na Bunguɗu.

: Koma gona ka biɗo hatci

: Mai kalme Shehu na Bunguɗu.

 

Jagora: Yara mu ja kaya[2] mu yi Bunguɗu.x2

‘Y/ Amshi: Am ce malan Shehu yana kira.x2

: Koma gona ka biɗo hatci

: Mai kalme Shehu na Bunguɗu.

 

Jagora: Zani gidanai Shehu na Bunguɗu.x2

‘Y/ Amshi: Komi kac ce Daudu yi ma yakai.x2

 

Jagora: Damana da rani ba ya zama gida.x2

‘Y/ Amshi: Ya riƙe aiki Shehu na Bunguɗu.x2

 

Jagora: Kullun[3].x2

‘Y/ Amshi: Ya riƙe aiki Shehu na Bunguɗu.

: Koma gona ka biɗo hatci

: Mai kalme Shehu na Bunguɗu.

 

  Jagora: In ya tahi gona Shehu na Bunguɗu.x2

‘Y/ Amshi: Sai in sallah ta isa zaya yi.

: Koma gona ka biɗo hatci

: Mai kalme Shehu na Bunguɗu.

---

[1]  Saboda/domin ƙauna.

[2]  Kayan kiɗi.

[3]  Kowace rana.