Ganin Mahaifi Da Ya Rasu A Mafarki Yana Alwala Ko Sallah

𝐓𝐀𝐌𝐁𝐀𝐘𝐀❓

Assalamu alaikum. Ina so na yi tambaya mahaifina ne ya rasu Amman Ina mafarkin Yana sallah ko alwala ko ya ce mini in yi shiru in rabu da su kamar Yana rarrashina ne Wai in yi haƙuri bai mutu ba yana nan haka nan suke cewa ya mutu Amman bai mutu ba. Ina so na ji fassarar hakan.

𝐀𝐌𝐒𝐀❗️

Wa alaikumussalam warahmatullahi wabarakatuh.

Ganin mahaifi da ya rasu a mafarki yana sallah, alwala, ko kuma yana rarrashinka yana cewa bai mutu ba, yana da kyawawan fassarori da suke nuna alamun alheri da sanyin gwiwa a musulunci.

Sallah da alwala a mafarki ga mamaci suna nuna cewa yana cikin kyakkyawan yana yi da babban matsayi a wurin Allah (S.W.T). Alwala tana nuna tsarkaka daga zunubai, sallah kuma tana nuna samun yardar Ubangiji da kuma rahamar da yake ciki.

Wannan yana iya zama sako a gare ka cewa ka dukufa wajen yin sallah, kyautata alwala, da kuma bin tafarkin kwa rai da ya bar ka a kai.

Rarrashinka da yake yana Cewa "Bai Mutu Ba" hakan ya nuna yana cikin wata rayuwa mai dadi wadda ta fi ta duniya, Kamar yadda Allah ya fada a cikin Kur'ani mai girma game da wadanda suka riga mu gidan gaskiya cikin ayyukan kwa rai, cewa suna raye a wurin Ubangijinsu ana azurta su, to wannan mafarkin yana tabba tar maka da cewa mahaifinka yana cikin wata rayuwa mai dadi wadda ta fi ta duniya, shi yasa yake nuna maka yana nan da rai.

Cewar da yake yi "bai mutu ba" ya yin da mutane ke cewa ya mutu, tana nuna cewa mutuwarsa ta jiki ce kawai, amma kyakkyawan sunansa da ladan ayyukansa suna nan a raye, kuma yana cikin farin ciki.

Cewa da ya yi Maka "Yi Shiru Ka Rabu Da Su" Wannan yana nuna cewa mahaifinka yana son ka daina yawan damuwa, kuka, ko bakin ciki da mutane ke sakawa a zuciyarka game da rashinsa. Yana so ka kwantar da hankalinka, ka yi hakuri, ka kuma fuskanci rayuwarka ta gaba da kyakkyawan fata.

Ka ci gaba da yi masa addu'ar neman gafara da rahamar Allah. Ka Bayar da Sadaka: Ka raba sadaka da sunansa, domin wannan yana kai masa haske da daukaka a kabarinsa.

Wannan mafarki abun farin ciki ne a gare ka, yana nuna mahaifinka yana cikin aminci.

WALLAHU A'ALAM

Zauren Fatawoyi Bisa Alkur'ani Da Sunnah.

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.