Jollof Din Shinkafa Da Taliya, Jollof Din Shinkafa Da Ganye, Jollof Din Shinkafa Da Doya

Shimfiɗa

A babi na tara, an kawo bayanai a kan dafa-duka amma a gargajiyance. Zamani ya zo da sauye-sauye daban-daban a wannan nau’in abinci na dafa-duka. Wasu daga cikin sauye-sauyen sun shafi kayan haɗin abincin ne kawai. A nan, ana nufin nau’ukan kayayyakin sarrafa dafa-duka, misali kayan ɗanɗano da na ƙamshi. A ɓangare guda kuwa, akwai sababbin nau’o’in dafa duka na zamani da suka zo wa Bahaushe. Ya same su ne daga baƙin al’ummu da ya yi cuɗanya da su. Wannan babi na ashirin da uku zai bibiyi waɗannan nau’o’in abincin na dafa-duka da ke ƙunshe da tasirin zamani.

Dafa-Dukan Shinkafa da Taliya

i. Albasa

ii. Gishiri

iii. Kayan yaji

iv. Magi

v. Mai

vi. Nama

vii. Ruwa

viii. Shinkafa

ix. Taliya

x. Tarugu

xi. Tattasai

xii. Tumatur

Dafa-dukan shinkafa da taliya ita ma haka za a yi ta kamar wadda ta gabata. Sai dai za a tafasa nama da albasa kafin a saka shi a cikin sanwa. Haka ma, idan za a saka taliya sai an zuba dafaffiyar shinkafa daga baya a saka taliya.

Dafa-Dukan Shinkafa da Ganye

i. Alayyafu

ii. Albasa

iii. Ganda

iv. Gishiri

v. Kayan yaji

vi. Magi

vii. Mai

viii. Ruwa

ix. Shinkafa

x. Tarugu

xi. Tattasai

xii. Tumatur

xiii. Zogale

Wannan dafa-duka ita ma kamar yadda aka yi ta wake haka za a yi ta. Sai dai a wurin ganda za a tafasa ta da gishiri da albasa sosai kafin a saka ta bayan an yi sanwa. Shi kuma zogale za a murje shi sosai a saka cikin sanwa saboda ya nuna sosai. Daga nan, sai a saka shinkafa. Idan alayyafu ne, sai an saka shinkafa sannan a saka alayyafu.

Dafa-Duka Shinkafa da Doya

i. Albasa

ii. Doya

iii. Gishiri

iv. Kayan yaji

v. Kukumba

vi. Magi

vii. Mai

viii. Ruwa

ix. Shinkafa

x. Tarugu

xi. Tattasai

xii. Tumatur

Ita ma dafa-dukan shinkafa da doya akan yi ta ne kamar sauran da aka yi bayani a sama. Bayan nan, ita ma doyar za a fere ta a ajiye gefe. Sai dai idan za a saka shinkafa tare za a saka su. Idan ana buƙata za a iya yayyanka kukumba a saka a ciki.

Naɗewa

Dafa-duka abinci ce da ta tara abubuwa da yawa, kamar dai yadda aka ga bayanin a sama. Akwai wasu nau’o’in dafa-duka da za a iya samu a ƙasar Hausa bayan waɗannan, musamman da yake kullum sababbin ilimomi na ƙara zuwa ga al’umma a fannonin rayuwa daban-daban, ciki har da yadda suke samar da abincinsu na yau-da-kullum.

Citation (Manazartar Littafin): Sani, A-U. & Umar, H.A. (2022). Cimakar Hausawa. Kano: WT Press. ISBN: 978-978-984-562-9.

Get a copy:

To obtain a copy of this book, kindly send a WhatsApp message to:

+2348133529736

You can also write an email to:

abuubaidasani5@gmail.com