Ga
Yadda Tsayuwar Jinjirin Watan SHAWWAL (1444AH) zai kasance cikin ikon Allah.
Daga
Adamu Ya'u Dan America
Idan ba ku manta ba a cikin
posting din da na yi muku a wancan shekara
a kan ɗaukar
Azumin bana na nuna muku cewa bana Azumi_29 ne za a iya samu, dalilai da yasa na Fadi hakan suna cikin Wannan
posting din, saboda haka sai kun daure kun karanta duka, saboda zaku fita daga
duhu akan abubuwa da dama, musamman akan shin wani lokacin Watan ne ake gani da
gaske? ko kuma ana yadda da wandanda suka ce sunga Watan ne kawai?
Bari mu fara da Kasar Saudiyya
Wanda sune Rana zai riga Faduwa kafin Nigeria.
A takaice Kasar_Saudiyya Za su
iya Ganin Jinjirin Watan Shawwal da Telescope 🔭 nasu a
ranar Alhamis mai zuwa (20/04/2023) idan akwai yanayi mai kyau, saboda bayan
Faduwar Rana Hasken Jinjirin Watan Shawwal zai Kasance (0.3%) a Kasar Saudiyya,
saboda a (0.1%) ma sun taba bada Sanarwan cewa sun ga Jinjirin Wata da
Telescope 🔭 nasu, kun ga kenan indai akwai yanayi mai
kyau a (0.3%) za sufi gani da sauki ma.
Mu dawo nan gida Nigeria kuma,
Idan Allah ya kai mu ranar
Alhamis mai zuwa (20/04/2023), wanda zai zo daidai da (29 ga Ramadan 1444AH)
wato ranar Duban_Fari kenan, Duniyar_Wata zai yi Crossing_Conjunction tsakanin
Duniyar Earth da Rana, da misalin karfe 05:12am na Asubahi agogon Nigeria,
wanda hakan shi ne Samuwar Sabon Jinjirin Wata, amma a wannan lokaci na Asubahin
babu Haske ko kadan a jikin Jinjirin Watan, wato yana (0.0%).
Kuma a wannan conjunction din
za a Samu Kisfewar_Rana a Kasashen dake Gabashin Duniya Kamar Australia, Philippines,
Indonesia da sauran su.
Amma bayan an yini zuwa Faduwar
Rana Ga Yadda Hasken Jinjirin Watan zai Kasance da kuma tsakanin Faduwar Rana
da Jinjirin Watan a Nigeria Kamar Haka;
Anan Jimeta-Yola Nigeria a
ranar Alhamis din Rana Zai Fadi da misalin Karfe 6:20pm na yamma,
Jinjirin Watan kuma zai Fadi
karfe 6:45pm na yamma, wato minti 25 tsakani.
A Jihar Sokoto Rana zai Fadi
karfe 6:52pm, Jinjirin Watan kuma zai Fadi karfe 7:19pm na yamma, minti 27
tsakani.
A Jihar Kano Rana zai Fadi
karfe 6:38pm, Jinjirin Watan kuma zai Fadi karfe 7:04pm na yamma, minti 26
tsakani.
A Potiskum Rana zai Fadi karfe
6:25 pm, Jinjirin Watan kuma zai Fadi karfe 6:51pm na yamma, minti 26
tsakani
A Abuja Rana zai Fadi karfe
6:39pm, Jinjirin Watan kuma zai Fadi karfe 7:05pm na yanmma, minti 26 tsakani.
A Lagos Rana zai Fadi karfe
6:54pm, Jinjirin Watan kuma zai Fadi karfe 7:20pm na yamma minti 26 tsakani
A Port Harcourt Rana zai fadi
karfe 6:38pm, Jinjirin Watan kuma zai Fadi karfe 7:03pm na yamma, minti 25
tsakani.
A Bayelsa-Yenagoa Rana zai Fadi
karfe 6:41pm, Jinjirin Watan kuma zai Fadi karfe 7:06pm na yamma, minti 25
tsakani.
A Kaduna Rana zai fadi karfe
6:41pm, Jinjirin Watan kuma zai Fadi karfe 7:07pm na yamma, minti 26 tsakani,
Da sauran su.
