Bayan mun sauka na yi gaba na bar su ban san yadda suka ƙare ba, amma da na dawo tasha zan hau motar Kura na ji abokinsa yana zarginsa da rashin karɓar tayin da aka yi masa. Shi kuma yana kare kansa da cewa mahaifiyar yarinyar tana...
Kundin
Ma'aurata - 18: Wace Mace Ce Ta Ƙwarai?
Baban Manar Alƙasim
Zauren
Markazus Sunnah
Galibin
masu neman aure a yau za ka taras rana guda tal suka ƙyalla ido suka hanko wace
suke kwadayin aurenta, in ko haka ne akwai abubuwa da dama wadanda ka yi kuskuren
dubawa, zai yuwu wace kake da buƙatar
aure ba ita ce wace kake ganin ta dace ba, don ta ƙwarai ba ta da arhar da za a
iya gano ta da kallo guda, iya wanka da karairaya da dadin baki ba su ne
ma'aunin da ake gano mace ta ƙwarai
ba, akan gano ta ne ta hanyoyi da dama, ciki da tsoron Allah kamar yadda muka
karanta a baya, da haka ne za ta zama mai bauta, ta kare kanta da mijinta, ta
kiyaye mutuncinsa da sirrorinsa.
Mace
ta ƙwarai
ba za ta ba da damar da za a kalli maigidanta ko a kalle ta a raina girmansa,
arziƙinsa
da mutuncinsa ba, za ta yi iya ƙoƙarinta wajen kare mutuncinsa
da dukiyarsa da zumuncinsa, za ta kyautata mu'amallarta da 'yan uwan mijinta da
surukanta wato uwayen mijinta, takan kiyaye irin mu'amallar da za ta yi da
abokansa, a kowani lokaci takan dauki gidanta a matsayin wata masarauta da take
jagoranci a matsayin sarauniya, da haka ne za ta kula da duk wadanda suke ƙarƙashinta da adalci.
Koda
yake mun sani cewa namiji shi ne maigida a shar'ance, amma zahiri ya nuna cewa
bai da lokacin zama a cikinsa, galibin maza in suka bar gida da sanyin safiya
sai kuma maraice yayin da suke dawowa a jigace, mafi yawansu ba sa iya kiyaye
abin da suke son sani sai wanda aka gaya musu, in mace ta kirki ce takan toshe
duk wata baraka a lokacin da maigidanta bayanan, in ya dawo kuma takan gaya
masa barakar da yadda ta bi wajen toshe ta, in ma ba ta tosu ba takan gaya masa
don ya san yadda zai yi da ita, shi ya sa gida kan gyaru a dalilinta ko ya baci
saboda yanayin yadda take.
Idan
aka sami mace ta ƙwarai
takan zama tamkar madubi ne da ake ganin surar maigidan, komai za a yi wanda ya
shafi maigidan in aka ganta shi kenan, ko kafuran da, in suka tashi kashe wani ƙasurgumi ba sa barin
iyalinsa saboda tsoron abin da zai biyo baya, ita ce take iya ƙoƙarinta wajen sanya 'ya'yanta
su biyo ubansu dari bisa dari, masamman idan ya kasance uban nasu na gari ne,
da wannan babban aiki za mu gano cewa hanyar zaƙulo irin wannan macen bai da
alaƙa da
kalar fatan mace ko kyawun ƙirarta,
kamar yadda ya yi nesa da wayewarta ta zamani ko abin hannunta ko na
mahaifanta.
Dabi'u
ne wasu gadonsu ake yi, wasu koyo ake yi a makaranta kamar tsoron Allah da
ibada, wasu kuma a gida ake dauka kamar ladabi da biyayya, kau da kai ga
dukiyar maigida, tsafta da tsaftacewa, kwalliya da iya girki, sai kuma tausayi
da sanin ƙimar
namiji, in kuwa haka ne to sanin gidan da yarinya ta taso ya fi sanin
makarantar da take karatu, abin takaici kala ya fi mana komai, shi ya sa 'yan
matan ba su damu da nuna mana tarbiyyarsu ta gida da makaranta ba kamar yadda
suke kashe kudinsu a yau wajen gyaran fatar fuska da hannu da ƙafa, inda za mu iya kallo,
wannan ya fi biya musu buƙata.
Da
yake mu a matattararmu mace ba ta ganin namiji ta ce "Wannan ya yi
min" ta fara shirye-shiryen nemansa dole dai sai wanda ya zo mata, duk da
haka tana da damar da za ta nuna kwadayinta ga wanda ta yaba wa addininsa da
dabi'unsa, ba za ta furta ba amma hanyoyin da 'yammata suke da su na isar da saƙo ga namiji suna da yawa,
wata rana na fito Rogo zan je Maƙarfi,
a daidai Filatan wata yarinya fara ta hau motar, ba a jima ba na ga ta fara
kulawa da wani saurayi kusa da ni, don lokacin da aka tambaye shi kudin mota
bai da canji, sai nan take ta biya, da zammar in muka isa can zai nema ya ba
ta, tana tare da mahaifiyarta amma ba ta damu ba, sai jansa da magana take yi.
Bayan
mun sauka na yi gaba na bar su ban san yadda suka ƙare ba, amma da na dawo
tasha zan hau motar Kura na ji abokinsa yana zarginsa da rashin karɓar tayin da aka yi masa. Shi kuma yana kare kansa da
cewa mahaifiyar yarinyar tana wurin, ban san dai yadda suka ƙare ba, amma yawan gaisuwa
da fara'a da tambayar abokan mutum ina yake, da dan yi masa ƙananan hidindumu wadanda
'yanmata suke kira mutunci a yau, duk za su iya shigar da saƙo har inda ake so, ni na ga
budurwar da ta matsa sai wani yaro ya riƙa koyar da ita, abin mamaki
uwayen yaron ne da kansu suka roƙe
shi da cewa za ta riƙa
zuwa ɗakin mamansa yana
koyar da ita, hujjarsu da haka wai sun ga tana da ƙoƙari kuma ba ta da ginshiƙi shi ya sa suka ga ya dace
su taimaka mata.
Sai
bayan ta aure shi muka sami labarin ashe ta ishe su ne da maganarsa suka
taimaka mata, a birnance kuwa ga hanyoyinan sama da ƙirgar yatsu wadanda mace take da su wajen nuna
buƙatunta ga wanda take so ba sai ta wahalar da
bakinta ba, abin da take buƙata
kawai ta harbi zuciyarsa ta ƙyale
shi, da kansa zai kawo kansa, a irin wannan yanayi magana ba tata ba ce, amma
kuskuren da mace za ta yi shi ne ta yi zaton cewa mu'amallarta da namiji a
lokacin nemanta ita ce hanyar da za ta gano cewa shi na ƙwarai ne ya dace ta yarda da shi ko a'a, ita ma
tana buƙatar
lokaci, ta sa 'yan uwanta maza su binciko mata, sirrin namiji sai namiji
irinsa, in kina shakka ga maigidankinan, kullum sabbin abubuwa kike
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.