Hukuncin Karanta Alqur'ani Cikin Waya Ba Tare Da Tsarki Ba

𝐓𝐀𝐌𝐁𝐀𝐘𝐀❓

Mene ne hukuncin karatun Alqur'ani acikin waya, irin application dinnan uzu sittin, yaya hukuncin macen da ba ta da tsarki ta dau wayar tai karatu aciki.

𝐀𝐌𝐒𝐀❗️

Alqur'anin Application Na waya rubutacce wanda ake karantawa, kona sauti wanda ake saurara baya ɗaukar hukinci Alqur'ani cikakke wanda ke rubuce acikin takardu. Ya hallata taɓashi acikin wayar ko karantashi batare da tsarki ba, kuma ya halatta shiga banɗaki da wayar, saboda rubutun Alqur'anin dake cikin waya ba kamar rubutunsa bane dake cikin takardu, Kawai wasu na'urorine suke bijirowa sannan saisu gushe, ba haruffa bane tabbatattu, waya kuma ta haɗa Qur'anin dawasu abubuwan.

An tambayi shaik Abdurrahman bin Nasir mene ne hukuncin karanta Alqur'ani na cikin waya batare da tsarki ba?

Saiya Amsa: Abune sananne karatun Alqur'ani wanda mutum ya haddace ba sharadi bane sai mutum yana da tsarkin kari karami harma da babban kari, Saidai karanta Alqur'ani tare da tsarki koda tilawa mutum zaiyi karatun shine yafi, domin zancen Allah ne, yana daka cikin girmama zancen Allah kada akaranta sai anada tsarki.

Amma karantashi acikin takardu sharadine kai tsaye sai idan mutum yanada tsarki, Saboda Abunda yazo acikin hadisi shahararre ( Baya halatta aɗauki Alqur'ani ko shafarsa sai wanda yake da tsarki) Dakuma abunda yazo na maganganun sahabbai da kuma tabi'ai akan haka jamhurdin malamai suka tafi akai, Shine wanda yake da hadasi haramunne ya taɓa Alqur'ani saboda tilawa kowanin tilawa.

Abisa wannan zai bayyana garemu cewa Alqur'anin dake cikin waya da sauran na'urori wanda ake taskance abubuwa acikinsu baya ɗaukar hukuncin Alqur'anin dake rubuce acikin takardu, domin rubutunsa ya saɓa da wanda yake acikin takardu, ba zaka samesu da siffofinsu da'ake karanta su ba, saidai asamesu asifar yanada na'urar ke bayarda haruffan yayinda aka nema, saita bayyanar dashi a screen idan kuma ka tsallaka kan wani abun acikin wayar sai haruffan su kau, Abisa wannan yahalatta ɗaukar wayar ko shafarta, ko wani kaset da'aka taskance Alqur'ani acikinsa, ya halatta karantashi, koda mutum baida tsarki.

Shaik Salih Alfauzan yace: Alqur'anin dake rubuce acikin takardu Bai hallata shafarsa ko taɓa shi ba saiga wanda yakeda tsarki kamar yanda yazo acikin hadisi, Amma waya ba'a kiranta Alqur'ani.

Karanta Alqur'ani acikin waya saukakawane ga mai haila, da kuma wanda ɗaukar Alqur'anin gaba ɗaya yake masa wahala, ko yake wajan da zai masa wahala yin alwala, saboda rashin tsarki.

Saboda haka ya halatta macen da ba ta da tsarki ta karanta Alqur'ani na appilication, ba haramun bane dan ta ɗauki wayar ko tayi karatu dashi lokacin da batada tsarki.

 WALLAHU A'ALAMU

Zauren Fatawoyi Bisa Alkur'ani Da Sunnah.

  ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.