Lakubban Addinin Musulunci

Daga

Adamu Rabi’u Bakura, Ph.D.
Department of Languages and Cultures
Federal University Gusau, Zamfara, Nigeria
Arbakura62@gmail.com & adamubakura@fugusau.edu.ng

Da

Abu-Ubaida SANI, Ph.D.
Department of Languages and Cultures,
Federal University Gusau, Zamfara, Nigeria
Email: abuubaidasani5@gmail.com | official@amsoshi.com
ORCID: https://orcid.org/0000-0001-6447-4334 | WhatsApp: +2348133529736

Sunayen addini tsantsa, su ne sunayen da suka zo ƙasar Hausa sakamakon zuwan Larabawa ‘yankasuwa da masu yaɗa addinin Musulunci. Akan yi wa wasu sunayen laƙabi a sakamakon wasu halaye ko ɗabi’u da masu su na asali suka nuna. Irin waɗannan laƙubban ba a al’ummar Hausawa kaɗai ake aiwatar da su ba. Hasali ma Ubangijin talikai ne da kanSa Ya yi wa zaɓaɓɓun bayinSa. Kodayake Hausawa suna gudanar da wasu sauye-sauye ga irin waɗannan laƙubban addini domin su dace da tsarin ginin kalmominsu. Misali:

Jad. na 5: Samar da Sunayen Hausawa Daga Laƙubban Addini

	Suna	Laƙabi
1.	Muhammadu	Allah ne da kanSa ya kira Annabi S. A. W da laƙubba da suka haɗa da, Al’amin, Hausawa suka mayar da shi Aminu. Haka Ya kira shi Haris, sai suka mayar da shi Harisu. Ya kuma kira shi Mubasshir, su kuma suka mayar da shi Mubasshiru. Ya ambace shi da Mudaththir, suka mayar da shi Mudassiru. An kuma ambace shi da Nadhir su kuma suka mayar da shi Naziru. An kuma kira shi Siraju suka mayar da shi Surajo. Haka kuma akan haɗa sunan Muhammadu da wani suna da yake ishara da tsarin jerin adadin yaran iyali, Kamar: Auwalu, Sani, Salisu, Rabi’u, Hamisu, Sadisu, Sabi’u, Saminu, Tasi’u, da kuma Ashiru.
2.	Musa	Kallamu
3.	Ibrahim	a.      Halilu b.      Badaɗe c.       Aboki makusanci
4.	Khadijatu	Kubura
5.	Abubakar	Kubura
6.	Umar	Faruk

Manazarta

Bakura, A.R. & Sani, A-U. (2024). Sunayen Hausawa (Bunƙasar Sunayen Hausawa da Maƙwabtansu). WT Press. ISBN: 978-978-782-932-5. DOI: https://doi.org/10.5281/zenodo.19512083