Matarsa Ta Neme Shi Da Jima'i, Bai Amsa Mata Ba (Kashi Na Biyu)

𝐓𝐀𝐌𝐁𝐀𝐘𝐀❓

Malam fatawarka da ka yi akan mijin da matarsa ta neme shi da jima'i, bai amsa mata ba, ba shi da laifi, mun watsa ta a group da yawa, kuma ta haɗu da kalubale, ga abin da wata take cewa:

Ina ganin idan har aka ce namiji kawai ne zai iya kusantar matarsa duk lokacin da ya so ko tana so ko ba ta so, ita mace idan ta nemi hakan ko bai biya ma ta buƙatarta ba sai lokacin da ya so, Anya akwai adalci a hakan.!???

Idan akwai istidlali naƙli a taimaka min da su ba aƙali ba. Na ga istidlal ɗin na aƙali aka kawo a rubutun. Ya za a yi mace ta nemi mijinta ya ƙi amince ma ta, duk da kasancewar mace tana da kunya. Amma har ta iya nemansa ka ga kuwa akwai dalilin da ya sa ta neme shi. Ai shi ma namiji ko da bai da sha'awa da an taɓa shi sha'awarshi za ta motsa. Ke nan hakan ba zai zamo dalili da zai sa don mace ta nemi mijinta ba ya ki amincewa da dalilin wai baya da sha'awa.

𝐀𝐌𝐒𝐀❗️

Wa'alaykumussalam. To abin da zan iya cewa shi ne: saduwar da muke magana akanta ibada ce, ibada kuma tana buƙatar dalili kafin a tabbatar da ita, babu wani dalili Wanda ya wajabtawa miji amsa kiran matarsa duk lokacin da ta neme shi, sannan yana yi da al'ada ya tabbatar da cewa namiji ba zai iya saduwa da mace ba duk lokacin da ta name shi, saboda Namiji yana buƙatar nashaɗi kafin saduwa, saɓanin mace, wacce take a matsayin katifa, wannan ya sa malamai da yawa na sharia suka tafi akan cewa ba a yi wa namiji Fyaɗe, tun da in azzakarinsa bai motsa ba, ba zai sadu da mace ba, mace kuwa an cimma daidaito za a iya mata Fyaɗe saboda kamar tirmi take, in har an samu tabarya shi ke nan, wannan ya sa za a iya saduwa da mace tana bacci saɓanin namiji.

Kasancewar an ce babu la'anta akansa idan matarsa ta neme shi bai amsa mata ba, ba ya nuna ya halatta ya cutar da ita, yaki saduwa da ita a lokacin da yake da nishaɗi.

Allah ne mafi sani

Dr, Jamilu Zarewa

ƘARIN BAYANI

Tambaya:

Idan matarsa ta nemi mijinta da jima’i, amma bai amsa mata ba, shin mijin yana da laifi? Kuma mene ne shari’a ta ce game da wannan hali?

Amsa:

Wa Alaikumus Salam.

A Musulunci, saduwa tsakanin miji da mata ibada ce kuma wani bangare ne na hakkin aure da juna. Amma kamar kowace ibada, tana buƙatar sharuɗɗa da dalilai kafin ta tabbata. Ba a wajabta wa miji cewa zai amsa kiran matarsa duk lokacin da ta neme shi ba, musamman idan ba ya cikin yanayin nishaɗi ko lafiyar saduwa. Wannan saboda namiji yana da bukatar motsin sha’awa (nashaɗi) kafin saduwa, kuma yana da al’ada cewa ba zai iya kusantar mace ba idan ba ya motsa da sha’awar hakan.

Hakanan, malamai sun bayyana cewa:

1. Namiji bai aikata laifi idan bai amsa kiran matarsa ba, muddin bai cutar da ita ba. Wannan ya hada da lokacin da matarsa ta nemi shi amma ya kasance ba shi da nishaɗi ko karfin motsin sha’awa.

2. Mace tana da yanayin daban: Sha’awar mace tana iya motsawa ko da tana bacci ko ba ta da cikakken nishaɗi, saboda haka malamai sun ce a wasu lokuta ana iya cimma daidaito a saduwa idan an samu matsaya mai kyau. Amma ba a yi wa namiji fyaɗe idan ba ya motsa ba, domin tilasta masa ya saba dabi’arsa.

Hakika Manzon Allah ﷺ ya nuna muhimmancin kyakkyawar mu’amala tsakanin ma’aurata:

حديث – صحيح البخاري, صحيح مسلم

«خيركم خيركم لأهله وأنا خيركم لأهلي»

“Mafi alkhairinku shi ne wanda yafi alkhairi ga iyalinsa, kuma ni mafi alkhairi ne ga iyalina.”

Wannan yana nuni da cewa kyakkyawar mu’amala da iyali, gami da saduwa cikin yardar juna, ita ce alkhairi. Amma ba ya nuna cewa dole ne miji ya sadu da matarsa ba tare da nishaɗi ba, domin tilasta masa zai saba dabi’a da shari’a.

Kammalawa:

• Idan matarsa ta nemi mijinta kuma bai amsa ba, ba laifi a wurin Allah ba ne, muddin bai cutar da ita ba.

• Mijin yana da alhakin yin kyakkyawar mu’amala da mata, amma ba wajibi ba ne cewa zai sadu a kowane lokaci idan ba ya motsa ba.

• Ana karfafa ma’aurata su fahimci juna, su yi hakuri da juna, kuma su girmama yanayin junansu.

Allah ne mafi sani.

 ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.