Nawa Ne Mafi Ƙarancin Kwanakin Jinin Biki?

𝐓𝐀𝐌𝐁𝐀𝐘𝐀❓

shin mace mai jinin biki zata zauna har kwana arba'in baza tayi sallah ba Kuma baza tayi Azumi ba, ko Kuma abin lura daga gareta za ta yi tsarki, tayi sallah Kuma nawa ne mafi ƙarancin kwanakin da za tayi kafin tayi tsarki?

𝐀𝐌𝐒𝐀❗️

Mace mai jinin biki bata da kaiyadadden lokaci sai dai duk lokacin da jinnin ya zo mata zata zauna baza tayi sallah ba Kuma baza tayi Azumi ba Kuma mijinta bazai iya saduwa da ita ba. Amma idan taga jinin ya dauke, wato ta tsarkake ko da kafin ta cika kwana arba'in ne ko da jinnin iyakacin kwana goma kawai yayi ko kwana biyar kawai sai ya ɗauke, to sai tayi wanka tayi sallah, tayi Azumi Kuma mijin ya sadu da ita babu laifi a cikin hakan.

Sai dai abin da yafi muhimmanci shine shi jinin biki al'amari ne kebantacce Kuma hukuncinsa yana ratayuwa ne da shi, wato idan jinin yazo to hukuncinsa yana nan ba za tayi Azumi da sallah ba Kuma idan jinin Bai zo ba to hukuncinsa baya nan. duk lokacin da tayi tsarki to ta wofanta daga hukuncinsa.

Sai dai idan jinin ya karu matar ta zamo mai jinin Istihada, wato jinin ciwo kenan, sai tayi lissafin iya kwanakin al'adarta sai tayi wanka tayi sallah. sai ta nemi maganin wannan jinin cuta.

WALLAHU A'ALAM

Nusaiba Tasiu Abdulrahim

Zauren Fatawoyi Bisa Alkur'ani Da Sunnah. Ku kasance Damu...

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

 https://t.me/TambayaDaAnsa

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.