Daga lokacin da Watan yayi Conjunction
zuwa faduwar rana a Nigeria Musamman a Jihar da rana Zai Fadi a karshe wato Lagos,
Watan zai samu Awa 13 da mintuna 42 daga yin conjunction, a lokacin kuma Hasken
da zai bayyana ajikin Watan zai kasance (0.4%) kun ga Hasken Jinjirin Watan zai
karu da digo 1 akan na Saudiyya, Sannan bayan Faduwar Rana watan zai yi mintuna
daga 25, 26, zuwa 27 ne kafin ya fadi a bisa yanayin faduwar rana a Mabanbantar
Jihohin Nigeria, hakan na nuna cewa idon Dan_Adam ba zai iya Ganin_Jinjirin_Watan
a ranar Alhamis ba, a duk fadin Nigeria, ko da akwai yanayi mai kyau, sai dai
da da na'urar Telescope 🔭, amma duk da haka za a Samu wasu da za
suyi ikirarin cewa sun ga Jinjirin Watan a Garuruwa Daban-Daban, Saboda indai a
Nigeria ne, ko ranar 20 ga Watan Ramadan ne aka ce a fita Duban Jinjirin Watan
Shawwal sai an samu Wanda za su ce sunga Jinjirin Watan, ballentana kuma ace
akwai Jinjirin Watan kawai yayi Matukar Kankanta ne kawai yadda ido ba zai iya
gani ba sai dai da Telescope 🔭.
Saboda Awannin da Watan yayi da
kuma Hasken da yake jikin Watan bai kai yadda idon Dan Adam zai iya gani ba, ko
akwai yanayi mai kyau, Saboda sai an samu akalla Awa 15 da mintuna 42 zuwa Awa
18 bayan Conjunction din, kafin Jinjirin Wata ya samu Hasken da zai kai daga
(0.6%) zuwa sama da hakan, a (0.6%)din ma sai Nisan Watan da Duniya yana kusa
sannan idan an hada da na'urar wanda zai nuna location din da watan yake kafin
sannan idon Dan Adam zai iya ganin Jinjirin Wata a (0.6%) din.
Sannan sai an samu akalla
mintuna 35 zuwa 40 tsakanin Faduwar rana da Faduwar Wata Kafin idon Dan Adam
zai iya Ganin Jinjirin Wata.
Amma a Washe gari ranar Jumma'a
(21/04/2023) bayan Faduwar Rana idan akwai Yanayi mai kyau Ma'ana idan babu Hadari
ko Gajimare ko Hazo_Hazo za'a iya ganin Jinjirin Watan da idon Dan Adam cikin
sauki, Saboda a Wannan lokacin Jinjirin Watan zai samu Awa 34 da mintuna 14
anan Jimeta-Yola, a wasu jihohin zai kai Awa 37 da mintuna zuwa 8 har zuwa 52,
daga yin Conjunction.
Hasken da zai bayyana a jikin
Watan zai kasance daga (3.0%) zuwa (3.2%).
Sannan a wannan rana na Jumma'a
bayan faduwar Rana Watan zai kai Awa 1 da mintuna 20 Kafin ya Fadi.
A ranar duban fari din idan
Majalisar Koli ta Addinin_Musulunci Karkashin Jagorancin mai Alfarma_Sarkin_Musulmi
ta Amince da Ganin Jinjirin Watan a Maraichen ranar Alhamis (20/04/2023) hakan
zai sa washegari ranar Jumma'a (21/04/2023) zai Kasance 1 ga Shawwal a Nigeria,
kuma mafi yawanci a irin Wannan yanayin Majalisar mai Alfarma sarkin Musulmi
tana Amincewa da Ganin Jinjirin Watan musamman ma idan Saudiyya sun sanar da
nasu ganin Jinjirin Watan, saboda akwai Jinjirin Watan a sama bayan Faduwar
Rana a wannan rana na Alhamis.
Sannan yanayi na Wannan Shekara
ya banbanta da na shekaru uku da suka gabata wanda aka cika Azumi 30, Saboda a
wanchan lokutan babu Jinjirin Wata a sama Bayan Faduwar rana a ranar Duban
Fari, shi yasa a wanchan lokutan ko mutun Dubu ne suka ce sun ga Jinjirin Watan
ba za'a Amince ba.
Saboda Wadannan dalilai ne yasa
nace bana Azumi 29 za mu samu.
Ga Hotunan Yadda Tsayuwar
Jinjirin Watan zai kasance bayan Faduwar Rana.
Hoto na farko a ranar Alhamis
kenan (20/04/2023) Yadda Jinjirin Watan Hasken sa yana (0.4%) a Nigeria yayi
matukar kankanta, nayi misali da Faduwar rana a anan Jimeta-Yola, da sauran
dalilan dana bayyana muku a baya, shi yasa idon Dan Adam ba zai iya gani ba,
amma duk da haka za a samu Wanda za suce sun gani, kuma za a amince da ganin su
din.
Hoto na biyu a ranar Jumma'a
kenan (21/05/2023) Yadda Hasken Watan yana (3.0%) Yadda za a iya gani cikin
sauki, amma idan akwai yanayi mai kyau a inda ka ke, kuma za a ganshi da Girma.
Da fatan Allah ya sa mu dace.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.