5.24 Babana Ya Saya Min Ƙwallo
Wannan ma wasa ne na yara maza. An fi gudanar da shi lokacin damina, yayin da ƙasa ke da damshi. Yara masu ƙarancin shekaru ke yin sa, waɗanda ba su wuce shekaru shida zuwa ƙasa ba. Sannan babu wani wuri da aka keɓe domin wasan. Dangane da lokacin wasa kuwa, an fi gudanar da shi da hantsi ko da yamma. Ba a wasan da dare. Kayan aikin da ake buƙata domin wannan wasa shi ne ƙasa.
5.24.1 Yadda Ake Wasa
Akan yi amfani da ƙasa mai damshi yayin gudanar da wannan wasa. Yaro zai tara ƙasa ya mulmula ta wuri guda ta zama tamkar ƙwallo. Daga nan sai ya ɗauke ta a hannu, ya kuma ce:
“Babana ya saya mini ƙwallo ya ce kada na buga sai gobe da safe. Gobe da safe ta yi.”
Daga nan kuma zai jefa ƙasar sama kaɗan, sannan ya buga ta da ƙafa. Nan da dan za ta watse.
5.24.2 Tsokaci
Wannan wasa ne da ke samar da nishaɗi ga yara. Sanan yana nuni zuwa ga biyayyar yara ga iyayensu. Domin ga shi mai ƙwallo bai buga ba sai lokacin da babansa ya ba shi damar bugawa.
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.