Daga
Abu-Ubaida Sani
Jibril Yusuf
Muhammad Sulaiman Abdullahi
Wannan nau’i ne wanda ya shafi yaɗa bayanai da liƙau ɗin boge dangane da ɗaukar aiki. Za ta iya yiwuwa a yi amfani da sunan wani kamfani amintacce kuma sananne. Za kuma ta iya yiwuwa a yi amfani da sunan kamfanin boge da adireshin boge.
Idan bayanai kawai ‘yan damfarar suke
son tatsa, za su ja hankalin mutane zuwa ga yin rajista ko tura buƙatar neman aikin a kan intanet. A fom ɗin
da za su cike, za a buƙaci su
sanya dukkannin bayanan da ‘yan damfarar suke nema. Da zarar sun sanya waɗannan
bayanai, shi ke nan zance ya ƙare. ‘Yan
damfarar za su yi caraf da bayanan nasu.
A ɓangare
ɗaya kuwa, tana iya yiwuwa ‘yan damfarar kuɗi
suke son tatsa daga mutane. Idan haka ne, za su bi wasu matakan na daban domin
cimma manufarsu. Wani lokaci sukan buƙaci
a biya wani kuɗin yin rajista ko na zamowa mamba a kamfani da
makamantansu. Suna kuma iya buƙatar a turo
kuɗi domin nema wa mutum biza (visa) idan aikin a ƙasar waje ne. Wanda duk ya tura musu kuɗi,
to kuɗaɗensa sun bi shanun sarki.
Manazarta:
Sani, A-U., Yusuf, J. & Abdullahi, M.S. (2025). Damfara a duniyar intanet. SAS Publishers. ISBN: 978-978-695-575-9. DOI: https://doi.org/10.5281/zenodo.19513307
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.