Falalar Kwanaki Goma Na Farkon Watan Dhul Hijja Tare Da Tambayoyi Game Da Kwanakin Zul-Hajji

🔸Babu wasu kwanaki a duniya da suka kai falalar  kwanaki goma na farkon watan Dhul Hijja, in ban da dararen goman karshe na watan Ramadhan, kamar yadda wasu malamai suka ce.

🔸Aikin alheri a cikin su ya fi soyuwa, falala da girman lada a wurin Allah سبحانه وتعالى. Saboda haka su ne kwanakin da suka fi dukkanin kwanakin shekara falala

🔸 Annabi صلى الله عليه وسلم ya yi umarni a yawaita yin kabbara (Allahu Akbar) da Hailala (Là'ilàha illallah) da Hamdala (Alhamdulillah) a cikin wadannan kwanaki masu albarka.

🔸 Ana so a fara yin kabbara tun daga ranar farko na watan Dhul Hijja. Ana so a dinga yi a masallatai, a cikin gida, a kasuwanni, a kan hanya, a kitchen da sauran su. Ana so a yi shi a ko da yaushe. Ana so kuma a yi shi a bayyane.

🔸 Wadannan kwanaki goma masu albarka suna da girma a wajen Allah سبحانه وتعالى ya kamata mu yi farin ciki da zuwan su, mu ribaci alkhairan da suke cikin su, mu rayasu da nau'ikan ibada, mu tuba, mu koma ga Allah سبحانه وتعالى.

🔸 Aikin alheri ya ƙunshi duk abin da Allah سبحانه وتعالى yake so kuma ya yarda da shi. Saboda haka mu fuskanci wadannan kwanaki da yawaita yin nafilfili, azumi, karatun Alqur'ani, zikiri da sauran su.

🔸 Kada mu manta cewa shigar da farin ciki a zuciyar musulmi yana cikin mafi soyuwar aiki a wurin Allah سبحانه وتعالى balle a cikin wadannan kwanaki masu alfarma.

Allah سبحانه وتعالى ya nufe mu da aikata abin da yake so, kuma ya yarda da shi. Allah سبحانه وتعالى ya sa kuma ya zama karbabbe a wajensa cikin rahmarsa.

Copied.

Hukuncin Azumi Goma A Farkon Zul-Hijja

𝐓𝐀𝐌𝐁𝐀𝐘𝐀❓

Assalam alaikum Dan Allah mlm mene ne ingancin azumi Guda goma da ake a watan zulhijja?

𝐀𝐌𝐒𝐀❗️

Wa'alaikumassalam, Hadisi ya tabbata a Sunan Annasa'i: Annabi (Sallallahu Alaihi Wasallam) ya kasance yana azumtar kwanaki tara na farkon Zul-hijja. Ba a azumtar rana ta goma saboda ita ce ranar sallah, Annabi (Sallallahu Alaihi Wasallam) ya haramta azumtar ranar sallah a hadisin da babban sahabi Umar ya rawaito.    

Allah ne mafi sani.

Amsawa: Dr Jamilu Zarewa.

Zauren Fatawoyi Bisa Alkur'ani Da Sunnah. Ku kasance damu cikin wannan group domin Fadakarwa...

HUKUNCIN RAMUWA AZUMIN RAMADAN A GOMAN FARKON WATAN ZUL-HIJJA:

𝐓𝐀𝐌𝐁𝐀𝐘𝐀❓

Assalamu alaikum Shin ko zan iya yin azumin ramuwa acikin kwanaki goman farko na watan zulhajji?

𝐀𝐌𝐒𝐀❗️

Wa'alaikumusalam warahmatallahi wabarakatuh

Toh aidama shi wanda ake binsa azumin ramadan cewa akayi ya ramasu a wasu kwanaki na daban wanda kuma kwanaki goman farkon zulhijja suma suna cikin jerin kwanaki na daban sannan kuma dama ai cewa akayi araya waɗannan kwanakin dayin ayyukan alheri toh seki duba kiga shin rama azumin naki aikin alherine kokuwa sharrine? Idan alherine toh ya halasta ki rama sannan kuma kuskurenema babba ga wadda ake binta bashin azumin taje kuma tana raya kwanakin dayin wasu azumin nafila wannan kuskurene babba, abunda yafi dacewa shi ne a yi azumin ramuwar abaryin nafila ɗin.

WALLAHU A'ALAM

Zauren Fatawoyi Bisa Alkur'ani Da Sunnah. Ku kasance damu cikin wannan group domin Fadakarwa...

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.