Lakabin Sunayen Fulani Masu Alaka Da Dangantaka Ko Sunan Mahaifi Ko Kaka

Daga

Adamu Rabi’u Bakura, Ph.D.
Department of Languages and Cultures
Federal University Gusau, Zamfara, Nigeria
Arbakura62@gmail.com & adamubakura@fugusau.edu.ng

Da

Abu-Ubaida SANI, Ph.D.
Department of Languages and Cultures,
Federal University Gusau, Zamfara, Nigeria
Email: abuubaidasani5@gmail.com | official@amsoshi.com
ORCID: https://orcid.org/0000-0001-6447-4334 | WhatsApp: +2348133529736

Laƙubban Isharar Matsayin Dangantaka

Laƙubba ne da ke fayyace matsayin alaƙar da ke tsakanin rukunin al’umma. Akan fahimci matsayin mutum da ke cikin rukunin iyalansu ta hanyar amfani da wasu keɓaɓɓantun lafuzza a yayin da ake gudanar da hulɗar sadarwa a harkokin yau-da-kulmun. Wannan lamarin abu ne da ya kasance ruwan dare game duniya, da ya shafi kusan kowace al’umma. Al’ummar Fulani na ɗaya daga cikin wadda lamarin ya shafa. Kasancewar suna da irin waɗannan laƙubban da suke amfani da su a yayin gudanar da hulɗar sadarwa da take wanzuwa a tsakanin dangi. Misalai daga ciki sun haɗa da:

Jad. na 39: Sunayen Matsayin Dangantaka na Fulani

	Suna	Dangantaka
1.	Baaba	Uba (mahaifi)
2.	Dada	Uwa (mahaifiya)
3.	Bappa	Wan ko ƙanen mahaifi
4.	Goggo	Yar ko ƙanwar uba (mahaifi)
5.	Kaawu	Wa ko ƙanen uwa (mahaifiya)
6.	Penndo	Inna (yar ko ƙanwar uwa) mahaifiya
7.	Abba, Bobbo, Iya	Wa (yaya namiji)
8.	Nenne, Diddi, Dadda	Ya (yaya mace)
9.	Adda	‘Yar fari mace da aka fara haihuwa a gida

Tushen Bayani: Modu da wasu, (2017 p. 410).

Yayin da aka duba waɗannan laƙubban da suka shafi dangantaka ta jinni da ke nuna matsayin mai magana da wanda ake magana da shi ko a kansa. Hakan ya nuna za a tarar da cewa, mafi yawan al’ummomi na da irin waɗannan laƙubban isharar nau’in zumuntar da take tsakanin mai magana da wanda ake magana da shi ko a kansa.

Samar da Laƙubba Daga Sunan Mahaifi ko Kaka

Al’ummar Fulani kan samar da laƙabi daga sunan mahaifi ko kaka namiji. Misali, a al’adar Fulani idan aka raɗa wa abin haihuwa sunan iyaye ko kakanni maza, akan yi masa laƙabi da ɗaya daga cikin waɗannan laƙubban:

Jad. na 40: Laƙubba Daga Sunan Mahaifi ko Kaka

	Suna	Ma’ana
1.	Baamanga	Baba babba
2.	Baapeetel	Baba ƙaramin
3.	Baaba Iyaali	Babangida
4.	Baaba ‘adda	Babangida
5.	Baaba diddi	Babangida
6.	Bappaaji	Baba (na sashen uba)
7.	Goggooji	Kawu (wa ko ƙanin uwa)
8.	Hammaaji	Wa
9.	Addaaji	Ya
10.	Abbaaji	Ya
11.	Baabaaji	Ya

Tushen Bayani: Modu da wasu (2017 p. 411)

Laƙubban Sunayen Yanka

Bayan bayyanar Addinin Musulunci da yadda al’ummar Fulani suka karɓe shi, ya sa sun yi ƙoƙarin samar da wasu keɓantattun laƙubba ga sunayen yanka domin girmama masu sunayen na asali. Sukan yi haka ne a sakamakon jin nauyin faɗar sunan ko kuma wasu dalilai na musamman. Misalai daga cikin irin waɗannan sunaye sun haɗa da:

Jad. na 41: Laƙubban Sunayen Yanka na Fulani

	Suna	Laƙabi	Ma’ana
1.	Muhammadu	a.      Giɗaɗo b.      Ballo c.       Cuɓaaɗo
2.	Usmanu	a.      Shehu b.      Biiri	Malami
3.	Aliyu	Garga
4.	Ibrahim	Jaalo
5.	Nafisatu	Demmo
6.	Maryam	Daaso
7.	A’ishatu	Dikko

Manazarta

Bakura, A.R. & Sani, A-U. (2024). Sunayen Hausawa (Bunƙasar Sunayen Hausawa da Maƙwabtansu). WT Press. ISBN: 978-978-782-932-5. DOI: https://doi.org/10.5281/zenodo.19512083