Wannan na ɗaya daga cikin jerin waƙoƙin Malam Khalid Imam da a kullum suke faɗakarwa da ilimantarwa da nishaɗantarwa. Yana taɓo fannoni daban-daban a cikin waƙoƙinsa, ciki har da abubuwan da suka shafi lamuran yau da kullum.
Yau ga Ramadana ya zo,
Dausayin rahama da tuba,
Mai rabon baya sakewa,
Yai ta bacci ibada.
Ramadana watan farauta,
Maharbi ba shi bacci,
Ya ce zai kama giwa,
Sai yai himma da naci.
Watan naci da himma,
Watan zikiri da salla,
Al'kur'ani karimi,
Karanta ɗan uwana.
Ramadana watan salati,
Sadaka kyauta ka dage,
Ko da tsagin dabino,
Bayar domin Razzaƙu.
Leda ta ruwa ka shayar,
Allah Zai ba ka lada,
Kason azumi ka samu,
Mai ciyarwa na rabauta.
Dangi zaga ku gaisa,
Kai zumunci ɗan uwana,
Gaba kar kai da kowa,
Ba shakka zaka dace.
Malam Khalid Imam
08027796140
khalidimam2002@gmail.com
14/03/2023
%20Nigeria.png)
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.