Daga taskar sha’iri Sa’adu Malam Auwal, (ÆŠanhausa, Zadawa)
Babbar Rana
Sa'adu Malam Auwal
(ÆŠan Hausa Zadawa)
1.
Farko na saka
sunan Allah
Wanda yai yo
komai jumla
Rabbana ka
tsare duk illa
Yarda in tsaro
waƙena.
2.
Rabbana tsira
da aminci
Ƙara
ninkowa ga maceci
Shugaban nan
mai adalci
Har da Ahlayen
Manzona.
3.
Wassu baitoci
na tsara
Ga shi na zo
don in rera
Ga wagga rana
da ta yi zarra
Juma'a Hajji
babbar rana.
4.
Dole ne in cire
takalma
Na iso fadar
mai kima
Gaisuwar ladabi
zan yi ma
Shehi,
Farfesanmu gwanina.
5.
Sannu Farfesa
Zulyadaini
Babu shakka ka
wuce raini
Shehi ka zamto
min tsani
Yarda in tsaro
waƙena.
6.
'Yan uwa
barkanmu da yamma
Ran ziyara duk
mui himma
Juma'a kan zo
da ganima
Kar a bar mu a
baya zumaina.
7.
Nai kiran yaro
har babba
Zantukana dukka
mu duba
Mui ziyara za
mu ci riba
'Yan uwa mu ƙaunaci
juna.
8.
Juma'a babbar
rana ce
Babu shakka duk
ta zarce
Ranaku maganata
sak ce
Na tuno a cikin
Ƙur'ana.
9.
Suratul
Jumu'ati akwai ta
Kan izu na
biyar dubo ta
Yusabbihu ayar
farkonta
Akwai batu da
yawa ik'wana.
10.
Juma'ar da nake
ta bayani
Ciki aka saukar
Ƙur'ani
Ita ce kuma
yaumud dini
Lahira kenan a
batuna.
11.
Juma'a ranar
taro ne
Duk Musulmi ba
wani wane
Karkara kake ko
birni ne
Don a yi bautar
Rabbana.
12.
Na ji in ka
rasu a cikinta
Juma'ar nan ko
kwa darenta
Tambayarka akan
É—auke ta
Malamai sun
mana bayana.
13.
'Yan uwa in mun
idda sallar
Juma'a kar mui
wani É—ar-dar
Je ziyara ba
wanu gar-gar
Je ka gaishe
baba da inna.
14.
To gidaje tashi
ka zaga
Ka yi ziyara ba
wata safga
Dukka dangi
naku ka ƙirga
'Yan uwan nan
Muslimuna.
15.
Zuciya É—aya ba jayayya
Babu gaba babu ƙiyayya
To ga manya mu
yi biyayya
Lahira mu shige
Aljanna.
16.
Mu riƙe danƙo na
zumunci
Gun maƙwabta
mu yi karamci
Gun marayu mu
yi halarci
Kar mu bar su
cikin ruÉ—ana.
17.
Shugabanni ku
yi adalci
Talakawa mu bar
lalaci
A kawar dukkan
zalunci
Albarkar wannan
rana.
18.
Sadaka ba wasa
malam
Bayar abu na
musamman
Rayuwa za ta yi
kyawu na'am
To ka ji É—abi'ar sunna.
19.
Ya Allah na roƙe ka
Ka kiyaye duk
bayinka
Rayuwarmu ta yo
kyau dukka
Don Annabi mai
cetona.
20.
Allah sa ranar ƙarshenmu
Ta zamo kal
hazal yaumu
Juma'at yaumul
azeemu
Ya Rabbu ajeeb
du'a'ina.
21.
To nan ne zan
dasa aya
Sa'adun nan ne
ya shirya
ÆŠan
Hausa Al-Gausiyya
Zadawa - Misau
garina.
No comments:
Post a Comment
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.