Tabbas
ƙauna
takan taimaka wajen tsare danshin soyayya a tsakanin ma'aurata na tsawon lokaci. Sai dai tambayar da za a
nemi amsarta a nan ita ce "Wace iriyar soyayyar?" Kar ka yi mamakin
wannan tambayar, domin duk mun san cewa duk lagwadar soyayyar da aka sha kafin
aure takan ƙafe
nan da nan da zarar...
Kundin
Ma'aurata - 2: Tasirin Bambancin Halitta a Zamantakewa
Baban Manar Alƙasim
Zauren
Markazus Sunnah
Allah
SW ya halicci namiji da mace ya kebe kowanne daga cikinsu da irin aikin da zai
yi gwargwadon halittarsa, koda a ce maza suna zaluntar mata wurin killace su a
cikin gida da hana su fita neman abin na kansu wanda hakan zai iya nuna cewa
zalunci ne a sarari da mazan suke yi don nuna mamaya wurin yin amfani da ƙarfin da Allan ya ba su,
amma da wani namijin zai tilasta matarsa ta riƙa fita tun safe zuwa yamma
don ta yi kafintanci, kanikanci ko leburanci ko tuƙin mota a tasha don neman
abin da za a ci a gida da sutura da sauran abin da gidan yake buƙata, ko mazan ba su yi wa junansu
magana ba, matan za su kira namijin da suna azzalumi, mara tausayi, mugu, domin
ya daura wa matarsa abin da bai dace da ita ba, a nan ba tare da wata jayayya
ba za a yi hukuncin cewa aikin da take yi ba nata ba ne, shi ya kamata ya fita
ya nemo, nata sarrafawa ne kawai, ba inda aka ce su fita tare bare a sarayar
mata da nauyin ciyar da gida, nan fa don aikin na wahala ne, ba a yi ma maganar
wanda za a yi a bakin rai ba kamar sha'anin tsaro.
.
Shi
kuwa namiji in ya sami wuri ya shantabe a gida ya zama bai neman na kansa, koda
ya dauki nauyin shara da dafa abinci a lokacin da matarsa ta fita, ya hada da
tarbiyar yaran da ta bar masa, ba za ka taba jin cewa musaya aka yi ba yanzu
ita ce maigidar, ji za ka yi ana cewa "Duk abin da take yi taimaka masa
take yi a sanadiyyar mutuwar zuciya da ya samu, shi ya sa ya yi watsi da
wajibinsa, kuma za ta yi masa gori a duk lokacin da ta ga dama don saboda halin
ko oho da ya yi da haƙƙin
da yake kansa, ko kuma jin da za ta riƙa
yi na cewa tana bayar da dukiyarta kan abin da bai zama wajibi a kanta
ba".
.
A
Ƙur'ani
dai wajen maganar Maryam AS babarta ta fadi cewa "Namiji ba kamar mace ba
ne" wato ta wajen ƙarfi,
jimiri da tsaro, ga abubuwan da suka shafi zuciya, wadanda suke da alaƙa da saurin fushi, damuwa,
sakaci da mantuwa, ko shagala, su ma in aka lura muhimman abubuwa ne da muke
yawan samun sabani a kai, in ma ba a yi wasa ba duka da saki kan iya kurdadowa
tsakaninsu, babban dalilin da ya sa mahaifammu in sun yi wa diyoyinsu ƙanana aure ba sa bari su yi nesa
da su kenan, sukansa ido a duk ma'amalolinsu sai sun sami shekara tare da su
suna cikin gandu, in sun tabbatar da za su iya riƙe gidan kafin su sake su.
.
Abin
da yake faruwa shi ne: Sau tari namijin yana so ne macen ta riƙa gudanar da al'amuranta kamar
yadda shi kansa yake, in ya gaya mata magana yana son ta aikata daidai ba tare
da kuskure ba, kuma a lokacin da ya buƙata,
wanda hakan dabi'ar namiji ce, in har ba a sami abin da ya nema ba babu ko
shakka za a sami rashin jituwa, wasu fada za su yi, wasu batanci, wasu ma har
yakan kai ga bulala, ita kuwa macen tana buƙatar maigidan ya riƙa zama a gida, yana
tarairayarta yana yi mata magana mai dadi, wannan shi ne galibin abin da matan
suke buƙata
ba wai yawan jima'i ba, in har hakan ba ta samu ba, sai ka ga ana kai ruwa
rana, ba za ta kula da ƙoƙarin da mijin yake yi na
kawo ababan masarufi ba, wadanda nemosu shi ne wajibinsa, ita tana kallon
kasancewarsa a gida kawai, da sanyaya mata rai, cikin sauƙi za ta ce aurensa bai da
amfani, ko ta nemi fita.
