1. Mai bunu ɗaure ƙugu,
Ba ya kai ɗaukin waninsa.
2. Duk mai matsala gidansa,
To ya fara kula da kansa.
3. Shsshigi ne cusa kai ne,
Ya zaƙewa maƙociyarsa.
4. Cewa zai gyara nata,
Bayan ya kasa nasa.
5. Mai ‘ya’yayensa titi,
Gyara nasu wajibinsa.
6. Ai halin zakara daban ne,
Tsabarsa ya ba waninsa.
7. Wai shi domin ya birge,
Sai ya sa tsakuwa gabansa.
8. Wane domin dai a tafa,
Zai kunna wuta gidansa.
9. Don ya birgi ‘yan tamore,
Zai fatattaki ‘yan uwansa.
10. Zai ƙulla faɗa da yaki,
Don a ce mas ba kamarsa.
11. E, don su yaba su tafa,
Ko su ce masa ba kamarsa.
12. Bai sani ba ya cuci nasa,
Shi ya karya maƙotacinsa.
13. Da tunani yai ya duba,
Sai ya kau da wutar gabansa.
By:
Murtala Uba Mohammed
11/08/2023
6:09 ny
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.