Shaidar Abu Mus'ab Al-Suriy a Kan Fikrorin Sayyid Qutub Da Littatafansa

Kamar yadda muka ga abin da Aiman al-Zawahiriy, shugaban Al-Qa'ida ya fada a kan Sayyid Qutub, cewa; littatafansa su ne tartsatsin farko na wutar tunanin Ta'addanci a Duniya, su suka tunzura matasa, har suka kafirta shugabanni da talakawa, har suka shiga ta'addanci a kan al'umma, to yau kuma muna tare da ABU MUS'AB AL-SURIY, daya daga cikin Jagororin Al-Qa'ida, don mu ji irin masayin Sayyid Qutub a wajensa, da kuma irin experience dinsa game da littatafansa, da irin tasirin da Fikrorinsa suka yi a kansa.

Waye Abu Mus'ab al-Suriy?

Asalin sunansa Mustapha Abdulkadir. A farko Memba ne a wata kungiya mai suna "الطليعة المقاتلة للإخوان المسلمين", wacce take karkashin Kungiyar Ikhwan, wacce wani mai suna "Marwan Hadeed" ya kafa a Syria don yakar Gomnati, wanda shi ma ya tasirantu ne da Fikirar Sayyid Qutub ta yakar Gomnati, a lokacin karatunsa a Misra.

Kuma shi Abu Mus'ab ya zama cikin masu horar da mayakan Kungiyar Ikhwan a Jordan, wanda daga baya ya rabu da Kungiyar ta Ikhwan, har daga karshe ya tsallaka zuwa Afghanistan, a can ya shiga Kungiyar Al-Qa'ida.

Shi Abu Mus'ab ana daukarsa cikin wadanda suka tasirantu matuka da littatafan Sayyid Qutub da na Abdallah Azzam. Wanda har ya zama cikin "Munazzirun" na kungiyoyin ta'addancin, wanda har ya rubuta littatafai a kan haka.

Ga irin abin da ya fada a kan Sayyid Qutub da Littatafansa:

((رائد الفكر الجهادي في العصر الحديث بلا منازع والذي يعود لأفكاره ميلاد منهج التفكير ونظريات الحركة في (التيار الجهادي المعاصر) كان بلا شك الأستاذ الشهيد المعلم (سيد قطب) رحمه الله.

الذي ابتدأ حياته أديبا شاعرا و باحثا ناقدا لامعا. وعاش نضوج الفكر خلال الحقبة الصاخبة الحرجة من تاريخ مصر المعاصر خلال الأربعينات والخمسينات والستينات، وهي زوال الملكية وثورة الضباط الأحرار. واحتلال فلسطين والعدوان على مصر. واحتك عن قرب بالإخوان المسلمين وتأثر بحركتهم...

فقد ضم كتابه الفريد (في ظلال القرآن) - وهو تفسير حركي لآيات القرآن الكريم في ضوء ما نقله المفسرون من الآثار - خلاصة النظريات الحركية للفكر الجهادي المعاصر، وخلاصة ما أراد سيد طرحه من مفاهيم. وكان كتابه (معالم في الطريق) هو الأهم على صغر حجمه، وحوى خلاصة ذلك الفكر و طروحاته الجهادية الانقلابية الثورية. وكونت مكتبته الواسعة - من الكتب الاخرى من مثل كتاب (خصائص التصور الإسلامي) و(هذا الدين) و(جاهلية القرن العشرين) وغيره - منهجا متكاملا لفكر جهادي حركي معاصر يناسب تلك المرحلة)).

دعوة المقاومة الإسلامية العالمية (ص: 692)

"Jagoran tunanin Jihadi a wannan zamani, ba tare da jayayya ba, wanda haifar da Manhajin Tunani da Nazarin Harka a "Kungiyoyin Jihadin Zamani" yake komawa ga Fikrorinsa, ba shakka ya kasance shi ne USTAZ SHAHIDI, MALAMI, "SAYYID QUTUB" (RH).

Sayyid Qutub wanda ya fara rayuwarsa a matsayin Masanin Adabin Larabci, Mawaki, Mai bincike, Mai naqadi mai kwazo. Ya rayu cikin nunan tunani, a zamani na hayaniya mai wahala a Tarihin Misra, a tsakanin 40s, 50s, 60s, lokacin gushewar tsarin mulki na sarauta, da tawayen jami'an soja "Free Officers Movement (Egypt)", da mamaye Falasdinu, da kuma ta'addanci a kan Misra. Sai kuma ya yi gogayya ta kusa da Kungiyar Ikhwan, ya tasirantu da harkarsu (Gwagwarmayarsu)...

Hakika fitaccen Littafin Sayyid Qutub wanda babu ya shi (Fi Zilalil Qur'ani) - Tafsiri ne na harka (gwagwarmaya) ga Ayoyin Alkur'ani Mai girma, bisa hasken abin da ya ciro daga Malaman Tafsiri na Athaar -, littafin ya tara "khulasa" na nazarorin Gwagwarmaya na Fikrar Jihadi a wannan zamani. Da "khulasar" abin da Sayyid ya so ya yada na ra'ayoyi. Kuma littafinsa "Ma'alim fid Dareeq" ya kasance littafi mafi muhimmanci duk da karancinsa. Littafin ya tattara "khulasa" ta waccar Fikra, da ra'ayoyinsa da littatafansa na Jihadi, na juyin Mulki da Juyin juya hali. Littatafansa gaba daya - da sauran littatafan irin su (خصائص التصور الإسلامي) da (هذا الدين) da (جاهلية القرن العشرين) - sai suka gina cikakken Manhaji ga Fikrar Jihadi na Gwagwarmayar zamani, wanda ya dace da wancan lokaci)).

To jama'a, kun ji dai abin da jagororin Kungiyoyin Ta'addancin suke fada, na yadda suke daukar Fikrorinsu daga Sayyid Qutub a cikin littatafansa.

Saboda haka, ko shakka babu, Fikrorin Sayyid Qutub su ne tushe na Kungiyoyin Ta'addanci a wannan zamani. Tun daga kan Al-Qa'ida, Da'ish da ire - irensu, har zuwa kan Boko Haram.

Dr. Aliyu Muh'd Sani (H)

07 September, 2021

Daga zauren Dr. Aliyu Muhammad Sani