.
Shi
bai son kuskure, ita kuma ba ta son yawon da yake yi don kasuwanci, ko mauludin
wani waliyi, ko wa'azin ƙasa
wanda zai shafe kwanaki, komai dimbin amfanuwar da mutane za su yi da shi bai
dame ta kamar cutuwar da take yi ita kadai ba, amma fahimtar kowa a dabi'arsa
za ta rage manyan matsalolin da muke samu a aure, ita ta fahimci cewa shi
namiji ne ta riƙa
yankan masa uzuri a kowani lokaci, shi kuma ya fahimci cewa ita mace ce
rauninnan na matantaka yana tare da ita dole a yi haƙuri, sai ka ga an dade ba a
sami rigima ba, galibin ma'auratan da ka ji su shuru sun fahimci junansu ne, ba
wai babu sabani ne a tsakaninsu ba.
.
Ƙaunar Baki Ba Ta Isa
Tabbas
ƙauna
takan taimaka wajen tsare danshin soyayya a tsakanin ma'aurata na tsawon lokaci. Sai dai tambayar da za a
nemi amsarta a nan ita ce "Wace iriyar soyayyar?" Kar ka yi mamakin
wannan tambayar, domin duk mun san cewa duk lagwadar soyayyar da aka sha kafin
aure takan ƙafe
nan da nan da zarar an ɗaura
aure da wata 3-4. Wani sa'in ma ko kaiwa hakan ba a yi, da yawa in na tambayi mata
dalilin rabuwa da mazajensu sai ka ji sun ce "Wallahi na yi nadamar
aurensa da na yi, da a ce na san haka yake wallahi ba zan aure shi ba"
kenan wannan zaman fahimtar junan da bata wa juna lokaci da aka yi ta yi ba su
da wani amfani don ba sa ba mace dama ta san namiji a haƙiƙaninsa, haka kuma namijin
bai iya sanin mace a haƙiƙaninta sai an yi aure,
wannan duk sha'awa ce kawai da za ta lullube namijin ya yi ta sakin baki yana
fadin ƙarya
da gaskiya.
.
Ko
sha'awar da takan lullube macen na son jin daddadar maganarsa wace ko bayan
aure za ta yi ta tsammanin dole haka abin zai ci gaba, duk kuma wani sabani da
aka samu to raguwar soyayyar ce, tun ban yi wayau ba na sha jin uwayena suna
cewa "In aka yi aure soyayya kuma ta ƙare saura haƙuri" kenan an fassarata
da sha'awa ne, kuma an riga an biya ta, soyayya ta gaskiya tana buƙatar fahimtar juna, da sauƙaƙa wa masoyi a komai, gami da
yi wa juna hanzari, namiji ya fahimci shi namiji ne kuma wace take tare da shi
ya gane cewa ba namiji ba ce, haka ita ma macen.
.
A
tsakankanin namiji da mace akwai bambaci ta wurin magana, mace kan so a yi ta
hira, shi kuma ba kowani lokaci yake son magana ba, takan iya yin tunanin abin
dake wakana yanzu ne kawai, shi kuma har da sakamakon abin da zai iya faruwa,
yana da saurin fahimtar abu, wani sa'in ita ma haka amma a baibai, tana da
saurin daukar mataki kafin tabbatar da abu, shi ba haka yake ba, tana da saurin
yarda in zuciyarta ta gamsu da abu, yakan so ya yi bincike tukun, ta fi kallon
kyawun abu, ya fi kallon amincinsa, tana da hazaƙa wurin duba abubuwan da
suke buƙata,
shi kuma abin da za a kashe a kansu, to duk lokacin da aka yi gangaci wajen
rashin fahimtar juna bisa waɗannan
dabi'o'i akan sha wahala ba 'yar ƙarama
ba, ko a kai matsayin da ba wani mai fahimtar dan uwansa kuma.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.